المرض المروري الثاني:ما يسمى بالغرز أو التخييط أو التحويص

**skyline** · 09-05-2009 12:12 PM

بامانه هما كام حاجة كدة بيخلو الواحد لازم يعمل غرز بسيطة وبعقل زي مثلا لما تلاقى عربية نقل كبيرة وماشية براحتها ومحمله بلاوى لازم تاخد غرزه وتعديه وللاسف مبتبقاش عارف ده شارب ولا نايم
وبرده الطريق ,,, ده اخر مرة واحنا راجعين من اسكندرية بعد ما دخلنا البلد فى طريق قرب الهرم يادوب ياخد حارتين بس طريق زبااااااااااااااالة والله كانك بتناور فى حرب بطيارة من الطريق وتتفرج على العربيات وعلى شكلك وانتا ماشى فى الطريق زجزااااااااج مش هقولك غرز حتى مش هتعرف تمشى فيه خط مستقيم والله ممكن تضحك من طريقة مشيك ومشى العربيات جنبك ....

**هيثم** · 11-05-2009 09:48 PM

ييا سادة يا افاضل لا يصح الا الصحيح و لا يوجد اى مبرر لتعريض حياة الاخرين للخطر وانا بقول الاخرين مش هاتكلم عن اللى بيمارس هذا السلوك الملى بالحماقة والجهل انا هاتكلم على الطرف الاخر من الموضوع الناس الغلابة اللى على الطريق جنب اللى بياخد الغرزة طبعا اللى بياخد الغرزة معندوش فكرة ان فى ناس قلبها بيقع ف الدواسة لما واحد ياخد غرزة جنبه. وبعدين انا مش عارف ازاى ناس افاضل زى حضراتكو فى منهم اللى بيبرر الغرز ف الشوارع وبيعمل منطق للسلوك الاحمق ده المفروض ان كلنا ناس متعلمين و على قدر من الثقافة و بعدين خلينا ايه لسواقين الميكروباص و امثالهم اللى ف ناس كتير مننا بيشتكو من اسلوبهم ف السواقة يا اخوانا قبل ما نلوم غيرنا لازم نصلح من نفسنا الاول وان مكناش احنا اللى هنقدم المثل امال يبقى مين

الشكر للاخ
ahmed1981 اللى عمل الموضوع الجميل ده

**dentoman123** · 12-05-2009 05:58 PM

ولما يبقى الطريق فاضي و برضو الناس ماشيين شلل لازم اغرز عشان انا مش فاضي زي بقيت الناس
المشكله ان الفاضي ولا همه يعطل الطريق حتى لو وراه اسعاف
شعب نبيه جدا و زوق وكويسين جدااااااااا

**ابو حسين** · 19-05-2009 12:59 AM

عمري في حياتي ما أخذت غرزة

**abzoabzo** · 23-08-2009 01:58 PM

اموت فى الغرز بتاعة الاكصدام فى الاكصدام مرة عاملتها بين فولكس وبى ام بال128 الغالبانة على منزل 15 مايو للمحور ويالعبوا على التعويم بموت فيه

**Samir Elshahawy** · 30-08-2009 01:01 AM

الغرز علي الطرق و الطرقات المصرية أصبحت من ضمن أساسيات و ضرورات القيادة اليومية كما أنها من ضمن مواد الاختبار بأمتحان المرور لأستخراج الرخصة (الغرز الضيقة بين الاقماع)

لذا فالغرز مثل الزواج , لا بد منها