انقذونى من عربيتى خدوها وادونى توك توك

**دموع الثلج** · 03-05-2008 04:21 PM

أما بالنسبة لموضوع ان حد ياخد عربيتك و يديكي بدالها توك توك ... فانا جاد و علي استعداد .. و حاجيبلك توك توك زيرو معلقش نمر .. ( لاحظي ان عربيتك مستعملة و مخبوطة ) .. و مش حنختلف في الفرق اللي حتدفعيه .. و عوضنا عليك يا رب

:) :) :)

[/quote]

مستعمله ايه انا لسا معملتش الفين كيلو حتى اما من ناحيه مخبوطه فى دى زود عليها شويه وقول مخبطه

ولو سعادتك جاهز انا عاوزه توك توك بنمر مكتوب عليها ايجار قانون جديد مش ملاكى :D:D:D

**HISHAM80** · 03-05-2008 04:23 PM

المشاركة الأصلية كتبت بواسطة tutankhamoun

أهلا بكم على متن عالم العجائب
السيرك القومي .... مدينة الملاهي المفتوحة
و سباقات سيارات التصادم
و الراجل اللي يطلع بعربيته سليمة
و تحيا جمهورية المهلبية .... و السَلطة ..... و البالوظة
يوجد في هذه المدينة الكبيرة للملاهي حوالي 80 مليون بهلوان :D
و حوالي 5 مليون متسابق سيارات تسابق
و اللي يسبق

:D :D :D :D
تعالي خشي الماتركس معايا .......... و كبري دماغك لغاية لما تتحل أو نموت أو نهرب من البلد دي
و أهو برضه في حل في الآخر :D :D

+1111111111111111111111111111111111111111111111111 11111
THE MATRIX

**اوان الورد** · 03-05-2008 05:25 PM

المشاركة الأصلية كتبت بواسطة Dr_Smart

قدر الله وماشاء فعل الواحد بيحاول يعمل اللي عليه ويتجنب اخطاء الغير واللي ربنا كاتبه هيحصل

بس بيني وبينك اللي يزعل ان ماحدش بيعترف بغلطه ويعتذر يقوم يهون عليك الخبطة وتقول معلش ولكن السياسه المتبعه هي البجاحه وخدوهم بالصوت قبل مايغلبوكو

++++++1

عليكي بالصدقة يا دموع والله هوه ده الحل وفداكي اي شيء تاني بس متكرهيش العربية ولا البشر ومش عارفة اقولك متكرهيهومش ازاي

بس هيه دي بلدنا ولازم نتأقلم ويارب تكون الخسائر على قد الفلوس وبس وربنا يستر علينا جميعا

**Hassan Khalil** · 03-05-2008 05:35 PM

مستعمله ايه انا لسا معملتش الفين كيلو حتى اما من ناحيه مخبوطه فى دى زود عليها شويه وقول مخبطه

ولو سعادتك جاهز انا عاوزه توك توك بنمر مكتوب عليها ايجار قانون جديد مش ملاكى :D:D:D

:) :) :)
ربنا يحفظهالك و يملاها لكي بركة .. و يفرحك بيها .. و تستعمليها في الخير دائما

**اوان الورد** · 03-05-2008 06:02 PM

المشاركة الأصلية كتبت بواسطة دموع الثلج

هى بئه نزلت هى وصاحبتها وبتقول ايه دى حد يعمل كده وصوتها عالى واحد واقف قالها انتى اللى غلطانه بتزعقى ليه قالت له لا انا مش غلطانه هى تمشى فى الشاارع من ورايا ليه وانا برجع بضهرى

حسبي الله ونعم الوكيل بجد اتنرفزت يا دموع معقولة بجد في ناس كدة ؟

مع العلم ان الشارع ده رئيسى المفروض يتقفل لحد ما ترجع بضهرها

ده اول رد ليه نزفزتنى نزلت لها بقولها الحل دلوئتى ايه من الاخر انا مليش نفس اتخانق اعتبرى العربيه دى مش بتاعتى ايجار لازم ترجع ذى ما كانت

قالت لى لا سورى بئه العربيه دى مش ايجار لوحه النمر مكتوب عليها ملاكى جيزه مش مكتوب عليها ايجار

لا وعاملة ناصحة كمان :D:D:D:D
إلا بجد يادموع هوه فعلا العربيات المتأجرة بيتكتب عليها متأجرة

انا اتخضيت من الثقه الجامده والذكاء النمر مش مكتوب عليها ايجار :D:D:D:D:D

لا حول ولا قوة الا بالله .. اللهم ارحمنا برحمتك يارب

**Ghamrawy** · 03-05-2008 10:42 PM

المشاركة الأصلية كتبت بواسطة دموع الثلج

هقولك كانت بتقول ايه
انا اول ما خبطتنى منزلتش من العربيه الناس فى الشارع اتلمت وكل واحد يبص على الخبطه ويعبر بوشه عن مدى الضرر طبعا انا قاعده بتابع تعبيرات وجوهم عشان اعرف حجم الاضرار قبل ما اتصدم

هى بئه نزلت هى وصاحبتها وبتقول ايه دى حد يعمل كده وصوتها عالى واحد واقف قالها انتى اللى غلطانه بتزعقى ليه قالت له لا انا مش غلطانه هى تمشى فى الشاارع من ورايا ليه وانا برجع بضهرى

مع العلم ان الشارع ده رئيسى المفروض يتقفل لحد ما ترجع بضهرها

ده اول رد ليه نزفزتنى نزلت لها بقولها الحل دلوئتى ايه من الاخر انا مليش نفس اتخانق اعتبرى العربيه دى مش بتاعتى ايجار لازم ترجع ذى ما كانت

