الموضوع: فى حد ممكن يشرح فكرة تخيلية للمارش لو سمحتم؟

المشاركة الأصلية كتبت بواسطة ahmed_mido1889

مش القصد بس انا ده مبدائي

علي العموم لما تيجي ترجعي بدهرك

عايزه تروحي يمين بتلفي الدركسيون شمال

والعكس صحيح

انت اهم حاجه وانت راجعه تبقي ظابطه مرايات الاجناب تبقي جايبه جنب العربيه وجايبه الاقماع


ترجعي بسرعه بطيئه علشان المساحه بتبقي ضيقه

وتعرفي تلمي وش العربيه من غير ما تخبطي اي قمع

والله ده اللى كنت اقصده بالظبط من كلمة التخيل لانى تخيلت نفسى كانى بسوق العربية وقاعدة بضهرى لانى ببص ورا فحبيت افهم الفكرة اكتر انا بركن وكل حاجة بس اول ما حد يطلع لى بتلخبط طول منا لوحدى شغاله زى الفل الاقى بنى ادمين احس انهم بيتفرجوا على اتلخبط بالذات لما يبدؤوا يساعدوا من غير سؤال بحس ان خيبتى باينة هههه

المشاركة الأصلية كتبت بواسطة walidadel

معلومه كده لصاحبة الموضوع اللي الموضوع بتاعها خرج عن مساره تماما مش عارف ليه

المهم في كلامك فوق ده بتقولي انك بتبصي بضهرك لورا وانتي بترجعي
لما بتعملي كده بتبقي كاشفه الجزء اللي من بعد الشنطه وانتي طالعه لفوق مع ان الجزء ده مش مهم بالمره في الركن الجزء الاهم من عند الكاوتشه (الارض) لحد الشنطه و دا الجزء اللي مش هاتعرفي تبصي عليه وانتي لافه بضهرك لورا
علشان تبصي علي المساحه المهمه في الركن لازم تستخدمي مرايا الجنب لانها الوحيده اللي بتكشف المساحه المطلوب الركن بها و اللي هيا بردوا نفس المساحه اللي هايبقي موجود فيها القمع
لان القمع دده علي الارض و مستواه تقريبا لحد تلتين الرفرف كده يعني حتي مش هاتشوفيه من الشنطه لانه اقل منها بتلت بالظبط
يبقي الاول تدربي انك ترجعي لورا باستخدام مرايات الجنب و تعرفي المسافه في المرايه بينها و بين العربيه اد ايه في الحقيقه ساعتها هاترجعي علي الاقماع عادي خالص

انا لما باجي اركن جنب رصيف و الرصيف دا يمين بنزل المرايه اليمين لتحت خالص علشان الكاوتشه ماتحكش في الرصيف و ابقي سايب مسافه بين العربيه و الرصيف (تصوريها كده) هتلاقي كلامي في شئ من الاقناع

...... ارجوا اكون افدتك

طبعا يا وليد استفدت جدا جدا جدا من كلامك ميرسى لك اوى