الموضوع: انها حقا سياره محترمه عن البوما 2008 بعد 177,777 كيلو نتحدث

المشاركة الأصلية كتبت بواسطة mazagngi2010

العربيه اللى باتكلم عنها نفس حوار زميلك شكلهم منتشرين
المهم نفس اللى انت قولته له عملته مع صاحب العربيه دى برضه وفضل ياجل 30 الف لحد ماغير السيور ولو مكنتش متابع معاه وقلتله اللى ممكن يحصل مكنش هيغيرهم

ههههههههه

أنا عاوز أقولك أنه راح يغير السير و الميكانيكى سأله أنت عامل كام قاله.....الميكانيكى سأله تانى يعنى أنت غيرت السير ده أربع مرات لحد دلوقتى......الراجل أتكسف و راح قايله أيوه

الميكانيكى بحسن نيه مبصش على السير و راح قايله يبقى لسه شوية عليه :)


لو كان بص بصة على السير كان هيصعب عليه.

ياجماعا انتو بتقولو ايه بس مش حوار يبانى ومعمرة هوا يعنى ياغير كل حاجة زى مالتوكيل يقول ياأما اطلع عين ابوها واخليها تكح تراب

انا ليا جارى ايطالى معاه نيسان صنى المصرى العادى موديل 2009 وعامل اكتر من 80 الف كيلو والعربية بزيت الفابركيا بتاعها ومفتحش كبوتها ولا مرة لما بيحكيلى اتهبلت ركبت العرببية وجربتها

العربية ماشية وكل حاجة بس انا مأمنش انى اركبها لمسافة عشرة كيلو مش اسافر بيها الاف الكيلو متر

العربية شبه مفيهاش تيل

مفيهاش ميا

الزيت عامل زى ميكون عجينة

العفشة اكنى راكب لادا موديل 60 وبتشخلل من كل حتة

الميا ف الريداتير قعدت ازود فيها لغايط مجركن الميا الزرقا خلص ومش فاهم الزاى الناس دى ماشية

تيجي تبص للعربية من بره كده تتوهم لان مفيهاش خدش التابلوه حالته زيرو والفرش كذلك
هوا مكنش بيعمل حاجة غير انه يغسلها كل يوم وكل ميطلع مشوار وخلاص للنضافة الشخصية مش اكتر

يافرحتى بقا عربية بتلمع والناس بتبص عليها

تيجي بقا لمثال تانى

صاحبي كانم معاه لانسر سوبر اكشن 2005

العربية مشى بيها 100 الف كيلو بدون تغير زيت الفتيس وهوا استخدامه ليها لطيف مش عنيف

وفجأة جابت فتيس بكام ياحج كان ب 26 الف تقريبا من سنتين لما سألنا ف التوكيل ومكنش يعرف حوار تغيره على 80 الف دى

طب ايه بقا

العربية هتصونها هتصونك ومش هدب معاك خيانة وهتلاقيها ف اى سفرية بدون ادنى مشكلة

المشاركة الأصلية كتبت بواسطة moustafa_saad

عموما العربيات اليابانى محترمه جدا وبتاعت شغل وفعلا توكيلات العربيات بيبالغوا فى تغيير قطع الغيار قبل موعدها بس برده انا شايف ان الراجل ده بيبالغ فى تغيير قطع الغيار بعد موعدها

قسطها يخلص بس ويروق لها شويه

المشاركة الأصلية كتبت بواسطة mohamed1979

بصراحه العربيات الانسر بأختلاف مودلاتها معمره جدا
عندا فى الشركه عربيات كرستاله 99 عامله 700000الف و معمرتش خالص
و عربيات بومه 2007 عامله 500000الف بدون عمره
بس العربيات دى كانت صيانتها بأنتظام
الانسر عربيات معمره جدا جدا

البوما والكريستاله زى ال504 نزلوا غلطه ومش هتتكرر

المشاركة الأصلية كتبت بواسطة Ahmed A.Maksoud

ههههههههه

أنا عاوز أقولك أنه راح يغير السير و الميكانيكى سأله أنت عامل كام قاله.....الميكانيكى سأله تانى يعنى أنت غيرت السير ده أربع مرات لحد دلوقتى......الراجل أتكسف و راح قايله أيوه

الميكانيكى بحسن نيه مبصش على السير و راح قايله يبقى لسه شوية عليه :)


لو كان بص بصة على السير كان هيصعب عليه.

نفس اللى حصل ساعه تغيير الكاوتش الواد قاله الكاوتش ده مهرى قوى هى مشيت قد ايه ؟فالراجل اتكسف وقاله 85 الف رد عليه وقاله يدوبك كده عليها كتر خيره وهو ميعرفش انها ماشيه 135 الف

المشاركة الأصلية كتبت بواسطة Survival

ايه يا جماعة الكلام ده هو فى حد بيعمل كده فى عربيته حتى لو مأجرها!!!!!!!!!!!!!!
و مش اى عربية دى لانسر بومه يعنى مش عربية رخصية عشان يهملها. دى الريتمو اللى مع اخويا عاملها اجندة للصيانة وانا كذلك مع الاكسيل.
انا صحبى كان معاه نيو أكسنت 2008 كانت عاملة 230 الف كيلو و العربية من جوه و من بره فابريكه و الصيانات فى مواعيدها و كل قطع الغيار أصلية و فعلا العربية دى تركبها اكنها زيرو بالظبط
لكن اللى يجيب عربية و يهملها يستحمل بقى لان العربية كمان هتهمله وهتاخد حقها منه و بزيادة.

كتير بيعملوا كده بس انت مش واخد بالك اللى بيعمل كده بيكون مضطر علشان القسط بيدبح الايجار اللى بياخده
وانا شايف ان مش ده الاهمال الشنيع على الاقل شوف وفر تمن كام صيانه لحد دلوقتى والعربيه ماشاء الله عليها

المشاركة الأصلية كتبت بواسطة AutoTycoon

انا اعرف ناس كتير مهملين في البوما بالذات و الحمد لله ربنا ساترها معاها

بس انا اول مرة اعرف ان الطنابير ليها عمر معين ؟؟ ... قد اية بقى؟

حسب التيل اللى بتحطه واستخدامك للفرامل
مثلا العربيه المذكوره بيتحط لها تيل رخيص واتمست الطنابير مرتين واخيرا اتغيرت على 165 الف بعد الطنابير اتنحل وبرها

المشاركة الأصلية كتبت بواسطة Hesham Hamza

عندى واحد صاحبى عامل 147 ألف ونفس النظام

العربيه خليجى ومبيروحش التوكيل خالص ومغيرش حاجه نهائى غير الزيت والفلتر

( أعتقد غير تيل مره )

أنا عايز أقولك بدون مبالغه العربيه زيرو يعنى ولا بتشخلل ولا بطلع دخان أبيض :)

عربيه محترمه خاصه الخليجى بس اعمل فيه معروف وخليه يلحق سير الكاتينه والبوجيهات