عايز أخد رأيكم فى شراء النيسان صنى 2012

**mazymazy** · 28-01-2012 03:56 PM

السلام عليكم و رحمه الله و بركاته

انا ان شاء الله نويت اشترى نيسان صنى 2012
Full Option Automatic with ABS,EBD

عايز اعرف راى الخبراء فى العربية وهل اشتريها ام اشترى اللى زيها بالضبط بس مانيوال ؟؟

عايز اعرف ايه المشاكل اللى ممكن اقابلها او الاقيها فى الاتنين وحلولها ايه لو ممكن

برجاء الرد سريعا لانى قاعد من غير عربية بقالى يومين و بصراحة مش عارف اتحرك لانى بقالى اكتر من 16 سنة ماشى بعربية وفعلا مخنوق من غير عربية

اشكركم على سعة صدركم

**Sehsss** · 28-01-2012 04:14 PM

العربية ممتازة وأعطالها قليلة جدا وصياناتها سهلة، ومميزاتها طبعا الثبات على السرعات العالية والاعتمادية حالها حال كل الياباني وقطع الغيار متوفرة، والتوكيل محترم والموتور قوي جدا (118 حصانا) ....إلخ، وربنا يوفقك للخير

**Youssef.Awad** · 28-01-2012 08:54 PM

بالنسبة للاعطال .. لا تقدر البلاء قبل وقوعه لأن كل عيوب الصناعة تلقى قبول واستبدال التالف بأخر جديد فى فترة الضمان طوال ال3 سنوات او ال100.000كم وهذه مسألة نسبية تختلف من شخص للتانى لذا لا احبذ التعميم
بالنسبة لمانيوال او اوتوماتيك .. طبعا اتوماتيك خاصة فى الزحمة وداخل البلد أما المانيوال فلو حضرتك ممن يستمتعون به بأن تتحكم فى النقلات والتسارع والفرق بين الفئتين اللى حضرتكم ذكرتهم 91 الف ج مانيوال و96 الف ج اتوماتيك يعنى 5000 ج فقط بدون اية تغييرات أخرى
بالنسبة للعربية بشكل عام .. قطع غيارها متوفرة ومنتشرة ومراكز خدمتها كثيرة ومستواهم عالى فى تشخيص واصلاح الاعطال والصيانات الدورية واعتمادية السيارة وثباتها وأمانها أبرز عوامل نجاحها فى مصر