أهو كده كلام رسمي عن انتشار اللانسر

**tahereyad** · 02-05-2008 02:53 PM

قرأت الخبر الآتي في أحد المواقع الاخباريه,,, و بكده تكون اللانسر رسميا أكثر السيارات انتشارا و نجاحا في مصر,,, و من الواضح ان اللانسر في مص هاتكون زي البيجو 504 اللي شركه بيجو راهنت عليها في مصر و كسبت الرهان من أكثر من 30 سنه,, و مازالت البيجو 504 في مصر أحد السيارات المحترمه و المميزه
http://www.moheet.com/show_news.aspx?nid=118415&pg=6

"ميتسوبيشي لانسر" الأكثر انتشاراً في مصر

ميتسوبيشي لانسر

أظهر استطلاع للرأي أجراه موقع "كونتاكت كارز" أن سيارة "ميتسوبيشي لانسر" هي السيارة الجديدة الأكثر انتشاراً في شوارع مصر حاليا، وهوما يؤهلها كى تكون السيارة المفضلة لغالبية الشعب المصري.

واختار نسبة كبيرة من المشاركين في استفتاء "كونتاكت كارز" بشأن السيارة الأكثر انتشاراً في شوارع مصر "ميتسوبيشي لانسر" لتكون رقم واحد بين جميع السيارات.

وجاءت سيارة "دايو" العملية "لانوس" في المركز الثاني في الاستفتاء الذي نشره الموقع قبل نحو أسبوع وشارك فيه نحو 1025 قارئ ، متفوقة على "هيونداي فيرنا" بفارق بسيط وذلك نظرا لأن الأخيرة مازالت حديثة في السوق المصرية.

واحتلت سيارة "شيفورليه أفيو" الجديدة التي غزت السوق المصرية مؤخرا المركز الرابع بفارق متوسط عن "فيرنا" ، فيما كان قرار القراء باختيار سيارة أخرى غير الأربع سيارات السابقة كالسيارة الأكثر انتشاراً في شوارع مصر بنسبة ضئيلة جدا ما يعني أن السيارات الأربع حقاً هم الأكثر انتشاراً في مصر الآن.

**timo_crosswind** · 02-05-2008 05:47 PM

الله ينور عموما اللنسر دلواقتي انتشارها يفوق الوصف نظرا لانها عربيه عمليه جدا
ومحبوبه جدا لدي الشعب المصري اللي اغلبيته بينظر لقوه وصلابه السياره نظرا للطرق المصريه علي حساب الرفاهيه وبالرغم من انها عمليه جدا الا انها بردو تملك من الشياكه الخارجيه والرحابه الداخليه مايرضي كثير من الناس

**Moh.Fahmy** · 02-05-2008 06:17 PM

اللانسر عربية كل العمليين و الباحثين عن الشياكة في نفس الوقت
لانها بسم الله ما شاء الله عربية بلا مشاكل و مناسبة للطرق الرائعة بتاعتنا
فعلا انتشار اللانسر ملحوظ جدا في الشارع و ده دليل علي نجاحها و اللي منتشر في اللانسر بالذات موديلات 2007 و 2008 الشكل القديم يعني احدث من الفيرنا و مع ذلك الاكثر انتشارا

محمد فهمي

**alaa_dash** · 02-05-2008 06:28 PM

العربية ديه ناقصها تكتر شوية كتاكسي و تبقى وريثة شرعيه للـ 128
عندي احساس انها هتكون السبب في اصدار قانون بعد20 سنة بمنع الترخيص للسيارات الاقدم من 20 سنة ...مع اعترافي بجودتها ...

**mada121977** · 03-05-2008 01:03 AM

ماشاء الله ... كويس جدااا الاستطلاع ده وبيدل ان العربيه فعلا محققه مبيعات وانتشار رهيب

**shahinbasha** · 09-05-2008 11:26 AM

لانسررررررررررررررررررررر ررررررررررر طبعا

**ASD peugeot** · 10-05-2008 01:35 AM

انا شاركت في هذا الاستطلاع و طبعا الانسر الاقوي و الافضل بس الشكل الجديد روعه بجد بس سعره عالي زياده عن اللزوم ولاا ايه رأيكم

**Ahmed Samy** · 10-05-2008 02:33 AM

لا مش زيادة عن اللزوم ولا حاجة
بس الزيادة الأخيرة ماكانش ليها لازمة
قارنها مع السيارات المنافسة تلاقيها كويسة

**ahmedateya** · 10-05-2008 02:51 AM

لانوس في التاني....تحيا دايووووووووووو

**nasr-eldeen** · 10-05-2008 04:58 AM

البركة في التقسيط والبنوك وكله بتشجيع الحكومة علشان محدش يصعب عليه عربيته القديمة لما القانون ينزل بمنع السيارات القديمة ، يبيع ويشتري جديد وكله رايح على جيب اخونا البعدا
مع احترامي لكافة فئات شعب مصر
واحترامي لعربيتي اللانسر