الموضوع: غبور اتصل بيا بخصوص الشكوى

المشاركة الأصلية كتبت بواسطة mohamed456

1- قطع الغيار انا رأى ان نعمل ذى دراسه او جدول بأسعار قطع الغيار ال موجوده فى فى سمارت و غبور و سونستا و تكون بالكود نمبر بتاع قطع الغيار نفس الصناعة ( اليابان ) و نقارن ما بنهم عشان عمو غبور مايخدناش فى الكلام

2- الخدمة لازم ان يكون كل حاجه مكتوبه فى الورق و مختومه ان ايه ال عملوا فى العربيه انا بالنسبه لى انا ماضى عقد 3 سنين سيرفس مجانى و مابخدش حاجة و لا ورق ولا اعرف ايه ال تم فى العربيه
لازم يعملوا كاميرات نشوف العربية و هيا بيتعمل ليها الصيانة
ساعات العمل بالصيانة لا تتعدى الساعة الواحد ذى توكيل تويتا فى السعودية
3- المبيعات و خدمه ما بعد البيع و الاكسسوارات تكون رخيصه فين الجى بى اس بالنسبه لى الهاى لين البلد مسموح بيها و احنا هنا لا !
- لازم نكون مجمعين كل المعلومات و نواجه عمو غبور عشان ما يثبتناش فى الكلام
ولا ايه رايكوا
و لو الحجات دى جاهزة نروح على طول

+++++11111111

المشاركة الأصلية كتبت بواسطة Thebutcherr

يا جدعان لازم نتقابل و نتمجلس سوا علشان نتفق و كلامنا يكون واحد و منظم ميكونش شكلنا و حش و اول مرة نشوف بعض هناك!!!!!!!!

+++++11111111
بس لازم قبل مانتقابل يكون جدول قطع الغيار اتعمل وجاهز ، أنا مستعد أعمله ويبقى shared مع كل الناس عن طريق google spreadsheet بس مش هاقد أبتدي أملاه قبل يوم الجمعة عشان مفحوووت في شغلي :((


الناس كلها تدخل على الجدول ده في مكان واحد ويشوفوه ويقولو رأيهم ونعدل فيه سوا (عشان يبقى التعديل في مكان واحد وميحصلش لخبطة) ولما يخلص نتقابل عشان نحط اللمسات النهائية ونقفل الطلبات بشكل محترف ومحترم ومن غير أي تجني على غبور


ربنا يوفقنا ان شاء الله للي فيه الخير

المشاركة الأصلية كتبت بواسطة thebutcherr

اتقلوا يا بشر احنا هنروح سوا بس لازم نتقابل و نتكلم قبلها ظبطوا بقى و انا معاكم فى اى حاجة

المشاركة الأصلية كتبت بواسطة levelpower

يالا يرجاله عايزين نتفق على مواضيع مهمه و نجمع اسعار من السوق و خبرات سابقه فى مراكز الخدمه ياعنى الراح غبور يقول ايه الكويس عنده و ايه الوحش علشان يبقى معانا ملف كامل نتكلم عنه

111111+++ فعلا موضوع الخبرات السابقة ده مهم جدا ومن غير تجني على غبور أو أي حد هناك من المهندسين او الفنيين ، المشاكل اللي حد لقاها يقولها ولو ماحصلش مشاكل ونفسه يلاقي حاجة أحسن بس مش موجودة يقولها ، مش لازم نتعامل مع غبور على اننا عايزين نشتكي منه وبس ، إحنا عايزين نحسسه اننا نفسنا يكبر ونكبر معاه بالمازدا في السوق ، مش هانكرهه لما نلاقيه بيعاملنا كويس ومظبط العربية كقطع غيار وخدمات أحنا هانرتاح ونتبسط وهو هايكسب والعربية هاتنتشر أكتر الموضوع مش خناقة قد ماهو رغبة لتحسين وضع العربية وسوقها عشان احنا كلنا تعبنا

المشاركة الأصلية كتبت بواسطة frozen_pain

طيب يبقى محور الكلام هيكون بالترتيب كالتالى

1- قطع الغيار ( ودى اللى بيهتم بيها اى عميل فى مصر لو لاقى ان قطع الغيار متوفرة واسعارها مناسبة اكيد العربية هيكون عليها اقبال)

