الموضوع: بتقولو عوامل الثبات طب خشوا وشوفوا اللوجان

المشاركة الأصلية كتبت بواسطة eng f3lix

انا اللي عايز افهمه ايه دخل اسم الموضوع بمضمون الموضوع؟؟

دة اللى بحاول اقولة من زمان... مش معنى ان الكتالوج فيه ارقام كويسة ان العربية تطلع كويسة... ببساطة الفرنا تككسب فى نظام التعليق الخلفى و اداء المحرك و هتحسسك ان اللوجان و اللانوس بالنسبة ليها اقفاص طماطم ... مع ان الاتنين ثباتهم احسن منها و لما تركب الاتنين و تسوقهم هتلاقى ان قوة موتور الفرنا نقمة مش نعمة لان فرامل و عفشة الفرنا مش على نفس مستوى اداء المحرك

معنى كدة ان مش كل رقم مكتوب فى ورقة بيعكس الواقع... الواقع محتاج تجربة عملية اما تاكد الكلام المكتوب او تهدمة تماما و للعلم انا من الناس اللى كانت متوقعة ان ثبات اللوجان يبقى وحش نتيجة ارتفاعها... و بعد تجربة عملية اكتشفت ان ثباتها و اتزانها هايل... فا لما حد يقول ان اللوجان فيها تورشن بيم فا اكيد ثباتها وحش اقولة اربها الاول و تعالى اتكلم

و على هامش التجربة دى: انا و صاحب العربية محتجناش نجيب بيها 180 ولا 190 عشان نعرف هى ثابتة ولا لا... لان اى شوال جوافة فى الفئة دى حيوصل ل180 مستريح و طول ما السير فى خط مستقيم حتلاقى العربية ثابتة... مهو مفيش حاجة اصلا تخل بثباتها و هى ماسية فى خط مستقيم... الثبات بيتقاس فى الملفات و المناورات العنيفة و الفرملة القوية... و الاختبار اللى عملناه لم نتجاوز فيه ال100 كيلو فى الساعة... دى بس معلومة عشان الناس متنخدعش لما تلاقى حد كاتب انه جاب سرعة عالية باى عربية و تعتقد ان دة مقياس للثبات

MMamdouh