عربيتى مش راضية تعدى 180

**eldeplomasy** · 03-05-2008 12:36 AM

لو سمحتوا انا عايز اعرف ايه نوع منظف البنزين اللى احطه اولا

ثانيا عايز اعرف هل فلتر البنزين لو اتسد يضعف سحب العربية ولا لأ؟؟؟

ياريت الرد ضروري على السؤالين دول من فضلكوا لان العربية تحت رجلي مختلفة جدا حاسس انها تقيله جدا وسحبها تقيل واستهلاك البنزين كتير وشكرا جزيلا

**dr_3eshoo** · 03-05-2008 12:39 AM

طب دي اعراض اسطوانه و ديسك

**Dr Ahmed** · 03-05-2008 12:57 AM

للأسف بعض الناس لا يتعظ فى الوقت المناسب

سيب العربية آخرها 180 الله يكرمك وما تقعدش تجرب تزيد عن كده ، جرب تقلل عن كده وإرحم نفسك من العاهات والإصابات والكوارث وإرحم غيرك من نفس القصة، والعاقل اللى بيتعظ قبل المشكلة ، إنما اللى بيصحى بعد المشكلة رغم النصح يبقى .....

**ASD peugeot** · 03-05-2008 01:52 AM

السرعه ليها مخاطر لا يعرف مداها الا الله فلا داعي للسرعه من غير سبب سوي المتعه فقط فحافظ علي حياتك

**eldeplomasy** · 03-05-2008 02:11 AM

شكرا جزيلا على رد حضرتك

بس انا كنت عايز اعرف اجابة السؤالين دول ضروري لاني رايح التوكيل لو سدد الفلتر يضعف السحب اغيره لان من كام يوم جيت اشغلها الصبح ولا رضيت تشتغل ولما اشتغلت فضل الموتور يترعش ومكنش مضبوط خالص ولكن بعد فترة رحت المشوار بيها كده وانا راجع بدأت تتضبط لحد ما اضبطت تمام فرحت للميكانيكي قالي ده رواسب بنزين فغالبا الفلتر اكيد يهبقى فيه رواسب فهل الرواسب دي تضعف سحب العربية؟؟؟

وايه نوع منظف البنزين اللى اجيبه واستعمله واجيبه منين؟؟؟

ياريت الاجابة على السؤالين دول وشكرا جزيلا

**zeyad1810** · 03-05-2008 06:58 AM

المشاركة الأصلية كتبت بواسطة eldeplomasy

شكرا جزيلا على رد حضرتك

بس انا كنت عايز اعرف اجابة السؤالين دول ضروري لاني رايح التوكيل لو سدد الفلتر يضعف السحب اغيره لان من كام يوم جيت اشغلها الصبح ولا رضيت تشتغل ولما اشتغلت فضل الموتور يترعش ومكنش مضبوط خالص ولكن بعد فترة رحت المشوار بيها كده وانا راجع بدأت تتضبط لحد ما اضبطت تمام فرحت للميكانيكي قالي ده رواسب بنزين فغالبا الفلتر اكيد يهبقى فيه رواسب فهل الرواسب دي تضعف سحب العربية؟؟؟

وايه نوع منظف البنزين اللى اجيبه واستعمله واجيبه منين؟؟؟

ياريت الاجابة على السؤالين دول وشكرا جزيلا

بالنسبة لمنظف لرشاشات هتلاقية بيتباع فى البنزينة انا بجيبة من موبيل ب 22 جنية انت بس قول للراجل اللى فى البنزينة انا عاوز منظف رشاشات دة لو عربينك رشاشات اصلا وهو بيتحط كلة وتفول علية التانك ويا ريت بعدة تمشى مشوار طويل علشان يعمل مفعول سريع
موضوع الفلتر بقى ممكن تغيرة وتريح دماغك بواحد جديد

**eldeplomasy** · 03-05-2008 10:22 PM

طيب هل سدد فلتر البنزين بيضعف سحب العربية؟؟؟

**tutankhamoun** · 03-05-2008 10:27 PM

المشاركة الأصلية كتبت بواسطة eldeplomasy

طيب هل سدد فلتر البنزين بيضعف سحب العربية؟؟؟

طبعا ..... لأن البنزين مش بيوصل بالطريقة المثالية للمحرك
فبيقلل من كفاءة الحرق الداخلي و بالتالي من كفاءة المحرك نفسه

و لو عربيتك كاربراتير أو رشاشات
فأنتمحتاج الأول تجرب تنظف اللي عندك قبل ما تغير فلتر البنزين
لأني أعتقد إن فلتر البنزين غالي شوية

على العموم فيه منتج أنا جربته كتير جدا و هو أكثر من رائع مع الرشاشات و أسمه رابيدوا
و تقريبا ثمنه 6 جنيه مصري و هو موجود في كارفور و موجود في بعض البنزينات
و من فضلك لا تشتري الأمريكي .... لا تُشجع منتجاتهم
رابيدو ده مصري و نتائجة بجد مُبهرة لو مشكلتك في الرشاشات بس أو الكاربراتير بس
و لكن لو فلتر البنزين مُشترك معاهم يبقى لازم يتغير
بس الأول جدرب تنظف الرشاشات أو الكاربراتير أولا
و شكرا

**eldeplomasy** · 03-05-2008 10:31 PM

شكرا جزيلا للرد السريع ده

هي العربية رشاشات شاهين موديل 2006 وفلتر البنزين اعتقد انه مش غالي في حدود ال10 جنيه او 20 بالكتير وانا رايح بكرة التوكيل فغالبا هغيره وأرتاح

ولكن في منظف رشاشات ب22 جنيه في محطة موبيل مع العلم اني لفيت على رابيدو ملقتهوش فأجرب ده ولا ايه رأيكو؟؟؟