الموضوع: خنااااااقة عائلية بسبب اللوجان :(

المشاركة الأصلية كتبت بواسطة M_SALLAM

( ويك ويك ويك , يا ولول كذا و يا ولول كذا )
انا كمان امبارح مامى صاحتنى من النوم و قالتلى الحق يا واد يا مصطفى فاتخضيت و قولتلها فيه ايه يا ماما اللمبة اتحرقت !!!
قالتلى لمبة ايه و بتاع ايه مش الانوس بتاعة الواد ( ...... ) جابت على الرابع 380 و سابقت عربية فيرارى و اللوجان غلبانة جابت على الرابع 20 و مقدرتش تسابق عربية سيات يعينى عليها .
قلتلها مين اللى قال الكلام دة يا ماما .
قالتلى الناس عمالة تتخانق قصدى تحكى و تتحاكى على الموضوع دة ..
قولت ادخل و اشوف ..
لقيت اللوجان مبقتش عربية اوروبى و الانوس بقت المانى تقفيل كورى و اتحولت فجأة لأوبل كورسا 95 سبحان مغير الأحوال قادر على كل شىء .
و طلعت البى ام المتأجرة بتعوم على 80 و طلعت الانوس بتاخد ملفات على 170 و بتجيب على الأول 50 و على التانى 85 و على الرابع 185 مش عارف بقا بتجيب على الخامس كام متكونش بتجيب 380 و طلع كمان صاحبها لسة راجع مع لوجان صحراوى و الراجل بتاع اللوجان كان بيهدى فى الملفات يعينى عليه و هو ولا الهواء و بيحلف انه بهدل الراجل كمان ..
و واحد تانى قال انها بتجيب على الغيار التانى 90 ..
و طلع كمان قسم اللوجان عصبى جدااا و شايف العربية مفيش زيها اتنين ..
و بيعاتب قسم اللوجان علشان من يومين واحد فى قسم الأوبل دخل عاب فى العربية يعنى عاوز الراجل يعيب على العربية و اعضاء اللوجان ميصححوش وجهة نظره الخاطأة ولا حته يدافعوا عن العربية ...

بجد والله الناس دى شحورة العربية خالص و كنت عاوز اجيب جركن جاز و اولع فى العربية و اريح نفسى بس مقدرتش لأن دى لوجى اللى انا بعشقها و حبى و اقتناعى بيها بيزيد يوم بعد يوم و ببقا عاوز المشوار يطول علشان افضل راكبها و مستمتع بسواقتها ...
انا عن نفسى معايا العربية و هقول ايه اللى بحبه فيها و ايه اللى مبحبهوش ..
1- الأبشنز بتاعة العربية جــــــــــــــــــــامدة طحن من كمبيوتر الرحلات للأير باج للكمليات الأخرى .

2- تكيف العربية ثلاجة بصراحة و مش مأثر على سحب العربية نهائى انا بشغلوا و انا ماشى 140-150 و مبيحصلش حاجة و لله لحمد ..

3- عافشة العربية اللى مش محسسانى بالمطبات نهائى و كمان حاسس انى جالس على ريشة .

3- مستوى الأمان فى العربية عالى جداا و كمان حاصلة على 3 نجوم من 5 نجوم فى اختبار السلامة الأوروبى و كمان العربية طلعت مصفحة ..

4- قوة الموتور و ادائه و سحبه الجبار انا عارف ان العربية 8 صباب 90 حصاب بس والله مش مأثر على اداء العربية اطلاقا و انا جبت بيها 190 و مقلتش لأ و شديد مع كيا سيراتو و اوكتافيا a4 و اوبل كوسا و لانسر و النترا و الحمد لله لوجى اثبتت نفسها و بجدارة و دة اللينك .
Log In | Facebook

5- صاج العربية محمل و قفلة البواب و الشنطة محترمة جداااا ..

6- بساطة الصالون من الداخل العربية سيمبل اوى من الداخل بس مع مواد محترمة جدااااا عكس ال( ..... ) صالون فقير مع مواد زباااااااااالة .

7- تقفيل العربية محترم جدااااا .

8- عزل العربية محترم و الدليل ان صوت المحرك عالى نسبيا خارج العربية انما و انت قاعد جوة العربية مش هتسمع صوت للموتور نهائى .

9- ثبات العربية اللى اكثر من محترم ..

10- توكيل رينو المحترم و الذى يعد من افضل التوكيلات فى مصر و بيحل اى مشكلة فى العربية بسهولة تامة ..

11- دبرياج العربية ناعم جدااااا و يعد افضل دبرياج لمسته فى حياتى .

