سؤال كده علي الماشي

**modyturbo** · 28-06-2011 11:32 AM

كان عندي فيشة في كرسي السواق بتاعة حزام الامان مفصولة ووصلتها في مكانها شغلت صوت الانذار بتاع الحزام السؤال بقي يا تري موديل ال ex 92 فيها صوت انذار للأبواب لما تتفتح ولا مش فيها ؟؟ وعندي لمبة في التابلوه بتاعة الشنطة لما تتفتح مش بتنور سألت الكهربائي قاللي مش عارف وكذلك لمبة البنزين.. حد عنده فكره ممكن يكون العيب من ايه؟؟؟

**sanhory** · 28-06-2011 12:03 PM

صباح الفل يا باشا

اجابة السؤال اه ال ex 92 فيها صوت انذار بس في حالة لو العربية مبطلة و سايب المفتاح فيها حتديك صوت انذار بس على باب السواق بس بتقولك ان المفتاح في العربية

لمبة الشنطة مكن تكون حاجة من 2 يا القفل فيه مشكلة يا اللمبة محروقة

لمبة البنزين برضه حاجة من 2 يا اللمبة محروقة يا اما الحساس اللي في العوامة بايظ (في التانك)

ملحوظة الكهربائى دا كمان حاجة من 2 :)

يا مكبر دماغه و مش عايز يشتغل يا اما على قده قوي قوي قوي

**haythamkmal** · 28-06-2011 12:39 PM

ال ex مفيهاش ولا انذار للباب فى حالة نسيان المفتاح ولا لمبة بنزين
لمبة الشنطة زى ما سنهورى قال يا الكالون يا اللمبة محروقة وفى الغالب اللمبة.

**EK4** · 28-06-2011 12:56 PM

المشاركة الأصلية كتبت بواسطة haythamkmal

ال ex مفيهاش ولا انذار للباب فى حالة نسيان المفتاح ولا لمبة بنزين
لمبة الشنطة زى ما سنهورى قال يا الكالون يا اللمبة محروقة وفى الغالب اللمبة.

اسمحلي يباشا انا كان معايا ex 92 وكان لما اسيب المفتاح في الكونتكت وفتحت باب السواق كانت بتزمر
بالنسبة للمبة البنزين مش فاكر علشان من طبعطي مبخليش البنزين ينزل عن نص التنك
بس افتكر عربيت ابويا زمان el كان فيها لمبة عشان نورت منه مره وحصل موقف يومها فنا متأكد

**haythamkmal** · 28-06-2011 01:25 PM

انا ركبت ال ex و ال si الكلام ده موجود فى ال si فقط ، لانى غلبت عشان اخلى ال ex بلمبة بنزين وجبتلها عوامة si وغيرت العدادات .
بالنسبة للباب يمكن اللى كانت معايا كان فيها مشكلة ، بس انا سألت ساعتها قالولى ان ال ex مفيهاش الميزة دى .

المشاركة الأصلية كتبت بواسطة EK4

اسمحلي يباشا انا كان معايا ex 92 وكان لما اسيب المفتاح في الكونتكت وفتحت باب السواق كانت بتزمر
بالنسبة للمبة البنزين مش فاكر علشان من طبعطي مبخليش البنزين ينزل عن نص التنك
بس افتكر عربيت ابويا زمان el كان فيها لمبة عشان نورت منه مره وحصل موقف يومها فنا متأكد

**sanhory** · 28-06-2011 02:07 PM

وعندي لمبة في التابلوه بتاعة الشنطة لما تتفتح مش بتنور سألت الكهربائي قاللي مش عارف وكذلك لمبة البنزين

دا اللي خلاني اقول على لمبة البنزين لانه بيقول انها عنده في التبلوه لكن فعلا كلامك صحيح ال si بس اللي فيها لمبة بنزين بس مش عارف بقى ال ex بتاعته دي حد كان حاطتلها عدادت ال si ولا ايه

بس عمتا برده ممكن تكون العربية مش خليجي او وارد بره فالحاجات دي بتفرق ساعات

بالنسبة للباب لا اكيد فيها انذار لو المفتاح في الكونتاكت لان ال el فيها هيا كمان

**modyturbo** · 28-06-2011 03:35 PM

متشكر يا جماعة علي مجهودكم الرائع... أنا العربية عندي خليجي والعددات اللي فيها بتاعتها الاصلي وفيها لمبة بنزين ولمبة بيان لفتح الشنطة

**sanhory** · 28-06-2011 03:42 PM

المشاركة الأصلية كتبت بواسطة modyturbo

متشكر يا جماعة علي مجهودكم الرائع... أنا العربية عندي خليجي والعددات اللي فيها بتاعتها الاصلي وفيها لمبة بنزين ولمبة بيان لفتح الشنطة

طيب تمام انت كده انجزتلنا

بص يا سيدي انت تروح لكهربائي بيفهم و تقولو عايز اعمل قفله للمبة الشنطة و لمبة البنزين عشان عايز اعرف العيب من الكالون و العوامة ولا من اللمبات , لو كهربائي متوسط الخبرة حيفهم انت عايز ايه و حيجبلك المفيد في 10 دقايق

**modyturbo** · 28-06-2011 04:06 PM

المشاركة الأصلية كتبت بواسطة sanhory

طيب تمام انت كده انجزتلنا

بص يا سيدي انت تروح لكهربائي بيفهم و تقولو عايز اعمل قفله للمبة الشنطة و لمبة البنزين عشان عايز اعرف العيب من الكالون و العوامة ولا من اللمبات , لو كهربائي متوسط الخبرة حيفهم انت عايز ايه و حيجبلك المفيد في 10 دقايق

متشكرين يا باشا علي الرد المفيد بارك الله فيك,,,,