الموضوع: كيف تصبح مديرا مفتريا !!! نصايحكم !!!

سهلة جدا
أي ريبورت أو أي مذكرة خارجة من أحد الموظفين لازم تكون موقعة من حضرتك ده أول قرار
أي مذكرة أو ريبورت أو أي مستند لازم تعدلي فيه حتي و لو حاجة هايفة بس لازم كله يفهم أنك ليكي وجود
طبعا أجتماعات الساعة 7:30 الصبح و برضه أجتماع قبل ميعاد المرواح بربع ساعة
طبعا لو بتستعملوا الأميل يبقي كل يوم أميلات بواخة بلا حدود و دائما لا يعجبك أداء الموظفين حتي لو كانوا ممتازين و يا سلام لو شوية تهديدات بحركة أستبدال و أنهاء عقود القدامي نظرا لأنهم لم يتقدموا وظيفيا
لو عملتي ده بأتقان و تفان أضمن لكي أنك تأخدي المركز الأول في المدير الأكثر مكروها
و مبروك