الموضوع: اقتراح لملاك الاسبرانزا بخصوص العيوب و الوكيل

مش حكاية ان العربية رخيصة بس, لكن الحملة الاعلانية الكبيرة جدا المعمولة

و الدايو المنتشرة زى النار فى الهشيم عاملة سمعة تمام لابو الفتوح, ده غير سياسة التعطيش اللى بيتبعها الوكيل

تروح تسأل عن العربية يقولك على فكرة الاستلام سنة 2010 لو انت محظوظ :lol: , و تستلم فى فترة اقل بكتير عن الفترة المذكورة

و ده يعمل سمعة ان الناس بتموت نفسها على العربية, فيجى واحد عاوز يجيب عربية جديدة, ميلاقيش غير سوق سوداء, و عند الموزعين قبل التجار و تدفع فى العربية كمان اكتر من تمنها, طب ده مش تلاعب باحلام و اموال الناس؟!!

لا و بعد كل ده اكتشف عيوب فى العربية, عيوب ميكانيكية و خامات سيئة مستخدمة زى التيل, يبقى ده اسمه ايه بصراحة؟

العربية تنجح او تفشل ميهمنيش, بقدر ما يهمنى الناس اللى اشترت خلاص, و الناس اللى بتفكر

اللى اشترى لازم ياخد حقه بسبب الاختراع اللى اسمه الضمان

و اللى عاوز يشترى يستنى شوية, لحد اما يتأكد انه هياخد حاجة تمام و هو مغمض

أخى العـزيز /معـاذ بك
شـكراعلى مشـاركتك وشـعورك نحـو أخوانـك من أعضـاء المنتـدى - وانا لا أزعـل من أيه وجهـة نـظـر بنـاءة فى أطـار

الموضـوعيــة والأحـتـرام - لكن سـؤالى لسـيادتك هل معظـم العيوب التى تم ذكرها وحلـولها بالمنتدى جـوهرية ؟

او بمعنى أخـر لا حـل لها ؟ ام هى عيوب التقفيل المصـرى ؟


- توكيل غبـور به مشـاكل أكـثـرمن التى نـقـرأهـا كل يوم هنـا ، ولكن للأسـف نسـبة كبيرة من الكتابات تحمل التهكم

والسـخرية والتى فى حد ذاتهـا يعتبرهـا البعض دعـايـة غير مدفـوعة الأجر للأسـبرانزا والتى حققت انتشـار غير مسـبوق

قبل ان تكمل عامها الأول . وده من وجهة نظـرى الشخصيـة أنهـا أمـور قابـلة للحـل مع التوكـيـل فى أول تجـربة لهـذه

السـيارة فى السـوق المصرى وللعلم والحمـد للـه ( اللهم لاحسـد ) لاشـكوى فى سـيارتى حتى الأن غير عادية أو تمس

المحرك اللهم ماعدا مشاكل التـقـفـيـل المتعارف عليها -

أخـيـــــــــــرا أرجـو أن أكـون أوضحت وجهة نظـرى ..... وشـكرا لك

الاخ العزيز/طارق باشا

متشكر اولا على رد حضرتك

لكن سـؤالى لسـيادتك هل معظـم العيوب التى تم ذكرها وحلـولها بالمنتدى جـوهرية ؟

او بمعنى أخـر لا حـل لها ؟ ام هى عيوب التقفيل المصـرى ؟

حضرتك فى عيوب جوهرية ذكرت زى التيل السء, التكييف, علبة الدركسيون, عضة الفتيس و توابعه يعنى طقم دبرياج بالكامل (ده اللى فاكره دلوقت) مظنش دى عيوب سهلة او عيوب تقفيل

و ده سبب دعوتى لعمل الاستقتاء الداخلى بخصوص عيوب و مميزات العربية, يعنى حضرتك انا قلت الاتنين مع بعض مش بس العيوب و بكده نعرف العيوب الشائعة و العيوب الاستثنائية و نقدر ساعتها نحكم بدليل, الا و هو عينة من 60 مالك للسيارة

توكيل غبـور به مشـاكل أكـثـرمن التى نـقـرأهـا كل يوم هنـا

و الله حضرتك احنا اتكلمنا على الحاجات اللى فى غبور قبل كده, و الفيرنا التقفبل المصرى اتوقف انتاجها, و لما كانت بتنتج و الله كنا كلنا بننقض فيها, او بمعنى اصح بنقول اللى ليها و اللى عليها
غير كده معظم الشكوى من غبور هى فى غلاء الاسعار, التاخير فى الصيانة او عدم الدقة فى الصيانة, و دى اتحلت بمركز كارتك, يعنى قطع الغيار بالكامل هو موفرها مش زى ابو الفتوح

يعتبرهـا البعض دعـايـة غير مدفـوعة الأجر للأسـبرانزا والتى حققت انتشـار غير مسـبوق قبل ان تكمل عامها الأول

امتلاك حضرتك للسيارة و مجرد المشى بها فى شارع هو اعلان للسيارة, ده مع كل العربيات مش بس اسبرانزا, لكنكم دفعتوا اجرها من جيبكم ثمن السيارة

