الموضوع: و شهد شاهد من أهلها ..... شكرًا للمتظاهرين

المشاركة الأصلية كتبت بواسطة amahmed

حدث انفصال ما بين الميدان و ما يحدث في الغرف المكيفة
تركوا الناس في الميدان بين مشرد و مضرب علي وشك الموت ... ليبحثوا ليس عن تقسيم الكعكة بل اكلها كاملة بلا شريك
تعب الناس و عذابها في الميدان بيتسرق ... الموضوع بيزيد عن الحد حتي ينقلب الي الضد محققا اهداف الثورة المضادة التي يقودها النظام السابق العنيد

معلش أنا مش عارف قصدك على أي فترة .. يعني قصدك أول الثورة وبعد تنحي مبارك .. ولا في الأيام دي ؟!

المشاركة الأصلية كتبت بواسطة donzi

و الاغرب كمان ان نسبة كبيرة من الناس اللي في البيوت و اللي مالهومش علاقة بالنت - بناء عن تجربتي انا الشخصية يعني - مش راضيين عن اللي بيحصل و بيشجعوا الاستمرار في الثورة و شايفيين ان مفيش تغيير حصل و لازم المظاهرات تستمر لحد ما المطالب تتحقق

يعني جيراني و اهالي صحابي و اهلي انا شخصيا و ناس كتير من اللي مش ناشطين على النت يعني مش كل اللي في البيوت اغلبية صامتة ولا حزب كنبة ولا حاجة

يبقى في حد بيحاول يصور الثوار على انهم شوية العيال اللي فاكرين نفسهم فاهمين لوحدهم في حين ان باقي الشعب مش عاجبه اللي هما بيعملوه و دا طبعا مش صحيح

بالنسبة للي بيحصل حالياً في التحرير .. فالواحد واقع في حيرة كبيرة بين أمور كثيرة .. على سبيل المثال أنا قلبي مع اللي بيحصل في الميدان والضغط من أجل تحقيق أهداف الثورة كاملة .. وبين أن عقلي رافض قفل الميدان وتعطيل المصالح (ممكن تعتصم من غير ما حد ياخد عليك موقف أو يقول أنك بتعطل مصالح البلد "أه" .. لكن تقفل الميدان تماماً "لا") .

وكذلك بين إقالة عصام شرف (اللي مبشككش في وطنيته) والمجيء بحكومة جديدة كلياً .. وبين إعطاء عصام شرف فرصة بعد التعديل الوزاري المنتظر (وأنا ميال لهذا الرأي) لحين إجراء الانتخابات .

ويجب أن يكون كل ذلك مغلف في إطار الديمقراطية واحترام إرادة الناخبين في الاستفتاء الاخير وعدم التعدي على مبدأ الانتخابات أولاً (رغم أني أعطيت صوتي بـ "لا" في الاستفتاء ومن مؤيدي الدستور أولاً) .

ونفسي كل التيارات والاتجاهات السياسية تتناسى خلافاتها من أجل تحقيق أهداف الثورة أولاً .. حتى لا ينتهز أصحاب المصالح من النظام السابق هذه الخلافات ويفرض رأيه بشكل غير مباشر .