سوال لولبى يا ولا د الحلال

**titofouda** · 13-07-2011 10:22 PM

المروحه لم تشتغل الموتور يرعش وساعات تبطل العربيه ده عيب ايه هوندا سيفيك كربيرتير 92

**titofouda** · 13-07-2011 10:24 PM

اقصد مروحه الردتير العربيه الموتور بيرعش اول لمه تشتغل ده عيب ايه

**Hamdy Masria** · 13-07-2011 10:33 PM

كهربة المكنة مش مظبوطة
روح لميكانيكى خلية يظبطلك الأسبراتير

**SAMEH_FOUAD** · 14-07-2011 02:57 AM

المشاركة الأصلية كتبت بواسطة titofouda

المروحه لم تشتغل الموتور يرعش وساعات تبطل العربيه ده عيب ايه هوندا سيفيك كربيرتير 92

1- اظبط الارضى بتاع المحرك

2- اكشف على الموبينة بتاعتك لان شكلها فيها حاجة مش مظبوطة

طيب معلش لما بتشغل النور بتعمل كدة برضة ؟؟؟؟؟؟؟

**SAMEH_FOUAD** · 14-07-2011 02:57 PM

ياباشا

دلوقتى حضرتك فى المشاركة الاولى قولت لما المروحة بتشتغل العربية بتبطل بس هو دة اللى حضرتك قولتة طيب دة معناة اية

ان فية حمل على الكهرباء بتاعة العربية والحمل دة لو كهرباء السيارة مش مظبوطة بتخلى فى رعشة بتحصل او عدد لفات الاربى ام يقل ودة بيبقى ناتج من :

1- ضعف فى الاسلاك بتاعة الارضى

2- ضعف فى الموبينة او الكابل بتاعها

3- ضعف فى البطارية او الدينامو

عشان كدة كنت عايز اعرف هل لما بتشغل النور كمان بتحس بنفس المشكلة ولا لأ لان دية كلها احمال على السيارة

عموما دلوقتى بالنسبة للاضافات الجديدة اللى حضرتك زودتها :

طيب ماهو طبيعى ان والماتور بارد تبقى الدنيا كويس لان المروحة مش هتشتغل غير وهو سخن بس

طيب وبالنسبة للبطارية عايز اسالك سؤال هو انت موصل اى وصلات خاصة بالمروحة معه البطارية ؟؟؟؟؟؟؟

اتاكد من كدة لان طالما البطارية الماء فيها بيغلى يبقى كدة عندك الكابل بتاع البطارية بيسخن جامد بسبب وجود تيار كهربائى عالى عند تشغيل المروحة

يبقى انا كدة عايزك تعمل الاتى :

1- تجرب الاول وماتور العربية لسة داير انك تفتح النور وتمشى بية وشوف هل هتحس بضعف فى الكهرباء ولا لأ

2- لو اجابة الخطوة الاولى جاءت ان مافيش مشكلة عند تشغيل النور مع السيارة يبقى كدة تكشف على كتاوت المروحة وتشوف هل ليها اى وصلات رايحة للبطارية مباشرة

وقولى اية النتيجة