ياجماعة الخير أنا ان شاء الله نويت أحجز نيسان قشقاى من معرض أوتو ايجيبت اللى فى الحى التامن فى مدينة نصر - طبعا أنا شوفت السيارة على المنتدى هنا الأول - سيارة ما شاء الله عليها ممتازة ويكفى أنا تصنيع يابانى وتقفيل انجليزى وفيها كمية كماليات ممتازة - ياريت ياجماعة تدونى رأيكوا فى السيارة مع العلم أنها لم تنتشر بعد فى مصر لأنها لسه نازلة من كام شهر وياريت لو حد ساقها وجربها بنفسه يدينا فكرة وافية عنها وعن حجمها بالمقارنة بالسيارات السيدان ولتكن الصنى مثلا ومدى ارتفاعها عن الأرض وما هو أحسن لون مناسب للسيارة؟ - وطبعا أهم موضوع عايز أسأل عنه هو قطع الغيار الخاصة بالسيارة - ما أسعارها وما مدى توافرها فى التوكيل وخارج التوكيل؟ وتنصحونى بالشراء أم لا؟ مستندى ردود خبراء النيسان - والسلام عليكم