عربيتى مش راضية تعدى 180

**al_manara** · 02-05-2008 07:40 PM

في احتمال انك ماتكونش مركز وانت بتسوق
مافكرتش لو حصلت اي حاجة وانت ماشي بالشكل دة هاتكون النهاية اية !!!
ربنا يهديك

**فادى** · 02-05-2008 08:59 PM

المشاركة الأصلية كتبت بواسطة khaledsamy

أنا معايا ميتسوبيشى 1800ِِcc من 0 إلى 100 فى حوالى 9 ثوانى
طوال عمرى بجيب بيها لحد 210
أخر مرة جربت مش راضية تعدى 180
مع العلم أنا مركب eridum $ K&N $ SuperSprint Exhauster
هو فى حاجة بتعالج التوب سبيد ؟؟؟؟؟!!!!!!!!

المحرك صغير نسبيا و عشان كده أعتقد انو ال210 هى الى كانت استثناء و ال180 هى السرعة الطبيعية!!
بص على السرعة القصوى فى الكتالوج, و غالبا مش هتتعدى ال180, و كويس اوى انها بتوصل 180, بعد ال180 مشفتهاش فى أى عربية سوى المرسيدس و البى ام مش عشان حاجة لكن عشان محركاتهم كبيرة.

**dr_3eshoo** · 02-05-2008 11:07 PM

بص ياباش اكشف على الاسطوانه و الديسك و غالبا دي تكون اسطوانه
شوف استهلاك البنزين شوف صوت العربيه شوف العربيه عامله ايه في المطالع و الحموله الدبرياج بيفصل على العالي

**hamedo0** · 02-05-2008 11:19 PM

يا عم احمد ربنا انها بتجيب 180 كم

**zizo_motors** · 02-05-2008 11:30 PM

صديقي العزيز أولا النصيحه بعدم السرعه مش علشانك ولكن علشان خطأ الغير تقدر تتفاداه أما بالنسبه للمشكله دي فتكمن في الصيانه بالنسبه للسيارات الحقن الالكتروني اعمل صيانه على الاتي فلتر الهواء فلتر البنزين طلمبة البنزين طقم البوجيهات الصيانه الصيانه وبلاش موضوع السرعه

**pendodo2002** · 02-05-2008 11:40 PM

مع اني ضد السرعه بتاتاً وخصوووووووووووووووصا جوا مصر لان مفيش ولا طريق يساعد و اقل مشكله مش هتلاقي لا الوقت و لا مساحه انك تناور بالعربيه بتاعتك لتفادي اي شئ لا قدر الله ...
بس انا هقولك للعموم
اول حاجة الكوتشات اتأكد من الضغط الداخلي وانه متوزع على العربيه ككل بالتساوي و اتأكد من الميزانيه لان في بعض العربيات ال ECU بيعمل بلوك لزياده السرعه علشان يمنع العربيه ككل من دخول دايره رنين ممكن تخلي العربيه تتفكك في السرعات العاليه
اتأكد من انظمه الحقن وده عن طريق سائل منظف (نوع معين مش فاكره) بيتحط مع البنزين
الفلاتر برضو بتكتم العربيه و بالتالي بتقلل من السرعه القصوى ... غيرها او نظفها ..
شوف اتجاه الهوا و شوف وزن العربيه الاجمالي (حاول تقلل وزن العربيه عن طريق انك متعبيش التنك على الآخر) ..

نصيحه لوجه الله عن تجربيه ليا ربنا سترها وكنت ماشي وقتها على 150 والعربيه مشيت بعرض الشارع في الامارات (ولاحظ الامارات ... يعني شوارع نظيفه وواسعه جدا و كوتشات نظيفه ).... اللعب في في السرعه في الالعاب زي NeedForSpeed حاجة و الواقع حاجة تانيه خااااااالص ... العربيه بمجرد ما تفقد السيطره عليها ... يبقا تنسى تماماً انك تعرف تلمها إلا لو ربنا سترها معاك .... الغلطه ممكن تقعدك على كرسي بعجل طول حياتك تترجى الناس انهم يمشوك من مكان للتاني

ربنا يسلم طريقك

تحياتي

**tutankhamoun** · 02-05-2008 11:41 PM

يا جماعة السرعة المناسبة لأي مكان في العالم بسيارة مهما كان نوعها لا يتعدى 100 كم / س و ساعة لما نقول الراجل ده مخاطر يبقى 120 كم / س

إنما أعلى من كدل يبقى أسمه أنتحار و قتل غيرك بالخطأ

هي الناس مش بتتعظ ليه من الحوادث اليومية على الطريق
210 كم /س
180 كم / س
ليه هي حلبة فورميلا .؟؟؟؟
و عموما ربنا يهدينا جميعا إن شاء الله
و خلي بالك يا أستاذ خالد علشان ترجع إن شاء الله سليم لأهلك و برضه غيرك من زملاء الطريق يرجع سليم لأهلة

و في التآني السلامة و في العجلة الندامة
و العجلة من الشيطان
و ربنا يهدينا

**ramyso4** · 03-05-2008 12:06 AM

إنت كنت بتجيب 210 من امتى ؟ وارد جداً إن الموتور مبأاش بنفس كفائة زمان عشان عوامل كتير منها الإحتكاك عبر الزمان وبردو جايز يكون الطريق الجبة فيه 210 غير الطريق الإنت كنت ماشي فيه ومش عرف تعدي 180 وحتى لو نفس الطريق جايز ال-210 أنت كنت في منزل شوية عن الحتة الجبت فيها 180 بالعافية وجايز حتى لو نفس الطريق والحتة بظبط جايز إتجاه الهوى غير لما كنت جبت ال-210

**M_HaFeZ** · 03-05-2008 12:24 AM

المشاركة الأصلية كتبت بواسطة hashem1999

انا لما عربيتى بتجيب ال120 ببقى فرحان قوى

والله انت راجل زى العسل :)
انا متخيل كده وانت على السريع اول ماتوصل لل 120 هتلاقى اصحابك بيبعتلولك رسايل على الموبايل واللى يكلمك :D
والله مش باتريق بس والله عجبنى كلامك اوى

**اسلام ابراهيم** · 03-05-2008 12:24 AM

يا باشا ربنا يسترها معاك ومعانا بجد والله هو احنا لازم نستنى الحادثه علشان نتعظ .في التأنى السلامه وبحسبه بسيطه تقريبا انت لو ماشي على سرعه 180 كم/ساعه يعنى بتقطع كل 100 متر في 2 ثانيه انت عارف ايه الى ممكن يحصل في 100 متر أكيد مش هتقدر تلحق في ثانيتن ربنا يسترها معاك برضه وخد الصورة ديه يمكن تتعظ تفتكر السواق فين ؟؟؟؟؟؟؟؟؟!!!!!!!!