قالت لى لا سورى بئه العربيه دى مش ايجار لوحه النمر مكتوب عليها ملاكى جيزه مش مكتوب عليها ايجار

انا اتخضيت من الثقه الجامده والذكاء النمر مش مكتوب عليها ايجار:D:D:D:D:D

لا حول ولا قوة الا بالله بجد بجد حاجة بقت تسد النفس عن الحياة كلها ايه الناس دى !!!؟؟ دول أكيد مش زينا دول من حتة تانية غير الارض دول من مقلب زبالة كبييييييييييييييييييييييي ر او شياطين فى صورة بشر .
كان الله فى عونك و نصيحتى ليكى اعملى تامين شامل على العربية بعد ما تصلحيها و لو عايزة اى مساعدة فى التأمين انا مراتى شغالة فى المجموعة العربية المصرية للتأمين فى اسكندرية و ممكن اخليها تعملك اقصى خصم ممكن ده لو تحبى تتعاملى مع الشركة دى و قريب ان شاء الله حاعمل عرض لكل المنتدى بس لسه بحاول اجيب حاجة كويسة تنفع الناس كلها .
حاجة اخيرة :كلام المخلوقة اللى خبطتك غاظنى بجد حاسس ان فى نار فى نفوخى
عاش عصر المهلبية فى جمهورية مصر البهية

**goodwave** · 04-05-2008 10:26 PM

قدر الله وما شاء فعل ده أولا
ثانيا ... صحصحي أوي كدة معايا وروشي وشك بشوية مية .... أيوة بصي حواليكي.... ايوة إنتي فيييييييين ؟ ..... في مصر ... صححححححح! براافو.... كسبتي معانا كتاب الحقيقة المرة وإللي بيقول....

طول ما إنتي ماية في الشارع حتشوفي حاجات غريبة وسيرك وحديقة الحيوان سايقين عربيات إلا من رحم ربي!

حتتخبطي ... عادي .... حتتحكي ... عادي .... حتقعي في حفرة .... عادي!

يبقى يا تمشيها عادي .... يا إما تدخلى الماتريكس وبلاش عربيات أحسن في البلد دية .... لأن عربية يعني حرقة دم! ما تتصوريش مدى السعادة لما أصحى بدري وأروح الشغل مواصلات :) يوم ما الميكروباص يبقى فية ناس خانقة ... بدخل في الماتريكس وأسرح مع نفسي ,اقول للي جنبي يفكرني في المحطة الفلانية.

نرجع للمفيد ...... الصدقة ثم الصدقة ثم الصدقة .... بنية المباركة في الرزق وفي السيارة ..... الصدقة على الأقارب والمعارف والبواب والسايس وإللي بيشوفك كل يوم.

دعاء الخروج من المنزل ودعاء الركوب والله الحافظ

**Noha.M** · 05-05-2008 08:54 AM

بجد يا دموووع على فكرة انا بعد ما جبت العربية و مشيت بيها و رخصتها اهو الحمد لله حسيت ان الحاجة الوحيدة اللى فعلا بتمنع الاذى و بتحفظك الصــــدقة بجد والله يا دموووع و عن تجربة

انا بجد و الحمد لله من ساعة ما جبت العربية و حاسة ان ربنا سترها معايا فى كذا موقف

بجد اى حد يشوف العربية بتاعتك سواء سايس او بواب او مثلا حد بيساعدكو فى شغل البيت اى حد بجد تصدقى ان شا الله بأقل حاجة

انا ساعات كان الشيطان يوزنى كدة و يقولى ايه الهبل دة كل الفلووووووس دى راحت على الناس كدة ! بس والله ما تنقص صدقة من مال و سبحان الله ربنا هيباركلك اكتر و اكتر فى مالك و عربيتك و فى كل حاجة

**crazylambada** · 05-05-2008 09:11 AM

ربنا معاكي بجد
بس الموقف خلص على ايه مقولتيش
و قوليلي عربيتك نوعها ايه
يمكن اشتريها منك و اجييبلك توك توك مكانها

**Karim_Monir** · 05-05-2008 11:21 AM

لا حول ولا قوة الا بالله
يا دموع كفاية دموع :)
معلش بقي انتى نزلتي المفرمة برجليكي ولا حد زقك وانتي مش واخدة باللك;)
دي بلدنا الرائعة:(
المهم هاقوللك زي ما قولت لاحمد جود ويف قبل كدة
انزلي عند الجزار الكويس مش تاخدي اي جثة من المشرحة:p
ونقي كام كيلو لحمة حلوين من حتت انتي بتحبي تاكلي منها شخصيا;)
وروحي البيت اسلقيهم وشوية رز حلوين وشوية عيش (وبلاش ابو شلن اللي محدش بيلاقية والناس تدعي عليك بدل ما يدعولك:p)
وتحطي قطعتنين لحمة مع شوية رز في الرغيف
شوفي انتي ساكنة فين واقرب منطقة فقيرة ليكي وانزلي وزعي بنفسك
بس اعملي احتياطاتك احسن تتاكلي انتي كما ومش بهرج يعني تفتحي الازاز ربع فتحة ورجلك ما تتشالش من على البنزين واقفلي المسوجر وكدة
وابداي بالسايس والبواب وعامل النضافة وماتخليش الشيطان يقعد يقولك ده ماشاليش الشنطة الاسبوع اللي فات وانا جاية
وده انا ناديت علية وماسمعنيش
كلللللللللله لله مش للبني ادام
وربنا يصلحلك حالك
-----------
محدش عنده تقفيصة حديد نص عمر احوط بيها العربية اصلها اتحكت للمرة ال 43 النهاردة