الفرق بين كامبروا عادي و سي بي اس Cps

**tutankhamoun** · 02-05-2008 09:23 PM

المشاركة الأصلية كتبت بواسطة mohamedzaki

salamo 3aleko every body. why no body replied to my question. i am not trying to put the Gen 2 down on the contrary i think that this a very respectful step for any country to have its own made car we 3o2balna ya rab neb2a zayehom but now we are talking technically so please can somebody put some light on the difference between Gen2 motors and other makes ( civic, toyota, etc. ) with the same displacment ?

السلام عليكم
أزيك يا أستاذ محمد زكي
المشكلة إن حضرتك كاتب المداخلة في اللغة الإنجليزية
و أغلب الأعضاء يُفضلون اللغة العربية و التي هي لغتنا و لغة المنتدى
لذلك تجد أن أغلب المواضيع المفتوحة بلغة غير العربية تكون مهملة قليلا
لأن في الأخر أنا و أنت مصريين ..... يعني لغتنا اللغة العربية يعني من الآخر استخدام لغة أخرى في التخاطب فيه تقليل من كرامتنا
و لكن يا أخي الكريم
سؤال حضرتك
لا يستطيع أحد أن يجاوب عليه إلا مالك لكل موديل من اللي حضرتك بتتكلم عليهم
يعني أنا مثلا مقدرش أفتيك في السيفيك و لا الكورلا
غير إني في مرة وحيدة تسارعت مع كورولا و لانسر و كسبت
إنما استهلاك البنزين و الاداء بوجه عام
لا أستطيع أن أجزم أي سيارة أفضل من ناحية اداء المحرك

**mohamedzaki** · 02-05-2008 10:12 PM

الأخ الكريم توت عنخ , أشكرك على ردك و سوف أحاول الكتابه بالعربى مع أنى بطئ جدا و لكن احتراما للمنتدى و لأعضائه هتعب شويه, أنا فهمت قصدك و واضح ان الواحد لازم يجرب حتى يشعر بالأداء. ملحوظه : أنا كتبتت السطرين دول فى ربع ساعة :(

**tutankhamoun** · 02-05-2008 10:16 PM

المشاركة الأصلية كتبت بواسطة mohamedzaki

الأخ الكريم توت عنخ , أشكرك على ردك و سوف أحاول الكتابه بالعربى مع أنى بطئ جدا و لكن احتراما للمنتدى و لأعضائه هتعب شويه, أنا فهمت قصدك و واضح ان الواحد لازم يجرب حتى يشعر بالأداء. ملحوظه : أنا كتبتت السطرين دول فى ربع ساعة :(

و لا يهمك يا باشا ........ اللي خلاك أتعملت تكتب بلغة أجنبية بسرعة
إن شاء الله تكتب بلغتك الأم أسرع

و بدل الربع ساعة إن شاء الله تبقى ربع دقيقة
و تحياتي الحارة لك

**hazem_khidr** · 03-05-2008 04:03 AM

شكرا جزيلا يا استاذ توت علي المجهود العظيم
و ما تحرمناش من مواضيعك:)

**tutankhamoun** · 03-05-2008 08:46 AM

المشاركة الأصلية كتبت بواسطة hazem_khidr

شكرا جزيلا يا استاذ توت علي المجهود العظيم
و ما تحرمناش من مواضيعك:)

منور .... يا أستاذ حازم .... منور
تحياتي لك يا جميل

**Moh.Fahmy** · 03-05-2008 09:03 AM

بالرغم يا توت باشا اني معايا لانسر مش جين و للاسف ما ركبتش جين قبل كده الا اني استمتعت بموضوعك و اسمحلي اني احييك علي مجهودك الايجابي

محمد فهمي

**abdelaziz-waleed** · 03-05-2008 09:42 AM

بصراحة يا استاذ توت رغم اني ماركبتش بروتون بس الحمد لله ان حضرتك معاك بروتون لأني طول عمري بحب العربية ديه جدا وبحب اسمع اخبرها جدا وكان نفسي ابيع عربيتي واشتريها بس بصراحة ناس كتير قالولي ما ينفعشي تنزل من الماني وتركب كوري او ماليزي مع اني راكب اقل شيء في الالماني
فهل هذا الكلام صحيح وهل سوف اشعر بفرق شاسع ما بين الالماني والماليزي مما يجعلني اكره السيارة فيما بعد او اندم على سيارتي القديمة
الف شكر على تعبك ومعلوماتك الجميلة يا استاذ توت

**tutankhamoun** · 03-05-2008 10:08 AM

المشاركة الأصلية كتبت بواسطة borgelharm

بالرغم يا توت باشا اني معايا لانسر مش جين و للاسف ما ركبتش جين قبل كده الا اني استمتعت بموضوعك و اسمحلي اني احييك علي مجهودك الايجابي

محمد فهمي

الله يكرمك يا باشا .... و أنت نورت منتدى البروتون
و أدام الله جذور التواصل ما بين أعضاء المنتدى جميعا

و شكرا لك يا أستاذ محمد

المشاركة الأصلية كتبت بواسطة abdelaziz-waleed

بصراحة يا استاذ توت رغم اني ماركبتش بروتون بس الحمد لله ان حضرتك معاك بروتون لأني طول عمري بحب العربية ديه جدا وبحب اسمع اخبرها جدا وكان نفسي ابيع عربيتي واشتريها بس بصراحة ناس كتير قالولي ما ينفعشي تنزل من الماني وتركب كوري او ماليزي مع اني راكب اقل شيء في الالماني
فهل هذا الكلام صحيح وهل سوف اشعر بفرق شاسع ما بين الالماني والماليزي مما يجعلني اكره السيارة فيما بعد او اندم على سيارتي القديمة
الف شكر على تعبك ومعلوماتك الجميلة يا استاذ توت

