السلام عليكم ورحمة الله وبركاته

العربية بقت سخيفة جدا جدا
معذباني جدا في الدوارة الصبح
بتنتش جامد وهي باردة ولما بتسخن النتش بيقل
مع السرعات العالية مفيش أي نتش والغريب إن السحب بيبقى ممتاز مع السرعات العالية ، بس بتبقى مخنوقة جدا مع السرعات القليلة

بالنسبة لحالة الصيانة:
- تم تغيير البوجيهات والأبلاتين والكوندنسر والمشكلة لسه زي ما هي وفلتر الهواء وفلتر البنزين
- تم ظبط الكاربيراتير بالكمبيوتر ومشكلة النتشة دي لسه زي ما هي ، بل زادت (لكن السحب بقى ممتاز مع السرعات العالية فقط)
- تم تنظيف الكاربيراتير بالاسبراي والمشكلة لسه زي ما هي
- استهلاك البنزين كويس جدا

- بالنسبة للكاربيراتير نفسه ، أنا كنت جايبه استيراد من حوالي 9 شهور وكان استهلاكه للبنزين حوالي 300 كيلو في الصفيحة في السفر ، وجوا المدينة حوالي 200-250 كيلو في الصفيحة ... بس حصل إن الكاربيراتير اتسد وابتدت مشاكل النتش دي تظهر كتير لحد ما بقى الموضوع لا يطاق.