انطباعى عن الالنترا 2011- بعد 8000 كم النترا

**SonaSteel** · 20-06-2011 02:21 PM

المشاركة الأصلية كتبت بواسطة mohbasyouni

أنا عملت قبل كدة 350 كيلو فى الصفيحة بس كان من غير تكييف و بسرعة 110-120 كيلو فى الساعة و فى طريق مفتوح و اعتقد مكانش فية رياح معاكسة قوية لكن الاستهلاك اللى بيتكرر معايا كتير و اعتقد دة المتوسط جوة البلد 200-220 كيلو فى الصفيحة و فى السفر 260-240 كيلو فى الصفيحة و دة فى ظروف قيادة متغيرة مثلا تشغيل التكييف باستمراروقوف متكرر داخل البلد او سرعات فوق 150 كيلو فى الساعة او مطالع كثيرة فى السفر

ده اللي بقوله واستهلاكات الصني زي ديه بالظبط .... جوه البلد من 210-220
وعلي الطوالي 250-260 ... واوتوماتيك
يعني انا لو اديت لحضرتك الصني علي نفس الطريق ده وسوقتها هاتعمل الرفم الاولاني 350 في الصفيحة .... !!!
حتي لو فرقت زي ما الناس بتقول ... يبقي 10 كم ناقص ولا حاجة يعني بتاع لتر بنزين ب2 جنيه
لو مانيوال هاتزود بتاع 10-15% تقريبا

**badreldinahmad** · 20-06-2011 06:44 PM

اما عن موضوع استهلاك البنزين اللى شفت ان آراء حضراتك كلها (او معظمها) اختلفت فيها والمقارنه اللى حصلت بعربيات تانيه انا الحقيقه ماكنتش مركز انى اعمل حسابات دقيقه اوى على موضوع الاستهلاك واوعدكم انى هاحسبها بالضبط وافيد حضراتكم.. لكن اللى متأكد منه ان استهلاكها للبنزين منطقى وطبيعى جدا لكن التكييف اول ما يشتفل بحس بالفرق.. على فكره انا مقيم بالتجمع الخامس وحركتى معظمها داخل القاهره مع الوضع فى الاعتبار ان عملى يستلزم منى ان اسافر وابات خارج القاهره ليلتين ومابسافرش بيها لان المكان اللى بروحه ربنا مايوريكم.. وللعلم ايضا انا سافرت بالعربيه دى مرتين بس اليكس فى شهر 2 والساحل فى شهر 4 والسفريه الاولى حسيت فيها بمعقولية استهلاك البنزين بالمقارنه بالتانيه اللى اشتغل فيها التكييف.. لكن زى ماقلت فى المجمل هى عربيه معقوله جدا فى استهلاكها البنزين...:b4_033:

**adel1414** · 21-06-2011 12:03 AM

ربنا يباركلك فيها ويكفيك شرها

**HOSSAM99** · 21-06-2011 12:33 AM

المشاركة الأصلية كتبت بواسطة SonaSteel

ههههههههههههههههههه ...... منتحرمش من الدعوة الطيبة ديه
وانا مقدرش اسيب حبايبي هناك ...... انا مش عايز اقلك ان اول سبب اني جيبت الصني حبايبي اللي في نيسان
وانا بقي اللي مستنيك واول ما تيجي قلي علشان ندق الطبوووووول
انا مش قصدي انك بتقولكده علي العربية وخلاص ... زي ما قلت ديه حته حديدة
بس فعلا الرقم كبير اوي مش شويه كمان
تصدق بالله (لا إله إلا الله )انا سألأت معظم اصحاب من اللي معاه من اول الياباني والامريكي والكوري حتي الالماني ... في عربية 1600 بتعمل الارقام ديه
وبصراحة قلتلهم الالنترا ....... قالولي لأ طبعا
وحتي صاحبي معاه كورسا 1200 سيسي بيقولي انا مبعملهمش
انا بتكلم ان ممكن حد يشوف الارقام ديه وفعلا يشتري العربية علشان كده ..... انا بحب اتأكد من المعلومة
علشان افيد بيها غيري
,والرقم 307 ده اه ممكن يكون طبيعي لان التيدا 1600 ونفس الارقم تقريبا زيادة سنه ....!!!
وجزاك الله عني خيرا ... وانا كنت بشوفك في نيسان بس خلعت ... واكيد العيب مش من عندنا :)))
اقعد بالعافية

