لخبرا الصني استفسار هام

**amrassal** · 20-06-2011 04:12 PM

السلام عليكم ورحمه الله وبركاته
انا عضو جديد في قسم نيسان ولي استفسار لاهل الخبره في المنتدي
املك سياره نيسان صني ex automatic 40000كم بها خبطه لما اهز الدريكسيون ومن ناحيه العجله الشمال وكمان بحس بتخبيط في العجل لما افرمل جامد وانا علي سرعه
يا تري اروح اي فرع للصيانه يكون مميز في حل مثل هذه المشاكل وكمان لعمل صيانه دوريه لانه حتي الان لم يتم عمل اي صيانه للسياره
كمان بخصوص استهلاك البنزين انا بحس انه عالي 160كم لكل عشرين لتر يا تري ايه ممكن تكون المشكله
وشكرا

**aboamr** · 20-06-2011 05:02 PM

المشاكل بسيطه ممكن تكون محتاجه رجلاش لعلبة الدركسيون اما تخبيط مع الفرامل الجامده دا abs وعادى موضوع البنزين اتاكد منه وفى التوكيل ممكن يتظبط بس ياريت لوكنت ذكرت سنة الصنع والصيانات السابقه

**samsong** · 20-06-2011 05:21 PM

اذا لسه في الضمان روح التوكيل ويتم الكشف علي الكمبيوتر وتتظبط احسن ويتم الكشف علي علبه الدركسيون وabs وبعدين جرب وشوف البنزين

**Ahmed.TV** · 20-06-2011 06:54 PM

حيتم تربيط العفشة فى الاول ويعملولك رجلاش علبة الدريكسيون

وموضوع الدربكة اللى بتحصل لما تدوس فرامل من تحت ده طبيعى صوت الاى بى اس

وبخصوص استهلاك البنزين

حيظبطوا العربية فى صيانة الاربعين على الكمبيوتر وان شاء الله تتظبط

المهم طريقة سواقتك عاملة ازاى .. هل عنيفة ولالا

ده موضوع اقرائه عشان تستفاد منه

http://www.nilemotors.net/Nile/185375-a.html

وبعدين طالما داخل على صيانة الاربعين حيتغير فلتر الهواء لو مكنتش مغيره لانه لو مش متغير حيفرق معاك فى موضوع الاستهلاك ده

واقراء الموضوع ده واعرف ايه اللى بيتغير فى صيانة الاربعين

http://www.nilemotors.net/Nile/164776-a.html

**samsong** · 20-06-2011 09:53 PM

علي حسب مكان الاقامه
بس لو القاهره جرب السبع بس خد ميعاد حجز الاول
وفي انتظار اخبارك

**م/محمد** · 20-06-2011 10:10 PM

لم يتم عمل صيانه لها حتي الان
من 0 الي 40000 مرورا ب 8 صيانات قمت بتفويتها
لا تتعجب اذا سمعت صوتا بل لو سمعت صراخا
يفضل تنبيه التوكيل عند عمل الصيانه لهذه المعلومه ليحاول تعويض ما فاتك من فحوصات وتربيط ورجلاش و تغيير لبعض القطع دوريا
و بالتوفيق وطمنا عليك

**د.أحمد السعيد** · 21-06-2011 12:08 AM

المشاركة الأصلية كتبت بواسطة م/محمد

لم يتم عمل صيانه لها حتي الان
من 0 الي 40000 مرورا ب 8 صيانات قمت بتفويتها
لا تتعجب اذا سمعت صوتا بل لو سمعت صراخا
يفضل تنبيه التوكيل عند عمل الصيانه لهذه المعلومه ليحاول تعويض ما فاتك من فحوصات وتربيط ورجلاش و تغيير لبعض القطع دوريا
و بالتوفيق وطمنا عليك

111111111111111111111111111111111

**ahmed_hanafi** · 21-06-2011 09:46 AM

مهم جدا ان انت تعمل الصيانة في اسرع وقت لا انت كدة بتبهدل العربية وكمان طبيعي تلاقي فيها مشاكل هلشان السيارة متعملهاش صيانة خالص
روح السبع في زهراء المعادي وقولهم ان دي اول مرة تعمل صيانة علشان يشيكو علي كل حاجة وموضوع التخبيط عند الفرامل دة متوقف علي المكان اللي جاي منه الخبط يعني لو قدام تحت وانت بتفرمل فجأة يبقي دة ال abs ومتقلقش منه لكن لو مش مع الفرملة المفجأة يبقي ممكن يكون حاجة في العفشة ومحتاجة تتربط او حاجة عايزة تتغير
عموما لازم تروح التوكيل في اقرب وقت وابقي طمنا عليك وقولنا عملت ايه

سلام عليكم