من وجهة نظـرى الشخصيـة أنهـا أمـور قابـلة للحـل مع التوكـيـل فى أول تجـربة لهـذه السـيارة فى السـوق المصرى وللعلم والحمـد للـه ( اللهم لاحسـد ) لاشـكوى فى سـيارتى حتى الأن غير عادية أو تمس المحرك اللهم ماعدا مشاكل التـقـفـيـل المتعارف عليها

يعنى ده اعتراف ضمنى من حضرتك بوجود مشاكل بالفعل, و عدم وجود مشاكل عند حضرتك (بسم الله ما شاء الله, ربنا يباركلك فيها) لا يعنى عدم وجود مشاكل عند ملاك اخرين, و ده كان الغرض من الدعوة ان الملاك كلهم سواء اللى عندهم مشاكل او اللى معندهمش, و الله لو عاوزين كمان ملاك باقى السيارات و على رأسهم شريف المصرى يروحوا التوكيل, ونعمل زى مظاهرة او تجمهر هناك كنوع من الضغط الكل هيبقى تحت امركم, لان ده هدف المنتدى مساعدة الخوة لبعضهم البعض

سواء اختلفنا فى وجهات النظر او اتفقنا, فاكيد انا بكن لحضرتك كل تقدير و احترام و اتمنى ان المغزى الاساسى من الاقتراح ده يكون بقى اوضح. الغرض مش السخرية من العربية او نقدها بالباطل, لأ الهدف هو ايجاد حلول لأمر واقع.

شكرا لرد حضرتك

اخوك
معاذ

معظم العيوب التى ذكرتهـا ياسـيدى الفاضـل تم علاجهـا بالتوكيل مثـال عضة الفتيس وهى شـكـاوى فردية وعلبة الدركسـيون والتكييـف تم علاجها اللهـم الا مشـكـلة التيل السىء والتى وعد التوكيل بأسـتيراد نوع جـيـد وأسـتبداله ولاتنسى ان مشكلة التيل السىء كان فى عدة ماركات اخرى ( أكسنت ، دايـو ، شـاهين وغيرها )-- فضـلا عن أن معظم السيارات التى تم تسليمها من شـهر مايو خالية من العيوب المذكورة اعلاه .... يخيل لى من مناقشاتنا المسـتمرة اليوم قد أفادت كل من الأخـر
وكذلـك كل من قـرأهـا وهذا هو مبدأ المشـاركة التى نتكلم عنها بدون صـراخ او عويل أو مظاهـرات عند التوكيل ...الخ
بل ان اليـوم عندنا فى مصـر جهاز جديديمكن اللجـوء اليه اسـمه جهـاز حماية المسـتهـلك فى حالة تعنت التوكيل .. وأخـيـرا
الشـكوى لغـيـر الله مذلة .. شاكر لك سعة صدرك

عندنا فى مصـر جهاز جديديمكن اللجـوء اليه اسـمه جهـاز حماية المسـتهـلك فى حالة تعنت التوكيل

انا فى اول صفحة منت كاتب الخط الساخن بتاع الجهاز

الشـكوى لغـيـر الله مذلة

يعنى انا مش مع حضرتك فى النقطة دى, لأنها عاملة زى لا تقربوا الصلاة

الشكوى هنا مش معناها انك تشتكى حد, او عندك حاجة عند حد تشتكيه, الشكوى فى الجملة دى مفادها ان لو عندك مصيبة لا قدر الله او دين او شىء من هذا القبيل لو ذكرته لاحد ممكن يكون فى نوع من الذل للشاكى

فضـلا عن أن معظم السيارات التى تم تسليمها من شـهر مايو خالية من العيوب المذكورة اعلاه

ده اللى نفسى انا و ناس كتير نتأكد منه, علشان كده عاوزين من الناس المستلمة جديد تقولنا ايه الى حصل معاهم, او ايه ملاحظاتهم على العربية او العيوب(ان وجدت) و بكده يتأكد لنا ان السيارات الجديدة خالية من العيوب

لكن السؤال الاهم: الملاك القدامى, يتركنوا على الرف او يتنسوا و ام يتم العناية الكاملة بهم اكتر من الملاك الجدد او ملاك المستقبل؟

الشـكوى لغـيـر الله مذلة

انا مش مع حضرتك فى النقطة دى, لأنها عاملة زى لا تقربوا الصلاة

أسـتاذى الفاضل هذه الجملة أعتراضـيـة ولادخل للدين بها وأرجـو الا تخلط الأمـور ببعضهـا
لكن من الواضح اننا متفقين مع بعض فى الهدف وفى بعض الأراء ولكن الأختلاف لايفسـد للود قضيـة
وأظن نقفل المحاورة بينى وبينك مؤقتا لنعطى الفرصـة للأعضـاء الأخرين ، وثـق انى سـعيد بالمناقشـة معك وحـوارك وأرائـك .
طــــــــارق أمــــيــن - أسـبرانزاوى 36