أستاذ وليد أيه الجمال ده

معلش أنا لي رأي مخُتلف شوية في موضوع الألماني ده
بُص يا باشا
الألماني اللي هو ألماني
هما 3 شركات بس
أودي ..... مرسيدس ..... بي إم دبليو

إنما الشركات التانية الألماني ممتازة و لكنها ليست في مستوى الثلاثة السابق ذكرهم
يعني لما أتكلم عن عربية أوبل .... مش فرق كبير بينها و بين عربية تانية في نفس المستوى من أي بلد تاني

يعني أنا عندي الألماني ( أوبل أو فولكس ) زيها زي البيجو زي الفيات زي التويوتا و زي ماركات تانية كتيرة كويسة و في نفس المستوى

و زي ما أنا قلت ........... اللي في وادي تاني هما ( الأودي .... المرسيدس ... البي إم )

و على فكرة بروتون منتجاتها مختلفة عن الكوري
الكوري في مصر و المشهور جدا هو الهيونداي
و الهيونداي معظم عربيتها اللي في مصر من أقل ما يتم إنتاجه من هيونداي من ناحية الجودة زي الفيرنا مثلا
يعني قصدي إن الفيرنا مش هي مقياس هيونداي أو الأكسنت أو الأكسيل القديمة
دلوقتي هيونداي بتصنع حاجات أحسن من كدا بكتير زي الماتركس و الإلنترا و زي الكوبيه و زي السوناتا

فلو حضرتك مثلا ركبت هيوندا فيرنا .... و ركبت سوناتا .... ممكن تقول إن السوناتا مش هيونداي
أكيد حضرتك فهمت قصدي

و نيجي بقى لبيت القصيد
بروتون ...
بروتون أغلب منتجاتها في نطاق ضيق من حيث التعدد الموجود للموديلات
و أنا شايف إن بروتون منتجاتها أفضل من منتجات هيونادي الدنيا
يعني فيرنا .... و أكسنت و اكسيل .... الخ
أقل كثيرا من ويرا و واجا و الجين 2 و الساتريا و الساجا و السافي

يبقى لما نتكلم عن الكوري ........ يبقى المفروض تتكلم عن الفئة العُليا له و التي تتمثل في .... السوناتا و الإلنترا و الماتركس علشان تحكم حُكم عادل عليه
و الماليزي مصنوع بخبرة يابانية و نكهة أوروبية مخلوطة بجودة ممتازة في معظم الموديلات

و لن تشعر بفرق كبير و أنا كنت راكب أوبل أسترا قبل كدا و مفيش أي فرق بينها و بين أي عربية تانية و يمكن أنا ركبت عربيات أحلى منها بكتير
بس الحقيقة هي كانت موديل 1996 فأكيد الحالية ممتازة
بس يعني اللي أقصده إن اللي يتحسب ألماني بجد هم الأودي و المرسيدس و البي إم

و سيبك من كلام المصريين .... و اللي يقولك ألماني و عفريت أزرق
لو فيه حاجة حلوة و عاجبك .... أسأل أصحابها و متسألش غيرهم علشان الفتي و التأليف المصري بيبدأ يشتغل بمجرد السؤال و دائما بتكون الإجابة بدون تجربة أو بدون معرفة أساسا
و لو عاجباك أتكل على الله و هي عربية ممتازة بجد و لكن استنى للموديل الجديد لما ينزل
لأن حصل تحسين لخامات الصالون و أصبحت جلد و أفضل جودة و أيضا تم تحسين أداء المحرك على السرعات الصغيرة لإعطائه عزم أعلى
و شكرا جزيلا لمداخلة حضرتك

**abdelaziz-waleed** · 03-05-2008 10:20 AM

بارك الله فيك على الافادة الجميلة يا توت ووصل قصد حضرتك
انا مشكلتي ان خبرتي في السيارات ضعيفة او بمعنى اصح مجربتش عربيات كتير علشان اقدر اقارن

متشكر جدا على ردك الجميل وربنا يباركلك في ال جين 2 وتكبر وتبقى جين 5 :D:D

**tutankhamoun** · 03-05-2008 08:23 PM

المشاركة الأصلية كتبت بواسطة abdelaziz-waleed

متشكر جدا على ردك الجميل وربنا يباركلك في ال جين 2 وتكبر وتبقى جين 5 :D:D

يارب يا أخويا يارب .......... على رأي إسماعيل ياسين :D :D
و مالوا يا أخويا .......... جين 6 كمان مش 5 .... يلا هو حد دافع حاجة من جيبه :D :D

الموضوع: الفرق بين كامبروا عادي و سي بي اس Cps

LinkBack

أدوات الموضوع

عرض

-

-

-

-

-

-

-

-

المواضيع المتشابهه

موضوع مخصص لشرح الفرق بين البايك العاده والفاير - الصور الشكل السعر الفرق

إيه الفرق بين صبين بايونير 1400 واحد دوبل كويل والتاني عادي ؟

اية الفرق بين الجيتا 2009 و 2010 و هل يستاهل الفرق ؟

ايه الفرق بين ملي الكاوتش نيتروجين او ههواء عادي ؟

محركات كامبروا من بروتون

الكلمات الدلالية لهذا الموضوع

المفضلات

المفضلات

ضوابط المشاركة