الموضوع: فى ايه فى ميدان التحرير

المشاركة الأصلية كتبت بواسطة hagan

لا يا استاذ هشام
الاحداث بتاعة مسرح الباللون احداث واضح انها حدثت قبل الساعة 10 و نصف
و ما حدث في الميدان واضح جدا انه بعد 12 ونصف
خلالهما تم مهاجمة قسم شرطة عابدين ثم وزارة الداخلية و هذا ما جعل الشرطة تظهر امامنا
و الا ما الداعي لتواجد هؤلاء الناس بالميدان و امام وزارة الداخلية
الا تلاحظ ان هناك محاولة جر شكل للشرطة
و بعدين حكاية انهم ينضربو بالطوب دي غريبة اوي يعني يسيبو نفسهم لما يتم حصارهم و يتم ضربهم
و لا المفروض انهم يبعدو المهاجمين عنهم
طيب و لو المتظاهرين تراجعو ( فين المشكلة ) بالله عليكم
يعني لو تراجعو حد هيستطيع انه يهاجمهم او يروح يجيبهم من بيوتهم
و لا هيا الحكاية انهم عاوزين يفضل حاصل الاحتكاك ده و التسخين ده
و الجزيرة تنقل و الاون تي في تنقل
و في خلال ساعة كانت اعداد المتظاهرين بتتضاعف
و طبعا اللي بيروح من الناس العادية من الشباب عاوز يساعد بقي و اهي هيصة و يفتكر زمان بقي
و الشرطة اللي في التحرير و التسخين يبتدي و اضرب يا عم
و تعم الفوضي في البلد مرة اخري
و فيه ناس طبعا مش هتنام النهاردة و لا بكرة و جالسة مستنية لحظة ( الاشتعال ) و ( الانشغال )
و هب تجدهم منتشرين تاني بيقلبو البلد من شرقها لغربها
و يوم و التاني تجد الاقسام كلها محاطة بأهالي المساجين و اضرب يا عم اهرب يا سيدي
و يوم و التاني تجد السجون كمان تتهاجم و اضرب يا عم اهرب يا ابويا
و اخيرا
بخ بح
البلد ترجع تاني لعب ديبو
و لا انتخابات بقي و لا يحزنزن
مش لما نلاقي ناس تحمينا الاول نبقي ندور لكم علي حماية الصناديق
و تنتهي الحكاية ( و دي علي فكرة النهاية السعيدة )
و لكنها ممكن للاسف تنتهي نهاية زي الزفت ان الشعب يضرب في بعضه
و تبقي فوضي بجد و بحق و حقيقي و القوي هوه اللي يكسب
و ما الدول العربية عنا ببعيد

م.حاتم السباعي

و الله الواحد ما بقا عارف الى بيحصل أنا عمال اقلب فى القنوات ما بين الاخبار العادية و اون تى فى و الجزيرة و الحياة
الى كان بيذيع شبة مباشر الحياة
ربنا يستر كفاية كدة العملية بقت زفت الزفت فعلا
اخر حاجة شوفتها الاعداد بتزيد فعلا دة كان على قناة أون تى فى