2- الخدمة ( ودى شاملة مصاريف المصنعيات وجودة الخدمة نفسها)

3- مبيعات العربية ( يتهيالى يا محمد هيكون رده ان الموضوع ده خاص بادارة التسويق والبيع)

انا يتهيألى اننا لو ركزنا على اول نقطتين وححقنا فيهم اللى احنا عاوزينه اوتوماتيك هتلاقى النقطة رقم 3 اتظبطت واتعدلت وحدها

111111++++++

فعلا اول نفطتين ها يسمعوا في النقطة التالتة وششششششششش ولازم غبور يفهم كده

المشاركة الأصلية كتبت بواسطة frozen_pain

رجاء شخصى يا جماعة

ياريت فى نهاية كل يوم السادة الاعضاء يدخلوا يشوفوا ايه اللى حصل فى موضوع الشكوى علشان يبقى الكل عارف ايه اللى حصل ووصلنا لحد ايه ووقفنا لحد فين،،، ولو فى حاجة جديدة ولو صغيرة ياريت نكتبها. يمكن حد من غبور يتصل تانى بأى حد فينا نبقى عارفين كلنا احنا وصلنا ايه ويكون الرد جاهز فى اى وقت ويكون نفس الرد موجود عندنا كلنا.

وشكراً

111111111111+++++++++

السلام عليكم يا مازداوية

انا عملت الجدول على قد ماقدرت حاليا ، ياريت الناس تدخل عليه ويكتبوا الأسعار ويحدد هي القطعة دي في انهي مازدا ؟ الشكل القديم (2004-2009) ولا الجديد (2010-2011) ويكتب هو لقى السعر ده عند مين ؟ و ياريت أي حد كمان يكمل القائمة ، انا كتبت القطع اللي جت علي بالي وانا قاعد في الشغل ، مقدرتش اركز وأكمل اكتر من كده عشان بجد مفحووت في شغلي

ده الرابط :

https://spreadsheets.google.com/spre...wtMlE&hl=en_US

ياريت الناس كلها تشارك ، على فكرة الجدول ده دلوقتي معمول بحيث اي حد يدوس على الرابط يتفتحلوا ويكتب فيه ، لكن انا كنت أفضل لو الناس تبعتلي ايميلاتها في رسالة خاصة هنا عشان اخلي الجدول مقفول بس على الناس اللي نعرفهم عشان محدش من بره يلعب في الأسعار ومنبقاش عارفين مين اللي كتب الكلام ده ، قوليلي ايه رأيكم وانا معاكم

اشوفكم آخر اليوم ان شاء الله

انا يا باشا

المشاركة الأصلية كتبت بواسطة Frozen_Pain

يا جماعة احنا لازم نتفق على كلام واحد والكل يتمسك برأيه،،،، ولازم لم نروح هناك اكيد هنقابل ناس كتير معاهم مازدا نقولهم احنا بنعمل وهنعمل ايه

وكل ما يكون العدد كبير واحنا بنقابل مندوب غبور هيكون أحسن وهيعرف ان الموضوع مش سهل

لو حد قابل حد فى الشارع او وهو بيشترى قطع غيار يقوله ويعرفه ويحاول يخليه يجى المقابلة

على فكرة كمان المهندس رزق وانا بكلمه قولتله على المنتدى وقولتله ان الموضوع ابتدى من هنا من نايل موتورز اللى ليه الفضل بعد المولى عز وجل فى اللى احنا وصلنا ليه لان من غير نايل موتورز عمرنا ما كنا هنتجمع ابدا

والراجل عرض عليا انه يبقى موجود ويكون عضو فى المنتدى علشان يرد على اى اسئلة او شكوى

كمان قالى بخصوص الشكوى : واحد لسه مشترى العربية من 5 أيام ليه عامل شكوى
قولتله تضامناً معانا وحس انه هيقابل مشكلة فى شراء قطع الغيار
طبعا معرفش يرد عليا

انا نفسى اعرف من اللى مشترى العربية من 5 ايام وعمل معانا الشكوى والله راجل 10/10 وكفاءة

Tomorrow morning ISA i am going to Auto Gabour to make the 1000 Service to my new car
IF any one need any information for their please tell me
Also i need your points which i should take care from it during the service ?
waiting for your feedback and your advices