طالما أتفقنا إن الرقم 307 طبيعي يبقي مسكنا أول الخيط
نبدا بسم الله
مواتير الإلنترا فيها تقنيه Continuosly Variable Valve Timing (و هي تكنولوجيا تزود للمحركات لتعديل و تغيير وضع الصمامات بإستمرار ) و التكنولوجيا دي بتسمح للمحرك بإستخدام كل البنزين الواصل له بدون هدر و الإقلال من العادم
ما علينا
لكن هي بتعمل أرقام هايله جدا في الظروف الإقتصاديه بتعمل توفير من 10% و يزيد يعني لو قلنا إن موتور 1600 بيعمل 307 كيلو في الصفيحه يبقي بالتكنولوجيا دي يعمل حوالي 340 و يزيد كمان هو ده الأمر بكل بساطه
(لا تتفاجأ) لو سمعت عن إستهلاك النيو أكسنت أقل من الإلنترا بشويه كمان

و في النهايه إستخدامي ليها بيكون بالشكل الأتي
مواعيد الصيانه أقل من مواعيد الجدول
فلتر هوا إن لم يكن كل 5000كم يبقي 10000(بغيره بنفسي )
مفيش معايا ركاب دايما في العربيه (قليل جدا )
و هكذا من الظروف
و لعلمك التوفير ده بيطلع عليا في الماتريكس بتشفط البنزين(مش أوي يعني )
و الله يعافيك و يعفو عنك

**SonaSteel** · 21-06-2011 02:14 AM

أ/حسام ... كيف حالك يا بيك
احنا اتفقنا ان الرقم ده الطبيعي اللي ممكن اقصي استهلاك للعربية توصله .... مش استهلاك العربية لو اتحسنت ظروف السواقة هاتوصل لل340
واحنا شوفنا استهلاك اخوانا في المنتدي هنا اللي معاهم الالنترا واستهلاكهم الطبيعي 250-260 /اصفيحة واللي لو اتحسن ممكن يوصل للرقم ال307 /الصفيحة علشان التقنية اللي حضرتك قلت عليها
260 كم/الصفيحة *1.1 (10%)= 286 كم /الصفيحة ولو في ناس عملت 280 مثلا(مع اني مقريتهوش هنا) هايبقي بال10% = 308 كم /الصفيحة بالشكل ده يبقي ده الاستهلاك الطبيعي جدا جدا للالنترا
وفي سيت مشهور جدا بيعمل استطلاعات عن العربيات كلها وكاتب استهلاكات الالنترا
7.8L/100km (automatic) يعني اللتر بيعمل 12.82 =256.4 كم/ الصفيحة
7.4L/100km (manual) يعني اللتر بيعمل 13.51كم =270.3 كم/ الصفيحة
وممكن تراجع كلامي من اللينك ده
Hyundai Elantra : News & Reports

اعتقد كده الكلام كله قريب من بعضه اوي .... وديه اقرب ارقام للارقام الحقيقة لاستهلاك اللالنترا
ومقارنة بارقام استهلاكات الصني ..... انا عايز اقلك انها مفرقتش اطلاا عن الصني كتير ... ده يمكن الصني بتعمل 320 كم /الصفيحة
وهتلاقي استهلاكات الاعضاء في الموضوع ده ونوع كل عربية سواء مانويل اوا اوتو
http://www.nilemotors.net/Nile/227761-180.html

والف الف شكر لحضرتك علي الحوار الطيب ده ..... وان شاء الله نشوفك وتشرفنا في المنتدي اخ وضيف عزيز
السلام عليكم
واقعدوا بالعافية

