الموضوع: خنااااااقة عائلية بسبب اللوجان :(

( ويك ويك ويك , يا ولول كذا و يا ولول كذا )
انا كمان امبارح مامى صاحتنى من النوم و قالتلى الحق يا واد يا مصطفى فاتخضيت و قولتلها فيه ايه يا ماما اللمبة اتحرقت !!!
قالتلى لمبة ايه و بتاع ايه مش الانوس بتاعة الواد ( ...... ) جابت على الرابع 380 و سابقت عربية فيرارى و اللوجان غلبانة جابت على الرابع 20 و مقدرتش تسابق عربية سيات يعينى عليها .
قلتلها مين اللى قال الكلام دة يا ماما .
قالتلى الناس عمالة تتخانق قصدى تحكى و تتحاكى على الموضوع دة ..
قولت ادخل و اشوف ..
لقيت اللوجان مبقتش عربية اوروبى و الانوس بقت المانى تقفيل كورى و اتحولت فجأة لأوبل كورسا 95 سبحان مغير الأحوال قادر على كل شىء .
و طلعت البى ام المتأجرة بتعوم على 80 و طلعت الانوس بتاخد ملفات على 170 و بتجيب على الأول 50 و على التانى 85 و على الرابع 185 مش عارف بقا بتجيب على الخامس كام متكونش بتجيب 380 و طلع كمان صاحبها لسة راجع مع لوجان صحراوى و الراجل بتاع اللوجان كان بيهدى فى الملفات يعينى عليه و هو ولا الهواء و بيحلف انه بهدل الراجل كمان ..
و واحد تانى قال انها بتجيب على الغيار التانى 90 ..
و طلع كمان قسم اللوجان عصبى جدااا و شايف العربية مفيش زيها اتنين ..
و بيعاتب قسم اللوجان علشان من يومين واحد فى قسم الأوبل دخل عاب فى العربية يعنى عاوز الراجل يعيب على العربية و اعضاء اللوجان ميصححوش وجهة نظره الخاطأة ولا حته يدافعوا عن العربية ...

بجد والله الناس دى شحورة العربية خالص و كنت عاوز اجيب جركن جاز و اولع فى العربية و اريح نفسى بس مقدرتش لأن دى لوجى اللى انا بعشقها و حبى و اقتناعى بيها بيزيد يوم بعد يوم و ببقا عاوز المشوار يطول علشان افضل راكبها و مستمتع بسواقتها ...
انا عن نفسى معايا العربية و هقول ايه اللى بحبه فيها و ايه اللى مبحبهوش ..
1- الأبشنز بتاعة العربية جــــــــــــــــــــامدة طحن من كمبيوتر الرحلات للأير باج للكمليات الأخرى .

2- تكيف العربية ثلاجة بصراحة و مش مأثر على سحب العربية نهائى انا بشغلوا و انا ماشى 140-150 و مبيحصلش حاجة و لله لحمد ..

3- عافشة العربية اللى مش محسسانى بالمطبات نهائى و كمان حاسس انى جالس على ريشة .

3- مستوى الأمان فى العربية عالى جداا و كمان حاصلة على 3 نجوم من 5 نجوم فى اختبار السلامة الأوروبى و كمان العربية طلعت مصفحة ..

4- قوة الموتور و ادائه و سحبه الجبار انا عارف ان العربية 8 صباب 90 حصاب بس والله مش مأثر على اداء العربية اطلاقا و انا جبت بيها 190 و مقلتش لأ و شديد مع كيا سيراتو و اوكتافيا a4 و اوبل كوسا و لانسر و النترا و الحمد لله لوجى اثبتت نفسها و بجدارة و دة اللينك .
Log In | Facebook

5- صاج العربية محمل و قفلة البواب و الشنطة محترمة جداااا ..

6- بساطة الصالون من الداخل العربية سيمبل اوى من الداخل بس مع مواد محترمة جدااااا عكس ال( ..... ) صالون فقير مع مواد زباااااااااالة .

7- تقفيل العربية محترم جدااااا .

8- عزل العربية محترم و الدليل ان صوت المحرك عالى نسبيا خارج العربية انما و انت قاعد جوة العربية مش هتسمع صوت للموتور نهائى .

