الموضوع: اتصالات انترنت الدنيا لسه فيها حرقة دم اكتر و اكتر

شوف حصل معايا نفس المشكله في تفعيل خط فاتوره كنت جايبه ولغته الحمدلله وكمان في usb اتصالات والجديد في الموضوع بقى انهم بيتبعوا اسلوب سئ جدا على الصفحه بتاعتهم على الفيس بوك ان الرائ الي يخالفهم او ينتقدهم بيحذفوا مشاركته وبيطلعوا من الصفحه ولما يعمل ليك تاني علشان يدخل بيلاقى البوكس اللي بتكتب فيه الكومنت مش ظاهر عندك يعني ببساطه مش حتقدر تقول رأيك تاني
مره كانوا عاملين مسابقه فأنا متابع مسابقاتهم فرديت قولت ان المسابقات دي مش حقيقيه وناس ناس هي اللي بتكسب وفي واحد كان شغال في استورز اتصالات كسب قولت عليه كدليل ولما ناس كتير اتكلمت اعترفوا انهم ما كانوش يعرفوا وحيعيدوا المسابقه بس انا لاقيتهم طلعوني بره الصفحه ولما دخلت تاني لاقيت اني مش بقدر اعمل كومنت . كنت عند واحد صحبي دخل من الاكونت بتاعه وقال على اللي حصل وان مافيش حريه راي لا فيه بس مطبلتيه ومزمرتيه لازك يمدحوا في اتصالات بس لا بعد ما ردوا عليه ان مش ممكن يحذفوا حد ولا يمنعوا كومنت لقى انه هو كمان طلعوه بره ولما دخل تاني على الصفحه مش قادر يعمل كومنت ... للاسف ان عملت نفس الموضوع ده في صفحه فودافون بس معملوش معايا كده رغم اننا بنقول انهم نصابين وبيغشوا فواتير والكلام ده بس اتصالات بصراحه اسوء خدمه عملاء واسوء اداره
انا عملت صفحه على الفيس بوك اسمها نحن نكره اتصالات مصر ممكن اخد مشكله حضرتك واحطها على الصفحه ؟؟؟

المشاركة الأصلية كتبت بواسطة lancelot

الله عليك انا احب الناس الايجابيه .. يا رب نبقى كلنا كده .. لان سلبيتنا هترجعنا تاني لعصر ماقبل الثورة والعن

الله يخليك و الواحد بيحاول يعمل اللى عليه علشان ميضيعش حقه و حقه الناس اللى لسه هتجرب

المشاركة الأصلية كتبت بواسطة lancelot

يا ريت بقى تعرفنا على المحامي صحبك ده عشان له عندي شغل كتير :))))))

انا و هو تحت امرك يا باشا

المشاركة الأصلية كتبت بواسطة qmax

بصراحه اتصالات شركه ممتازه
لكن خدمة العملاء رديئه
موظفين خدمة العملاء مفيش كفاءه

شركة ممتازة + خدمة عملاء سيئة يبقى عامل زى اللى بيشترى عربية المانى بس ملهاش قطع غيار مع اول مشكلة هيتسوح

المشاركة الأصلية كتبت بواسطة Bunsh_Fox

فعلا متسيبش حقك ,,
اتصالات ازبل شركة وعندهم شوية customer care اخرهم يقفوا ف موقف ميكروباص ,, وعادى جداا قولتلهم فى فرع ان خدمة عملاء عندكوا شوية كفتجية يقولى مااحنا عارفين !!! كنت هنشل بصراحة ,, وبدل فلوس واعلانات مملة بتاع دنيا لسة فية انيل وكلام فاضى دة يروحوا يحسنوا خدمة ,, انا مشترك معاهم بقالى سنتين (usb modem) ومطلعين عينى سرعة اخرها 10 k/b وبدفع 150 جنية ويقولى اصل شبكة مش مظبوطة عندكوا ف منطقة قال يعنى انا ساكن ف كوالالمبور ..

