الموضوع: ليه كل مااقول لواحد عايز فيرنا يقولي اوعي؟

المشاركة الأصلية كتبت بواسطة eng.geo

ميكانيكا .. انا معايا هيونداي برضه وأعرف ناس كتير معاها فيرنا .. زي الفل بس لو سخنت ودخلت في المنطقة الحمرا هتجيب وش سلندر علي طول .. مش عارف ليه مش زي العربيات التانية والجوان يبوظ وتجيب غيره !
تجربة في 3 عربيات

طيب يبقي كده الميكانيكي كلامه صح

بص انا كان معايا فيرنا بموتور 1500 و اخويا معاه لانوس اخدتها منه فتره
الفيرنا ماكنش فيها اي مشاكل نهائي و الموتور كنت بغيرله زيت و بعمل الصيانات الدوريه و شكراً
بالرغم ان رجلي تقيله بس عمري ما الموتور اشتكيت منه في حاجه
سمعت انها لما بتسخن بتجيب وش سلندر,,,بس الكلاتم كله سمع و من ميكانيكيه و ماحدش عارف حاجه و لا سمعت ح\د من قرايبي مثلاً المكنه باظت معاه
نيجي للمهم
الثبات,,,,ثبات اللانوس احسن من الفيرنا بفرق ملحوظ يعني ببقي ماشي 110 كم مثلاً باللانوس متطمن و الفيرنا بحس انها خفيفه
الموتور,,,موتور الفيرنا ياكل موتور اللانوس أكل و بيبان قوي علي الاولاني و التاني,,,و علي السرعات,,,حدث و لا حرج
الفرامل,,استجابة دواسة الفيرنا بصراحه افضل من اللانوس و اداء الفرامل لحد ال100 في الفيرنا كان احسن من اللانوس
بالرغم من ان اللانوس كانت مغيره تيل اصلي و طنابير ليمفوردر
و مشيت بيها بتاع 2000 كم
التكييف,,,تكييف الفيرنا تلاجه تلاجه
تككيف اللانوس حلو بس مش زي تاع الفيرنا خالص,,,ده غير موضوع السحب و التكييف شغال
الفيرنا بيأثر علي السحب بس بدرجه مش ملحوظه,,,اللانوس التأثير ملحوظ خصوصاً في الزحمه و الحر
اللانوس اوسع بكتير,,,الفيرنا ضيقه
يا رب اكون افدتك
للعلم الفيرنا كانت عامله 75 الف و اللانوس 40 الف كم

يعني كده عموما في كلام في موضوع سخونة الموتور وانه بيجيب وش سيلندر
عايزين نتاكد بقي من القصه دي

هو كان فيه كذا عضو هنا اشتكوا ان فيه سخونه بتحصل بس علي المشي لفتره طويله نسبياً علي السرعات العاليه 160 و انت طالع و مؤشر الحراره بيرتفع
بس ماعرفش حد المكنه بتاعته باظت من الموضوع ده علي طول و من مره و الا لا
لو كده يبقي حد يأكد الحوار ده يا ريت
انا فيه حوار محمد عبده الميكانيكي كان قاللي عليه
قاللي ان دورة التبريد بتاعت الفيرنا مش مناسبه للمكنه ال1600 عشان كده بتسخن علي السرعات
سألته طب ايه الحل؟
قاللي بيركبلها رادياتير النترا اللي هي موديل 2004-2006 و المشكله بتختفي
الله اعلم بقي الكلام ده صح و الا بيهجص

بص يا باشا انا معايا العربية موديل 2004 و عامل 206000كم
بصراحة العربيه تجميعها حلو جدا و موتورها حلو جدا بس الاتزان بيقل و السيطره على العربيه بتبقى صعبه بعد ال120كم
العربيه خاماتها حلوه و صياناتها قليله
بس بصراحة معرفش الموديلات الجديده هتكون بنفس جوده القديم و لا لا
عموما انا مبسوط من العربيه جدا خصوصا ان قطع الغيار بقت رخيصه
و دا اللي مخليني مش عايز ابيعها حتى بعد ما اشتريت الالنترا من شهرين

بس انا رايي ان مفيش فرق كبير هتحسه لو غيرت من لانوس لفيرنا

المشاركة الأصلية كتبت بواسطة shaddadfalcon1

الحمد لله براعي ربنا في كل شيء بعمله في حياتي
مش معني اني عايز اجيب عربيه سريعه اني دايما همشي مقفل عدادها والا كان اللي بيتشري ام 5 ولا فيراري يمشي بيها طاير طول النهار
انا بطبعي هادي ومش بحب اجري ولو جريت لازم ابقي لوحدي وعلي طريق نظيف ومستقيم ومش زحمه

انا عايز عربيه للأستخدام اليومي بس لما احب اجري بيها متقولش لا- يعني موقف زي اللي في الموضوع بتاع الأخ اللي اتثبت علي الصحراوي بعربيته ومعرفش يجري عشان عربيته علي قدها ياتري هو ساعتها مكنش يتمني ان عربيته تبقي طلقه ويدوس بنزين ويوفر علي نفسه الخساره والبهدله؟

اتمني تكون فهمت وجهة نظري واسف للخروج بره سياق الموضوع لان الموضوع اساسا سؤال علي الموتور والعربيه نفسها مش انا بحب اجري ولا لآ

خدها منى كلما انا سوقت جميع موديلات الانوس والفيرنا من اول ماطلعو وجريت بغباء وغرزت وعملت كل حاجه .......... بالنسبه للسؤال اللى انت قولت عليه..... لو بفرنا وطلع عليك ناس ايا كان راكبين ايه ودوست بنزين من غير متصقط غيار مش هتشوفهم فى مرايتك وممكن كمان يبعتولك جواب اعتزار......انما لو بلانوس انت وحظك بقى وستر ربنا....بالنسبه للعتماديه انا مره مشيت بفرنا مكانش فيها نقطه ميه ريداتير مخروم والمروحه مش شغاله ......لحد ما لاقيتها تقلت فى السحب وبعدين فصلت... سبتها تهدى وروحت شغلتها تانى. وطلعت صرفت 50 جنيه تصليح ريدياتير وظبت المروحه ...ورجعت اجرى بيها تانى ولا فى اى حاجه... عربيه كلبه شغل...