الموضوع: بتقولو عوامل الثبات طب خشوا وشوفوا اللوجان

ال rb احسن من اللوجان اكيد

بصراحة قسم اللوجان بقى كوميدي اوي اوي
ومقارنات ملهاش اي اساس من الصحة ههههههههههههههههههههههه

المشاركة الأصلية كتبت بواسطة عصام غنايم

+ كل اللى اتقال احب اوضح لسيادتك ان الاتنين عفشه متصله او قضيب التوائى ( اسوء انواع العفشه )



+ زياده فى عدم الأتزان

كل ما العربيه عليت كل ما بقى اتزانها وثباتها فى الضياع

وبصفه عامه فى اى عربيه كل ما مقدار الأرتفاع قرب من مقدار العرض كل ما العربيه تبقى فاشله وعرضه للأنقلاب على الملفات

زى اللوجان اللى فى الصوره دى

استاذ عصام غنايم
تحياتى ليك اولا
بعيدا عن موضوع elshaky لكن انا احب اعقب على المشاركه بتاعتك
انا برفض تماما اقارن عربيتين من فئتين مختلفتين وخصوصا لما الفرق يوصل ل 40 الف جنيه يعنى تمن عربيه تانيه
شركات العربييات مش عالم مسطوله يعنى عمر الرينو ماحتعمل عربيه ب 70 الف وتحطلك فيها امكانيات عربيه ب 110 الف
موضوع اتفاقية اغادير انا بدات اشك فيه لان لو اللوجان الabs رومانى فعلا يبقى احنا غير مستفيدين من الاتفاقيه نهائى لانها بتتباع ب 77 الف مع اير باج زياده وفرامل افضل وهما يستحقوا 6000 زياده بس انا اعتقد انها مغربى بمواصفات اوروبيه

انا لو اللوجان تخطت 80 الف جنيه اعتقد انى كنت حافكر الف مره قبل شرائها وكنت حاتجه لعربيه اخرى وده يوضح ان رينج اواسط السبعينات هو السعر العادل ليها وليس 90 او 100 الف

الصوره اللى حضرتك جايبها دية معرضه ليها اى عربيه اخرى لان كل عربيه لها حدود قصوى يجب عدم تخطيها ولها امكانيات محدوده حتى لو اغلى الماركات

اللى اقدر اكده وانا الحمد لله بسوق من 16 سنه لما بدات اتعلم السواقه وكنت بسوق على خفيف ساعتها لغاية لما اشتغلت فى شركة مقاولات بتاعت خالى ومن اخر سنة 2001 حتى اوائل 2006 عملت حوالى 500 الف كيلو بعربيات مختلفه منهم بيجو 405 وستروين اكسارا بعض الوقت على خفيف ومعظمهم كانوا مع عربيه نيسان بيك اب يابانى موديل 99 ودية عربيه مشفتش زيها بصراحه من النعومه رغم انها كانت نص نقل وبدون مبالغه كانت انعم من اللانوس واللوجان والتلات عربيات دول كانوا بتوع الشغل
ده غير اللانوس والفابيا بتوع قرايبى
يعنى سوقت كتير جدا وعندى خبره كويسه فى السواقه الحمد لله واعتقد ان نادرا لو لاقيت حد فى المنتدى عد الكيلو مترات دية فى السواقه زيى

يعنى الحمد لله اقدر احكم على العربيه كويس من مشيتها على الطريق كمان وانا وراها من غير مااسوقها

اللى اقدر اقوله من الموضوع ده ان اللوجان ثباتها افضل كتير من العربيات الكورى اللى فى نفس الفئه من غير ذكر اسماء
والثبات ده جربه فى الملفات وشوف ملفاتها عامله ازاى يعنى ماتجيش على طريق عدل وتجرى 180 والهوا معاك وتقول العربيه ثابته او شوف الغرز بتاعتها عامله ازاى برده غرز ديقه مش واسعه وعلى سرعات تخطتت 120 كيلو بس مش 180 طبعا
بس فعلا انا استغربت جدا من العربيه رغم ارتفاعها عن الارض الا ان ملفاتها ممتازه وده شىء يحسب لها
لكن اللى كانت افضل منهم ومن اللوجان كمان فى الثبات بمراحل هى السيتروين اكسارا والفابيا

تحياتى لك

بندهش جدا لما الاقي واحد داخل بيشكر في عربيتة والناس تهاجمة بالطريقة دي مع ان الراجل معابش في اي نوع اخر - السؤال هي الناس اللي بتدافع عن ال rb خايفة من اية يعني انا لو معايا اجيب ال rb اية اللي حيخليني افكر في اللوجان فالموضوع مايقلقش ان واحد يقارن مابين الاتنين - مع العلم ان انا مش مع مقارنة اللوجان باي عربية تانية اي كانت - وعلي فكرة العربية فعلا لو نزلت من غير جمارك كانت حتبقي اغلي وال 60 عربية اللي نزلو روماني او مغربي بمواصفات اوربي دي برضة معفية من الجمارك بالتفاق مع الشركة المغربية لسد حاجة السوق المصري

معفية من الجمارك...طب لو مش معفية كان سعرها 100 ولا 110.....يعنى بقت اغلى من الرينو سكالا وقربت تلطش فى اول فئة ستبترونيك فى الفلوانس...!!!!!!!!!!!!!!!!!!!!!!!!!؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرينو سكالا اعلى فئة ب 107
والفلوانس كانت 127 وغليت حاجة بسيطة

القول الفصل فى المقارنة أن اللوجان سيارة مناسبة جدا للسوق والطرق المصرية بالسعر ده لانه ببساطة سعرها أقل 40% من السعر الحقيقى لاى سيارة من نفس الفئة وهذا تطبيقا لاتفاقية أغادير بين مصر والمغرب وربنا يبارك لكل واحد فى عربيته ويرزقه خيرها ويكفيه شرها .. اللهم آميييييين