**msalah00** · 21-06-2011 02:21 PM

المشاركة الأصلية كتبت بواسطة sonasteel

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
أمين يارب العالمين
بس علي ايه ؟؟؟ ........ لو حضرتك جربت الصني واستهلاكها عاااااالي جدا لدرجة انك تدعيلنا الدعوة الطيبة ديه ... يبقي العيب في العربية اللي انت ركيبتها .... مش كل الصني
256 كم / الصفيحة طوالي.... 210 كم/صفيحة جوه البلد ... وعربية 1600 سي سي؟؟؟
وفي الاول وفي الاخر بتختلف من رجل سواق لتاني ... انا بفرك العربية ومحمل ومشغل تكييف وبعمل جوه البلد 210 في الصفيحة !!!! ماشاء الله
حتي لو هيونداي مواتيرها موفرة في النبزين بس معلش فراملها في الضياع و مش سر الواحد هايخبيه .... ناس كتير معانا معاه نيسان وهيونداي ... ولانسر وهيونداي وعارفين فرامل هيونداي وانعدام وسائل امان هيونداي وبسعر اعلي من فئتها بتاع 20 % وازيد
انا عندي ادفع تمن 20 لتر بنزين زياده ولا امشي قلقان من العربية تقل معايا .... وساعتها الله اعلم بيحصل ايه ؟
استأذن حضرتك بس تحسبلي استهلاك الالنترا كام في الصفيحة ... علشان اشوف الفرق يستاهل ولا لأ
وشكرا علي الدعوة الطيبة
وربنا يباركلك فيها ويرزقكك خيرا ويكفيك شرها
واقعد بالعافية :))

شوف يا أستاذي الفاضل أنا كان عندي بيجو 405 1800 تنكها 60 ..وبعدها جبت صني سوبر صالون زيرو وقعدت معايا سنتين ودلوقتي جبت سوناتا 2010 2000cc وتنكها 70 وكل عربية من دول بتعمل صيانات كاملة في التوكيل ومكنش فيها مشاكل .. احب اقولك إن النيسان 1600 نفس استهلاك البيجو والسوناتا بـالظبط والكارثة إن تنكها نصفهم تقريبا ... وكتير بقى كنت باجر لانسر وكرولا .. وفعلا اكتشفت إن استهلاك الصني لا غبار عليه أسوء استهلاك بنزين في عربية 1600 حديثة تنكها صغير .

**SonaSteel** · 21-06-2011 03:27 PM

المشاركة الأصلية كتبت بواسطة msalah00

شوف يا أستاذي الفاضل أنا كان عندي بيجو 405 1800 تنكها 60 ..وبعدها جبت صني سوبر صالون زيرو وقعدت معايا سنتين ودلوقتي جبت سوناتا 2010 2000cc وتنكها 70 وكل عربية من دول بتعمل صيانات كاملة في التوكيل ومكنش فيها مشاكل .. احب اقولك إن النيسان 1600 نفس استهلاك البيجو والسوناتا بـالظبط والكارثة إن تنكها نصفهم تقريبا ... وكتير بقى كنت باجر لانسر وكرولا .. وفعلا اكتشفت إن استهلاك الصني لا غبار عليه أسوء استهلاك بنزين في عربية 1600 حديثة تنكها صغير .

50 لتر .... تانك صغير ؟؟؟ ....... وانا حطيت لحضرتك لينك الاعضاء اللي معاهم صني وعربيات تانية ياباني وغيرها
بس ارجع واقول لحضرتك بتفرق من رجل سواق لرجل سواق اخر ... استأذنك بس تقولنا استهلاكها هي بالذات قد ايه
يعني كام في الصفيحة وظروف السواقة ايه ؟؟ في نفس اللينك ده
http://www.nilemotors.net/Nile/227761-180.html
بس لو اقل من 180 /الصفيحة متكتبوش ... ممكن حضرتك تكتبه هنا
شاكر جدا لمعاليك

**SonaSteel** · 21-06-2011 03:30 PM

المشاركة الأصلية كتبت بواسطة hossam99

يا فندم شاكر علي سؤالك و وجودك و عايزين نشوفك علي طول معانا هنا (تشتري إلنترا 2012 بالإضافه للصني)
أما موضوع الإستهلاك ده هاسيبه شويه عقبال ما أحسبه تاني بدقه

تؤمرني يا حسام باشا .... انا تحت امرك يا فندم
لا انا ناوي علي المورانو بأمر الله :))) ........ دعواتك انت بس :d

-

-

الموضوع: انطباعى عن الالنترا 2011- بعد 8000 كم النترا

LinkBack

أدوات الموضوع

عرض

-

-

-

-

-

-

-

المواضيع المتشابهه

مقارنه بين اللانسر شارك 2011 و الهيونداى النترا 2011

كروز 2011 و لا بومه 2011 و لا النترا 2012 بس بسرعه قبل رمضان

سعر النترا 2010 بالمقارنة بسعر النترا 2011 فى امريكا

النترا 2011 ولا نيسان صنى 2011 احسن ؟؟(كورى كامل-ولا يابانى تقفيل مصرى)؟؟

انطباعى عن النترا بعد 1000 كم

الكلمات الدلالية لهذا الموضوع

المفضلات

المفضلات

ضوابط المشاركة