اتصالات انترنت عكس تماما اتصالات موبايل

انا اشتركت معهم بناء علي ال ٤ سنين اللي كنت مرتاح فيهم مع اتصالات موبايل ظننت انهم هيكون بنفس الكفاءة لكن فرق شاسع

و علي فكرة لو فضلت بنفس الطريقة هتقع و الناس هتهرب علي لينك و فودافون زي ما كان بيحصل مع te data ده علي العكس te حلوة في مناطق و مناطق لا لكن اتصالات واضح انها شكوي جمعاء

المشاركة الأصلية كتبت بواسطة beshir_lucky

نفس السيناريو حصل معايا مع اختلاف المشكلة

مشكلتي كانت إن كابلات التليفونات الرئيسية إتسرقت يوم 6-4 وكلمتهم وبلغت الأعطال ان مفيش لا حرارة ولا إنترنت طبعاً .

تاني يوم إكتشفت إن الكابلات مسروقة كلمتهم تاني وطلبت إن أوقف الخدمه مؤقتاً لحين تركيب الكابلات الخاصه بالمصرية للإتصالات

الموظف بلغني إن السيستم داون بس هيبعت ميل للقسم المختص علشان يقوموا باللازم ، سألته هل انا محتاج اتصل تاني علشان اتأكد إن الطلب إتفعل قالي لا يا فندم كده خلاص.

إتفاجئت بعدها بإسبوع موظف الدعم الفني اللطيف بيسألني الخدمه أخبارها ايه يا فندم قلتله خدمه إيه قالي الإنترنت شرحتله الموقف وهوا ولا عارف أي حاجه وقالي هحول حضرتك علي خدمه العملاء وبيكلمني وهوا قرفان :)

وطبعاً في أول شهر 5 مطالب بإني أدفع الفاتورة كاملة وطبعاً مدفعتش ولا جنيه .

المهم من يوم 7-4 إلي الأن وأنا بكلمهم وبقدم شكاوي ويقولوا هنكلمك بعد كام ساعه ولا حد بيرجع يتصل وعملت لهم شكوي في جهاز تنظيم الإتصالات يوم 22-5 وإلي الأن مفيش حد رد عليا لأن إتصالات ببساطه بيتوهوا بتوع جهاز تنظيم الإتصالات زي ما بيعملوا مع العملاء بالظبط.
النهارده الصبح بعت شكوي علي الموقع بتاعهم وبعت إميل لإتصالات الإمارات لعل وعسي يعرفوا يحلوا المشكلة دي.

الخلاصه

اسوأ خدمه عملاء قابلتها في حياتي
اسوأ خدمه إنترنت
الإستخفاف بالعملاء واللعب بيهم وبوقتهم

النصيحة:
تجنب الشركة دي تمام حتي اللي متعاقد معاها وإلي الأن لم يصادف أي مشاكل يتعاقد مع شركه تانيه لان مع اول مشكلة هتتحول حياتك لجحيم بسبب خدمه العملاء السابق شرحها.

وفعلاً الدنيا لسه فيها أكتر وأكتر من كده لو فضلت مع إتصالات مصر

جبت من الاخر فعلا ، انا في نفس الاسبوع اللي دخلت اتصالات جاري كان مدخل فودافون و هو حاليا مبسوط و انا حاليا بعاني نتيجة سوء اختياري

انا هعمل زيك و هبعت لاتصالات الامارات و ممكن نجمع بعض هنا و نعمل شكوي جماعية في القومي و في حقوق المستهلك

المشاركة الأصلية كتبت بواسطة aly_hosny

حصلت نفس المشكلة مع واحد صحبي
و كل ما يتصل بيهم يقولو خلي صاحب الخط يكلمنا "الخط باسم والده"
خدمة عملا قمة في الغباء و التخلف واشبه فعلا بالمصلحة الحكومة

ليه قسم ، انا لو حد منهم قالي كده ههزاوه بصراحة

المشاركة الأصلية كتبت بواسطة د.محمود صلاح

عشان افعل المودم اتصلت بخدمة العملاء الساعة 1 ليلا وانتظرت 25 دقيقة ثم حولني على الدعم الفني وانتظرت 20 دقيقة .

