اشترتي ستائر خلفية وستائر جنب للماروتى

**sab3aawy** · 19-06-2011 01:13 PM

جبت ستارة خلفية اللى هى على سلك وبتتلزق فى القزاز بشفاطة، ب 15 جنيه من كارفور ، شكلها زى دى كدة:

وجبت ستائر جنب اللى هى اسطوانة وببتشد، بتركب بمشبك فى طرف القزاز من فوق وتتشد منها الستارة وتتلزق فى القزاز من تحت بشفاطة، المجموعة قطعتين ب 30 جنيه، بجت مجموعتين لل4 زجاج ، شكل دول كدة

الميزة فى كل هذة الستائر ان ممكن فكها بالكامل فى أقل من دقيقة لو داخل على احد اكمنة قطاع الطرق من افراد عصابة ابو دبورة

**abogogo** · 19-06-2011 07:51 PM

حلوين ومبروك عليك ... وخصوصا بتوع الجناب في زرار في الطرف بتدوس عليه تلم الستارة انا مركب اتنين في الخلف عشان العيال والشمس وكانت في لجنة في ميدان الالف مسكن شرطة وجيش في ثواني وانت جالس مكانك " ميزة العربية الصغيرة " وبتكة زرار كانوا مرفوعين وعديت من اللجنة بسلام

**dr.hazem** · 19-06-2011 09:11 PM

انا مركب عالشبابيك الاربعه شماسات بشفاطه ورخصت العربية من اسبوعين وهما محطوطين ومحدش اتكلم عليهم خالص في الفحص

تحياتي

**mesaharaty** · 20-06-2011 01:10 PM

حلوة عصابة أبو دبورة دى .

جامدة

**beshomilan** · 26-06-2011 12:13 AM

الخلفية لا تمنع الرؤيا على المرايا الداخلية ، لكن بتعمل حاجة تانية جميلة جدا انها بتحد من النور العالى فى المراية ليلا، وهى والجانبيين مضللين العربية كويس، وجبتهم من كارفور المعادى

اشكرك استاذ سبعاوى