ليه كل مااقول لواحد عايز فيرنا يقولي اوعي؟

**shaddadfalcon1** · 25-06-2011 07:41 PM

السلام عليكم معشر الهيونداي

دلوقتي اخوكم مهاه لانوس والحمد لله شغاله بس بيني وبينكم بذهق منها وخصوصا لما ابقي مسافر ببقي عايز اجري واتغاظ قوي لما ابقي ماشي 140 والاقي ميكروباص بيرعشلي عشان يعدي

المهم بقي فكرت اني اغير واجيب فيرنا والكل يقولي مش هتنفعك واللي يقولي انت بتجري ومش هتسلك معاك واللي يقولي خطر
واخرها النهارده كنت عند الميكانيكي وقالي مش هتستحملك والمكنه بتعتها لو سهيت عليها هتروح في داهيه ولازم تغيرها وساعتها جه واحد معرفه شغال مشاير وكده وكان معاه فيرنا وبيقولي انها كانت هتبيعه اللي وراه واللي قدامه وانها جابت مكنه 3 مرات في 6 شهور وحتي لما اشتري مكنه تانيه خالص برده باظت

هل دي حاله فرديه ولا فعلا موتور الفيرنا مش بيستحمل؟
بالنسبه للثبات والكلام ده كله فانا متاكد ان في طرق كتيير لمعاجته سواء تعديل فرامل او شداد او جنوط

ياريت الناس ترسيني وخصوصا الناس اللي متعوده عل الجري والحرق والبهدله

شكرا ليكم مقدما

**yoko** · 25-06-2011 07:56 PM

حران تغير من لانوس لفرنا لإن الإتنين زي بعض فا هتغير يبقى تعلى
مشكله الفرنا من وجهة نظري عايزة واحد هادي وراسي لكن لو بتاع جري وخلاص يبقى حرام يركب العربيه دي عشان العمر مش بعزقة

وجهة نظري من غير ضرب يا ريت الي عاوز يقول كلامي كله غلط يقول بس من غير تخبيط

**kar!m** · 25-06-2011 08:05 PM

الفيرنا عربية كويسة للمواطن المصرى .. اللى عاوز عربية قطع غيارها رخيصة و بتجرى و تكييف كويس عشان الحر اللى احنا فيه ده و ازاز كهربا و باور.

انما بره الناس بتدور على وسائل الأمان و الثبات و كده .. و الحاجات دى مش موجودة فى الفيرنا.

شوف انت متطلباتك ايه و قرر.

**=ISLAM=** · 25-06-2011 08:11 PM

المشاركة الأصلية كتبت بواسطة yoko

حران تغير من لانوس لفرنا لإن الإتنين زي بعض فا هتغير يبقى تعلى
مشكله الفرنا من وجهة نظري عايزة واحد هادي وراسي لكن لو بتاع جري وخلاص يبقى حرام يركب العربيه دي عشان العمر مش بعزقة

وجهة نظري من غير ضرب يا ريت الي عاوز يقول كلامي كله غلط يقول بس من غير تخبيط

+111222

**MIGOS** · 25-06-2011 08:15 PM

بص يا باشا خدها حكمه من أخوك ما أجتمع قوم على باطل

**OmaR_FekrY** · 25-06-2011 09:07 PM

يا فندم اسمحلى اقولك على رايى مع العلم انى مش معايا فيرنا ولا منحاز ليها باى شكل من الاشكال ... انا بس هقولك على اللى شايفه فيها

العربيه من ناحيه الثبات ..... وحشه
و من ناحيه خامات فى الصالون .... فقير نسبيا بس حلو
و من ناحيه الموتور ..... العربيه دى معروفه انها مبتقفش :) يعنى بتجرى بغباء بس انت و قلبك بقى انك تزود بيها عن ال 130 نظرا لثباتها المتواضع
من ناحيه الشكل الخارجى ... انا واحد من الناس اللى بحب شكلها الخارجى و بالذات لو فيها جنط محترم و بعض التعديلات البسيطه الشيك
و لو هتقارن بينها و بين اللانوس ... متهيألى مفيش فرق كبير بينهم ... ممكن حضرتك تزود شويه و تجيب الانترا
انا حاولت افيد حضرتك باللى لاحظته لما ركبتها و جربتها فى المشى و عموما اكيد الخبراء المحترمين فى قسم هيونداى هيفيدوك اكتر منى و بالتوفيق ان شاء الله :)

**osama_ruan** · 25-06-2011 09:24 PM

بس معلومة للعلم بس ماتور الفيرنا هوة ماتور الماتركس وماتور الالنترا الشكل2006 وماتور الكوبية يعني ماظنش انو ماتور وحش بس للعلم

**yoko** · 25-06-2011 09:30 PM

المشاركة الأصلية كتبت بواسطة osama_ruan

بس معلومة للعلم بس ماتور الفيرنا هوة ماتور الماتركس وماتور الالنترا الشكل2006 وماتور الكوبية يعني ماظنش انو ماتور وحش بس للعلم

هو حد قال إنه وحش؟

-

الموضوع: ليه كل مااقول لواحد عايز فيرنا يقولي اوعي؟

LinkBack

أدوات الموضوع

عرض

-

-

-

-

-

-

المواضيع المتشابهه

بعد الفيديو ده مش عايز حد يقولي السيراتو مش ثابته

عايز منكم نصيحة لواحد بيسوق جديد

عايز اروح لواحد من دول و عامل شغل في العربية

عايز عربية لواحد مبتدئ فى حدود 30 الف فى المنصورة

عايز رأيكم و ملخص خبرتكم لواحد غشيم فيات

الكلمات الدلالية لهذا الموضوع

المفضلات

المفضلات

ضوابط المشاركة