رينو ميجان ولا لانسر الشكل الجديد

**Ahmed Samy** · 30-04-2008 12:44 AM

حاسس بيك يا شاركي
انا زعلت من الهجوم (المسموع) على العربية
يا جماعة بلاش والنبي حكاية واحد قاللي و جماعة حكولى لأن ده هوا اللي خلى العربية سعر اعادة بيعها يقل و هو ده عيبها الأكبر
العربية زي الفل (و عن تجربة شخصية)
و الانسر برضه زي الفل
يا ريت المقارنة تكون أكثر موضوعية

**SEATLOVER** · 30-04-2008 12:52 AM

المشاركة الأصلية كتبت بواسطة Ahmed Samy

حاسس بيك يا شاركي
انا زعلت من الهجوم (المسموع) على العربية
العربية زي الفل (و عن تجربة شخصية)
و الانسر برضه زي الفل
يا ريت المقارنة تكون أكثر موضوعية

ماشى يا احمد باشا .. هانخالهلك موضوعية اكتر ... بس خلى بالك المقارنة هاتتعقد اكتر :D

خد واحدة بقى منى مع انى ضد الميجان .. بس شهادة الحق و المعلومة الصح لازم تتقال

مؤشر سوق المستعمل بيقول ان فى تحسن ملحوظ فى اسعار الميجان المستعمل فى السوق
وتحليلى لدة عدة اسباب
-شغل التوكيل فى الفترة الاخيرة
-نمط مشترين السيارة بعد الشكل الاخير لها
-جودة العربيات اللى بتيجى هنا عن زمان
فا لو سعر اعادة البيع مؤثر فى المقارنة دى على المدى القصير
يبقى سعر إعادة البيع بيتحسن

**Sharky** · 30-04-2008 12:54 AM

شكرا يا أحمد باشا

فعلا إنت قلت ياريت المقارنة تكون موضوعيه و بلاش عينة أصلوا قالى و انا سمعت

إللى عايز يعرف حقيقة الميجان و الإشاعات إللى طلعت عليها بجد
عندك هنا فى المنتدى و الحمدلله ما يقلش عن 15 واحد من ملاكها ممكن يسألهم

**Sharky** · 30-04-2008 12:57 AM

المشاركة الأصلية كتبت بواسطة SEATLOVER

ماشى يا احمد باشا .. هانخالهلك موضوعية اكتر ... بس خلى بالك المقارنة هاتتعقد اكتر :D

خد واحدة بقى منى مع انى ضد الميجان .. بس شهادة الحق و المعلومة الصح لازم تتقال

مؤشر سوق المستعمل بيقول ان فى تحسن ملحوظ فى اسعار الميجان المستعمل فى السوق
وتحليلى لدة عدة اسباب
-شغل التوكيل فى الفترة الاخيرة
-نمط مشترين السيارة بعد الشكل الاخير لها
-جودة العربيات اللى بتيجى هنا عن زمان
فا لو سعر اعادة البيع مؤثر فى المقارنة دى على المدى القصير
يبقى سعر إعادة البيع بيتحسن

شكرا يا عمرو باشا على شهادة الحق
و بالفعل إنت رجل تحليل البيع و الشراء الاول فى المنتدى و دى شهادة حق منى على مواضيعك فى البيع و الشراء

**mohamed ibiza** · 30-04-2008 12:58 AM

انا يا شاركي قلت ان السعر ده ايييييييييييه؟؟؟؟؟؟؟؟؟؟؟؟ ؟ صاحبي قالهولي هو جابوا كده اتنصب عليه بقي انا مليش دعوة انما انا بقول اللي اتقالي بس و قلت صاحبي قالي جابوا ب1500 مش انا جبتو ب 1500 جنيه بوضح بس عشان الواحد ميتفهمش غلط

Ibiiiiiiiiiiiiiiiiiiiiiiiiiiiiiizzzzzzzzzzzzzzzzzz zzzzzaaaaaaaaaaaaaaaaaa For Ever

**Sharky** · 30-04-2008 01:01 AM

محمد إنت موضحتش فى مداخلتك إن صاحبك جاب الرفرف و كمان معاه ميجان
إنت قلت
(صاحبي قالي ان رفرف الميجان ب 1500 جنيه )

**mohamed ibiza** · 30-04-2008 01:05 AM

ايوا ا شاركي يعني هو الرفرف هيجيبوا يعمل بيه ايه الا لو كان عندو ميجان و عملت حادثة و تحديدا هي الميجان بتاعه والده و مجابش الرفرف من التوكيل لانه مش متابع مع التوكيل

Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzaaaaaaaaaaaaaaa For Ever

**Sharky** · 30-04-2008 01:07 AM

يا محمد ما أنا قلتلك إنت مقلتش إنه جابه أصلا

**Mzeid** · 30-04-2008 01:31 AM

بصراحة الرينو طبعاَ أحلى بكتير دة غير إن في موقف حدث مع أخونا في المنتدى Ahmed A.Maksoud ود اللينك بتاع الموضوع بعد إذنه طبعاَ
الموضوع

و الموقف دة بإختصار إن عربيته في الكومبيوتر حذره من إرتفاع درجة حرارة زيت الجيربوكس فاتصل برقم الخدمة السريعة و عرفوا العيب فين و قالوا له كمان اسبب و دة أكبر دليل على نجاح السيارة و الوكيل طبعاَ و اسمع الكلام من ملاك العربيات لأن هما اللي أحسن ناس يدلوك على مميزاتها و عيوبها و الكلام اللي أنا ذكرته دة لا يقلل من الميتسوبيشي و لكن بيضع الأفضلية للميجان .. دة رأيي ..
:):)