ليس لديهم عدد كبير من خدمة العملاء قادر على تلقي الكم الكبير من المكالمات على ما يبدو

حصل معي نفس الموقف لكن ده ميشفعش لهم عندهم فيه سوء تنظيم واضح و صريح

اتصالات موبايل انا داخل معهم علي ٤ سنين و معظم المشاكل كانت بتتحل وقتي لكن اتصالات نت ٥ شهور و بعاني الامرين انا قولت انا لوحدي لكن لقيت اجماع ده بالمنظر ده الشركة دي اخرها سنتين او ٣ و اتمني تتحسن و تبقي زي شقيقتها الكبري

المشاركة الأصلية كتبت بواسطة solyelissa

شوف حصل معايا نفس المشكله في تفعيل خط فاتوره كنت جايبه ولغته الحمدلله وكمان في usb اتصالات والجديد في الموضوع بقى انهم بيتبعوا اسلوب سئ جدا على الصفحه بتاعتهم على الفيس بوك ان الرائ الي يخالفهم او ينتقدهم بيحذفوا مشاركته وبيطلعوا من الصفحه ولما يعمل ليك تاني علشان يدخل بيلاقى البوكس اللي بتكتب فيه الكومنت مش ظاهر عندك يعني ببساطه مش حتقدر تقول رأيك تاني
مره كانوا عاملين مسابقه فأنا متابع مسابقاتهم فرديت قولت ان المسابقات دي مش حقيقيه وناس ناس هي اللي بتكسب وفي واحد كان شغال في استورز اتصالات كسب قولت عليه كدليل ولما ناس كتير اتكلمت اعترفوا انهم ما كانوش يعرفوا وحيعيدوا المسابقه بس انا لاقيتهم طلعوني بره الصفحه ولما دخلت تاني لاقيت اني مش بقدر اعمل كومنت . كنت عند واحد صحبي دخل من الاكونت بتاعه وقال على اللي حصل وان مافيش حريه راي لا فيه بس مطبلتيه ومزمرتيه لازك يمدحوا في اتصالات بس لا بعد ما ردوا عليه ان مش ممكن يحذفوا حد ولا يمنعوا كومنت لقى انه هو كمان طلعوه بره ولما دخل تاني على الصفحه مش قادر يعمل كومنت ... للاسف ان عملت نفس الموضوع ده في صفحه فودافون بس معملوش معايا كده رغم اننا بنقول انهم نصابين وبيغشوا فواتير والكلام ده بس اتصالات بصراحه اسوء خدمه عملاء واسوء اداره
انا عملت صفحه على الفيس بوك اسمها نحن نكره اتصالات مصر ممكن اخد مشكله حضرتك واحطها على الصفحه ؟؟؟

طالما مبيقبلوش النقد يبقي فعلا عندهم مشكلة و مش عاوزين يوجهوها + غياب سياسة التعامل مع العملاء و احترامهم

و حلها بسيطة يا باشا جروب علي الفيس و افضحهم و اكتب كل اللي عملوه و خلال شهر او ٢ الجروب هيسمع علشان يعرفوا ان الله حق

المشاركة الأصلية كتبت بواسطة maka

جبت من الاخر فعلا ، انا في نفس الاسبوع اللي دخلت اتصالات جاري كان مدخل فودافون و هو حاليا مبسوط و انا حاليا بعاني نتيجة سوء اختياري

انا هعمل زيك و هبعت لاتصالات الامارات و ممكن نجمع بعض هنا و نعمل شكوي جماعية في القومي و في حقوق المستهلك[/b]

معاك يا باشمهندس في اي حاجه نعرف ناخد بيها حقنا من إتصالات.