12- العربية اقتصادية جدا فى البنزين .

اللى مش عاجبنى

1- الكاسيت اوديو مش mb3 انما محترم و سمعاته نقية و قوية جدااااا

2- ارتفاع الشانطة الغريب اللى بيخلينى مش شايف ورايا و انا بركن و لكن مع ثانى و ثالث ركنة هتدعود ..

3- اماكن ازرار الزجاج و الكلاكس الغريبة اللى فرنسا لازم تسيبها كبصمة فى العربية علشان تميزها عن باقى العربيات الكورية و اليابانة و الألمانية و الماليزية ..

4- لون الصالون من الداخل رمادى كئيب مش عارف فيها ايه لو كانوا خلوه بنى او هافان بس انا عارف ان الألوان دى مش هتنفع فى المحروسة مصر للأنها هتدبهدل بسرعة و بعد اسبوع او اتنين هتتحول لرمادى فهما خلوه رمادى من البداية و خلاص ..

5- الباور تقيل اللى حد ما لكن مخلى العربية ثابتة بشكل رااااااااائع على السرعات العالية ..

فى النهاية انا قولت رأيى فى العربية و بكل صراحة و بدون انحياز و احب اقول للناس اللى عمالة تشوه فى صورة العربية و خلاص " اتقوا اله يجعل لكم مخرجا " و كفاية لحد كدة و احنا مش عصبين ولا حاجة و بنتقل اى نقد عن العربية و الدليل الأخ الفاضل ابو مريم بتاع الفار و المصيدة حاولنا نساعده بكل الطرق و طلبنا منه ان يحكى على المشكلة علشان نقدر نساعده و لكنه رفض .
طلبنا منه يصورلنا العربية علشان نساعده لكنه رفض برضه .
احنا بس اللى بيزعلنا لما واحد يدخل يقول اى كلام و يحاول يشوه فى صورة العربية و خلاص و دى غريزة فطرية و عند اى انسان انما لو بيقول نقد فى العربية بأحترام بنحاول نصحح فكرته و وجهة نظره و فى النهاية اسف على الأطالة و تقبلوا خالص تحياتى ...

مشكووووور اخى الكريم
احقاد ونفسويات بعيد عنك

المشاركة الأصلية كتبت بواسطة moustafa_saad

انا سمعت الكلام ده عن المصريه فعلا
بس العربيه كويسه والله ومش عارف ايه التكنولوجيا العاليه اللى فيها اللى تخلى الناس ماتعرفشى تصلحها

المشاركة الأصلية كتبت بواسطة A.Saad

المصرية تيت
دى حاجة معروفة

اهو كله بيفتى و السلام

المشاركة الأصلية كتبت بواسطة akerima

توكل علي الله في اللوجان العربية فوق الممتازة وفي انتشار مستمر وتكنلوجيتها مش معقدة بالمرة زيها زي اي عربية في السوق بس الناس بتخاف تشتغل فيها لان العربية ماكملتش سنتين في مصر ودا حال اي عربية برضة - لكن ممكن تجيبها من اي حتة غير المصرية ولو علي القسط اتعامل مع كونتاكت احسن بكتير انا بتعامل معاهم وهما ممتازين - واشتري من عند طارق اسماعيل معاملتهم ممتازة وعربياتهم نظيفة - ارجوا اني اكون افدتك

شكرا اخى
جزاك الله خيرا
بس انا حجزت و دفعت عربون

المشاركة الأصلية كتبت بواسطة abo_pasem

انا معايا اللوجان موديل 2009 اول ما إشتريتها الكل قعد يقول كلام بايخ وشبعوني تريقه للصبح بس بعد كده كله قاللي الله ينور ولقيت العربيه منتشره بصوره ملحوظه في مصر
طبعا اي حاجه جديده بتبقي الناس شاكه فيها وإن هيا عربيه اي كلام وهاتتكسر من اول مطب تاخده ومش هتعمر وإللي تعرفه احسن من إللي ماتعرفوش بس توكل علي الله انتا ومايهمكش من اي حد

فعلا الواحد لازميكبر دماغه من الناس و كلامهم

المشاركة الأصلية كتبت بواسطة mosomodo

لو مسئلة ميكانيكيا و صنيعية و قطع غيار يبقى وفر فلوسك احسن واشترى 128.

لكن لو عايز اوبشن و سيارة ممتازة و انت كمان تكون مميز و عملى بدفع فلوس فى مكانها الصحيح يبقى تشترى طبعا طبعا طبعا:

اللوجان

انا اصلا معايا 127 بقالى 12 سنه سايقها