الموضوع: المرض المروري الثاني:ما يسمى بالغرز أو التخييط أو التحويص

المشاركة الأصلية كتبت بواسطة SuccessCre8or

عجبنى اوي رد الأخ سبعاوى :
لى تعليق على موضوع الغرز

زمان السواق-اللى ادانى حصتين سواقة لا غير قبل ما اخويا يطفشه علشان معرفش اسوق وآخد منه العربية-قال لى جملة لخص لى فيها فن السواق كله، قال لى فيه ناس تفتكر انها حريفة سواقة لما تفضل تاخد فى غرز ضيقة وتقرف الناس كلها والناس كلها تشتمه وهو كدة يحس انه بطل الأبطال، الحرفنة فى السواقة انك تعمل اللى تعمله من غير ما تخلى حد يخرج من حارته او يحط رجله على الفرامل علشان خاطر سيادتك بتاخد الغرزة، دى الحرفنة وما عداها يبقى غشومية
و زي ما قلت انا ممكن اخد غرز لكن بعد ما اشوف المرايات و استخدم الإشارات ...

:)

اتفق تماماً مع رد الأخ سبعاوي
* لكن سؤال هام للأخوة الذين ذكرو أنهم يلجأون إلي أسلوب الغرز للضرورة
((( هي الضرورة دي من وجهة نظر مين بالضبط ؟؟؟؟؟ ))) معلهش لأن كل واحد ماشي ف الشارع بيتبع أسلوب أنا ومن بعدي الطوفان
* عزيزي سبعاوي للأسف لم تعد هناك حرفنة ف الشارع المصري بل أصبحت الغشومية هي السائدة وهي الواقع .
* حتي تتغير الأمور مطلوب تغيير ثقافة شعب ؛؛؛ يعني سعد زغلول قالها ((ما فيش فايدة ))

انا مش بعملها نهائى وبتعفرت من اى حد يعملها قدامى

انا سوقتى كلها غوووووورز فى الزحمه اكتر من السريع كماااااان علشان انا معنديش صبر خااااااالص بس الحمد لله ربنا بيسترها معايا وبخدها بعقل مش بجنون والله بس كلها غوووورز

المشاركة الأصلية كتبت بواسطة Ahmed_Elkhateb

انا سوقتى كلها غوووووورز فى الزحمه اكتر من السريع كماااااان علشان انا معنديش صبر خااااااالص بس الحمد لله ربنا بيسترها معايا وبخدها بعقل مش بجنون والله بس كلها غوووورز

*****
متزعلش مني ؛ ربنا يكفينا شر الغرز واللي بيعملوا الغرز

انا بعمل غرز كتييير ...
بس فى حاجه :
انا مش بخلى اى حد من الى حواليه يعمل اى رد فعل يعنى لا عايزه يفرمل و لا يروح يمين او شمال ....
يعنى ببقى عايز اقوله خليك زى ما انت و انا هعدى ...
و طبعا الاشاره و الكلاكس و النور اساسى لو الغرزه ضيقه اوى يعنى من الاخر بعملهم فرح علشان يعرفو انى هعدى ...
لو الغرزه عاديه بكتفى بالاشاره ....

انما لو واحد بيستعبط و ماشى فى وسط الطريق عادى جدا انى ارمى عليه علشان يوسع (ما اخذ بالقوه لا يسترد الا بالقوه) و هو فارد نفسه و ماشى واخد الطريق كله ...

طبعا انا منكرش ان الغرز خطر بس معلش يعنى انا لو مشيت ورا كل واحد علشان ماخدش غرزه يبقى مش هوصل ....
انا ساعات بسافر القاهره مرتين فى اليوم ..
ساعات اسكندريه و بعدين القاهره ....
يعنى من الاخر مش فاضى لكل واحد شادد اللحاف و نايم فى الطريق ....


و انا اكتر حاجه تضايقنى ان واحد ياخد غرزه ادامى من غير اشاره ...
انا لسه الاسبوع الى فات كنت ماشى حوالى 100 فى الشمال و على يمينى لانسر و المسافه بينا علشان واحد يعدى منها محتاج ياخد متر و ينزل يقيس عربيته و يقيس الحته الى بينا ...
يعنى غرزه صعبه موووووووووووت ...
و الاقى واحد معتقد انه مايكل شواخر 2 بلانسر بومه جاى طاير على سرعه ما تقلش عن 170 .....
و دخل الغرزه بدون كلاكس او نور او اشاره ..........
و كمان دخل غلط و كان هيطيرلى الرفرف لولا انى خطفت نفسى شمال ......

ده نسميه ايه ؟؟
حماااااااار .......

مهو بردو العملية زحمة وفى ناس بتبقى ماشية بطريقة تجيب شلل رعاش فا غصب عن الواحد لازم ياخد غرز وألى يضايقك بقا أن ألى بيبقى ماشى بطريقة تشل دا يا اما واحد بيتكلم فى الموبايل يا واحد مش مركز فى الطريق ومركز مع المدام ألى جمبة أو واحدة ست خايفة تدوس بنزين أو واحد بارد
المفروض ننجز شوية علشان الزحمة

اه بس الشارع المصري بقا غابة

انا والله اول امبارح عملت غرزة لولاها كانت واحدة بنت حتخيش في جزيرة في صلاح سالم لانها ماشية بسرعة اوي و عايزة تعديني باي شكل من الشمال والشارع زحمة جدا فاضطريت احود يمين عشان متخبطش و احسس نفسي بالذنب....