الموضوع: الفرق بين كامبروا عادي و سي بي اس Cps

المشاركة الأصلية كتبت بواسطة justs

ماشي يا عم توت كلها حجات صغيره ، ايه يعني الموتور بقه عزمه ممتاز على السرعات القليلة والكبيرة ، وايه يعني مبقاش فيه اي فجوه في ادائه واللي ادت الى كفائة اداء الفتيس الاوتوماتيك ، وايه يعني الصالون بقى فخم وخاماته احسن ووحدة التحم الكهربائي اتغيرت ومكلنها اتغير للمكان الطبيعي ، وايه يعني الوجهة شكلها اصبح اجمل والفوانيس بقت من الداخل اسود والشكل الامامي العام اصبح رائع ، وايه يعني بتنزل باسبويلر جديد واستنادرد مش لوحده ،

يا عم كلها حجات صغيره ، المهم النفس اللي تركب !! مش كده ولا ايه !

توت مقالش ان مفيش فرق بين المحركين.. و اثبتلك ان التكنولوجيا موجوده و يمكن اضافتها للموتور العادي (عكس ما حضرتك قلت). و حضرتك سيبت الكلام ده و مسكت في الحاجات الخاصه بشكل الصالون و الاكصدامات!! و مش عايز تعترف ان معلومات توت صح؟

يا استاذ / Ahmed Hassan

انا مقلتش ان توت قال ان مفيش فرق ، كل اللي انا قلته انهم كانو بيطور تكنولوجيا ال CPS من ساعت ما نزل الموتور ، مش كانت موجوده وهما مأجلينها عشان يوفرو ، ومجرد ما وصلولها اصدرو الاصدار الجديد من المحرك ، وبعدين انا ما جبتش سيرة ان ينفع تضاف للمحرك العادي ولا لأ ، وانا قرأت في اكثر من منتدى ماليزي ، ان ينفع تضاف بس بتكلفة عاليه ، ومعتقدش كمان ده ممكن في مصر ، وعموما انا كلامي ده كله عشان اللي ما جابش يستنى شويه ، ولا انت رأيك يجيبها دلوقتي وبعد ثلاث شهور يبقى يزود ال cps على المحرك ، ويغير الاكصدام والفرش ، والفوانيس ، والجزء الداخلي للأبواب ، وكل الكلام ده ،

اكن طبعاً اللي فعلاً عندهم الجين2 ، ينفع يركبو الجزء الخاص بال CPS زي ما توت قال ، وانا يا عم معترف !

المشاركة الأصلية كتبت بواسطة justs

ماشي يا عم توت كلها حجات صغيره ، ايه يعني الموتور بقه عزمه ممتاز على السرعات القليلة والكبيرة ، وايه يعني مبقاش فيه اي فجوه في ادائه واللي ادت الى كفائة اداء الفتيس الاوتوماتيك ، وايه يعني الصالون بقى فخم وخاماته احسن ووحدة التحم الكهربائي اتغيرت ومكلنها اتغير للمكان الطبيعي ، وايه يعني الوجهة شكلها اصبح اجمل والفوانيس بقت من الداخل اسود والشكل الامامي العام اصبح رائع ، وايه يعني بتنزل باسبويلر جديد واستنادرد مش لوحده ،

يا عم كلها حجات صغيره ، المهم النفس اللي تركب !! مش كده ولا ايه !

بص يا أستاذ justs أنا بجد مش عارف حضرتك عايز تثبت أيه ؟؟؟
يا سيدي أنت بتقول إن في تغيير جذري
و أنا بقول إن مفيش تغيير جذري
معظم التغيير اللي حصل يمكن اضافته بكل سهولة للجين 2 القديمة
سبويلر
اكصدام
الفوانيس ( شكلا بس )

و التغيير اللي حصل للموتور هو تعديل أداء المحرك على سرعات قليلة بس إنما على السرعات العالية الفرق بسيط جدا ما بين الأثنين
العزم 148 للقديمة ............ و 152 للجديدة
و فرق الأحصنة مش مهم قوي لأن مفيش حد بيجري على 6000 لفة لغاية ما يبقى العزم أعلى في CPS
و أنا أقصد إنك علشان توصل لفرق الحصان لازم توصل لسرعة عالية جدا و هي تفوق 150 كم / س

إنما الاكصدام و السبويلر و الكشافات اللي لونها أتغير
تركب بكل سهولة على القديمة لأن الشاسية واحد و الكشاف واحد في التصميم و الصبة بتاعته

إنما فرق الموتور حلو قوي في السرعات القليلة
وربنا يباركلك في العربية إن شاء الله

توووووووووووووووووووووووت ، اوعى تكون زعلت ، احسن ازعل منك

المشاركة الأصلية كتبت بواسطة Ahmed Hassan

توت مقالش ان مفيش فرق بين المحركين.. و اثبتلك ان التكنولوجيا موجوده و يمكن اضافتها للموتور العادي (عكس ما حضرتك قلت). و حضرتك سيبت الكلام ده و مسكت في الحاجات الخاصه بشكل الصالون و الاكصدامات!! و مش عايز تعترف ان معلومات توت صح؟

شكرا يا أستاذ أحمد على المداخلة الحقانية دي :)

توت باشا دائما متألق بموضوعاتك الجامدة دية

الف شكر ليك

منور يا فهد و شكرا يا جميل على المجاملة الرقيقة :)

المشاركة الأصلية كتبت بواسطة justs

توووووووووووووووووووووووت ، اوعى تكون زعلت ، احسن ازعل منك :D

أزعل ازاي يا باشا ........ ده أحنا أعضاء في النادي الملكي للأسد الماليزي بروتون و أنا سعيد بالحوار ده لتوضيح الحقائق
اللي زعل الاستاذ amg و حتى بعتله رسالة خاصة و مرضش عليها و تجاهلها تماما :o