9- ثبات العربية اللى اكثر من محترم ..

10- توكيل رينو المحترم و الذى يعد من افضل التوكيلات فى مصر و بيحل اى مشكلة فى العربية بسهولة تامة ..

11- دبرياج العربية ناعم جدااااا و يعد افضل دبرياج لمسته فى حياتى .

12- العربية اقتصادية جدا فى البنزين .

اللى مش عاجبنى

1- الكاسيت اوديو مش mb3 انما محترم و سمعاته نقية و قوية جدااااا

2- ارتفاع الشانطة الغريب اللى بيخلينى مش شايف ورايا و انا بركن و لكن مع ثانى و ثالث ركنة هتدعود ..

3- اماكن ازرار الزجاج و الكلاكس الغريبة اللى فرنسا لازم تسيبها كبصمة فى العربية علشان تميزها عن باقى العربيات الكورية و اليابانة و الألمانية و الماليزية ..

4- لون الصالون من الداخل رمادى كئيب مش عارف فيها ايه لو كانوا خلوه بنى او هافان بس انا عارف ان الألوان دى مش هتنفع فى المحروسة مصر للأنها هتدبهدل بسرعة و بعد اسبوع او اتنين هتتحول لرمادى فهما خلوه رمادى من البداية و خلاص ..

5- الباور تقيل اللى حد ما لكن مخلى العربية ثابتة بشكل رااااااااائع على السرعات العالية ..

فى النهاية انا قولت رأيى فى العربية و بكل صراحة و بدون انحياز و احب اقول للناس اللى عمالة تشوه فى صورة العربية و خلاص " اتقوا اله يجعل لكم مخرجا " و كفاية لحد كدة و احنا مش عصبين ولا حاجة و بنتقل اى نقد عن العربية و الدليل الأخ الفاضل ابو مريم بتاع الفار و المصيدة حاولنا نساعده بكل الطرق و طلبنا منه ان يحكى على المشكلة علشان نقدر نساعده و لكنه رفض .
طلبنا منه يصورلنا العربية علشان نساعده لكنه رفض برضه .
احنا بس اللى بيزعلنا لما واحد يدخل يقول اى كلام و يحاول يشوه فى صورة العربية و خلاص و دى غريزة فطرية و عند اى انسان انما لو بيقول نقد فى العربية بأحترام بنحاول نصحح فكرته و وجهة نظره و فى النهاية اسف على الأطالة و تقبلوا خالص تحياتى ...

المشاركة الأصلية كتبت بواسطة ayman1204

كلام ستات وانت سيدى العارفين

لازم الجارة تطلع نفسها ام العرافة

وايش فهم الستات اصلا فى العربيات !!!!

دا فى السعودية منعوا الستات من انهم يسقوا العربيات

اه والله
فكرونى بفيلم فوزية البرجوازية

المشاركة الأصلية كتبت بواسطة party_0000

توكل على الله وهيا لما تشوفها هتفرح

يا مسهل

المشاركة الأصلية كتبت بواسطة h a r d

الله يكون فى عونك
وبجد ربنا معاك وانا لو منك قولها ابقى شوفى مين هجيب عربيه

وانا مش عارف اللوجان عامله مشاكل فى كل حته ليه

فعلا اى حد تقوله لوجان يقولك امسك .. ديه غالية و مابتتبعش

المشاركة الأصلية كتبت بواسطة ashouhdy

هم فعلا المصرية ريحتهم فاااااااااااااااااااحت

ما نص المعارض ريحتهم فايحة و فى الاخر مش بتفرق حاحة والله

المشاركة الأصلية كتبت بواسطة yoko

عندها حق في موضوع المصريه معندهاش حق في اللوجان نفسها

و الله انا لحد دلوقتى مشفتش منهمحاحة وحشة

المشاركة الأصلية كتبت بواسطة egyzizo

أنا لو كنت مشيت ورا أبويا وأمى فى المسائل اللى زى دى ، ماكنتش نفعت فى أى حاجة.

ههههههههههههههههههههه
ربنا يقويك و يوفقك يا رب

المشاركة الأصلية كتبت بواسطة a7madahly

اتكل على الله واستخير ربنا.واشتريها ومش هتلوم نفسك انك اشتريت العربيه دى

امين يا رب