الموضوع: خنااااااقة عائلية بسبب اللوجان :(

اول حاجة باختصار كده عشان مطولش عليكم فى الاول ( عشان لسه هطول فى الاخر ) انا من كام يوم كده حجزت لوجان بالقسط من المصرية بعد اما لفيت فى كذا مكان و لقيت ان المصرية كانت ارخص سعر

عايز بس الاول اقول ان المنتدى ده من اهم الاسباب الى خلتنى افكر فى اللوجان .. انا فعلا كنت مستريحلها نفسيا جدا بس المنتدى هو الى دعم و قوى الراحة النفسية ديه

نبدأ بقى الحكاية :
امبارح بليل قرب الفجر كده صحيت من النوم و رحت اشرب ,, لقيت الوالده كانت موجوده فى المطبخ .. اول لما شافتنى قالت لى فى حاجة مهمه بخصوص العربية .. قولت خير اللهم ما اجعله خير!!! و اصلا انا مكنتش شايف قدامى

قالت لي دلوقتى من كام ساعه كده كنت بكلم فولانه فى التليفون ( فولانه ديه واحد قريبتنا ) بس شغلها ليه علاقة بالعربيات و كده
و فولانه قالت (افتت) ان المصرية ديه شركة بنت كانى و مانى و دكان الزلبانى ( و قالت فيهم من المنقى يا خيار ) جميع المساوأ الى تخطر و متخطرش على بالكم.. و انهم هياخدوا منى المقدم و يمضونى على شيكات و يقولوا ليا ورينا عرض كتافك و مش هيدونى العربية !! طبعا انا ابتديت اتنرفز و اقولها يا ستى هو انتى مخلفه عيل برياله !! ده انا زى الشحط ايه الى بتقوليه ده بس !!!

تانى حاجة ان شركات التأمين الى المصرية بتتعامل معاهم هم اسوأ شركات تأمين موجوجة فى المجرة !!!!و انهم حرامية و و و و و و ان فولانه ديه قريبتنا تعرف شركة تانية بقة كويسه و مش عارف ايه

تالت حاجة بقى ان العربية اللوجان ديه عربيه بنت تييييييييييت و اسوأ عربية على مستوى العالم و ان محدش بيعرف يصلحها غير واحد بس فى سيديى بشر !!!!!! ( مش عارف اشمعنا ده الى جهبز يعنى ) و قطع غيرها نااااااار و مش بتتباع و ان فولانه ديه شايفه انى اشترى لانوس احسن !!!!!!!!!

طبعا الموضوع قلب بخناقه كبيرة قوى كلام كتيييييييييير انتهى انى دخلت نمت
و صحيت قافل من العربية و خايف رغم انى مقتنع بيها مليون %
بس حاسيت انى خلاص اول ما هجيب اللوجان هتبوظ و مش هلاقى حد يصلحها و التوكيل يسرقنى .....الخ الخ و والدتى و فولانه ديه هسمموا بدنى بقى و يفضلوا يقولوا ليا انت الى جبته لنفسك و احنا قولنالك و انت عيد و ماشي بدماغك الخ

بجد الموضوع ضايقنى رغم انى انهرده فرحت جداااااااااااااا لما صاحبى قال لى ان اللوجان وصلت الميناء

معلش صدعتكم بس و الله انا استريحتلكم اصلا .. و انتم سبب الى انا فيه ده