الموضوع: و شهد شاهد من أهلها ..... شكرًا للمتظاهرين

المشاركة الأصلية كتبت بواسطة ashturbo

في حاجة لاحظتها مؤخراً على عدد كبير من المواقع الأخبارية تحديداً اليوم السابع ومصراوي وبالأخص اليوم السابع لو حد لاحظ مدى كثافة التعليقات التي تهاجم الثورة والثوار سواء كمشاركين أو رموز هيحس أن في حاجة غير طبيعية وتقريباً اللجنة الأليكترونية للحزب الواطي بدأت تعمل وبقوة لأستغلال أنقلاب البعض ضد الثورة سواء لتوقف مصالحهم أو تضررها بشكل أو بآخر وبدأوا في أستخدام قوة الدفع البسيطة دي لأحداث قوة دفع كبيرة تعمل في أتجاه مهاجمة الثورة من ضمنها دعوات جمعة ميدان روكسي والمنشية بتاعة المصريين الصامتين اللي هينزلوا يضربوا أخوانهم وأخواتهم الأشرار اللي واقفين في الحر وفي نقحة الشمس بيغنوا وياكلوا كنتاكي .... حسبي الله ونعم الوكيل يارب أنا مش مسامح في حقي وحق أخواني ويوم القيامة هناخد حقنا منهم حسنات ونحط عليهم سيئات من شدة أحساسنا بالظلم وأتهامنا بالخيانة .

رصد | صحافة | الحزب الوطنى المنحل يعود على «تويتر»: هنا الصفحة الرسمية لـ«الفلول» #rnn

فوجئ المشتركون فى موقع «تويتر»، ظهر الأربعاء، باستئناف نشاط الحساب الرسمى للحزب الوطنى المنحل، الذى كان قد توقف عن العمل بعد انتهاء الانتخابات البرلمانية الأخيرة، قبل قيام ثورة 25 يناير.

قال المسؤول عن إدارة الحساب فى أولى رسائله منذ 5 ديسمبر الماضى: ...«نرحب بكم فى الصفحة الرسمية للفلول المحلولين وفى انتظار تواصلكم معنا»، قبل أن يواصل سخريته من الحزب الذى حكم مصر أكثر من 32 عاماً: «الحزب الوطنى المحلول يهنئكم بنجاح ثورتكم ويعدكم بأن يبذل قصارى جهده فى ركوبها قبل ما الإخوان هما اللى يركبوها».

واعتبر الحساب الرسمى للحزب الحاكم سابقاً أن سياساته كانت سبباً فى قيام الثورة «مش قولنا الحزب الوطنى فى مصلحتك.. أهو الثورة قامت بسببنا وطلعنا فعلاً (مفجرين ثورة التغيير) فى مصر»، مشيراً إلى إعادة تشغيل الموقع الإلكترونى للحزب قريباً، والذى كان قد اختفى بعد قيام الثورة. كما تعهد «الوطنى المنحل» بنقل أخبار قيادات النظام السابق فى سجن طرة، وتقديم نشرة إخبارية باسم «طرة الآن» على الموقع الجديد.

كان الحزب قد أنشأ حسابه على الموقع فى 10 يونيو من العام الماضى لنقل أخبار الحزب وفعالياته، وازداد نشاطه خلال الانتخابات البرلمانية التى كانت أحد أسباب اندلاع الثورة بسبب ما شابها من تزوير.

ومن بين المشاركات التى بثها الحزب على الموقع قبل قيام الثورة، خبر بعنوان «البرادعى والرقص مع الإخوان»، وتصريح لصفوت الشريف، أمين عام الحزب السابق المحبوس حالياً، يؤكد فيه أن «المصريين يزدادون تمسكاً بقيادة الرئيس مبارك»، وخبر يوم 28 نوفمبر الماضى يقول: «جماهير الحزب الوطنى فى مدينة نصر تهتف: زى ما قال الريس.. الحزب الوطنى كويس».

المشاركة الأصلية كتبت بواسطة skybird

اجمل شئ ان المعتصمين في التحرير وفي باقي الميادين من اقصى الصعيد الى الاسكندرية الى ميدان الحرية في العريش عندهم ايمان عميق ان استمرار اعتصامهم هو لتقوية سلطات رئيس الحكومة في مواجهة المجلس العسكري

و الحمد لله الواحد بقى يحس بكدا فعلا بعد تعيين نواب رئيس الوزراء
و مستنين التعديل عشان نطمن زيادة

iهتجينن و اعرف الفلول مش بترد ليه على المواضيع انهردة؟
مفيش نشكر المجلس العظيم الموقر انهردة , مفيش قناة التحرير خونة؟ مفيش فلوس تانى وصلت من امريكا؟؟؟
اى حاجة طيب زى احنا مع الثورة بس الخراب اللى البلد فيه انهردة بسبب ان اللى كانوا نزلوا التحرير يوم 25 الثوار و بعد كدا مشيوا و اسرائليين بيقبضوا من امريكا هما اللى نزلوا بعد ما مبارك مشى علشان يوقعوا بين الجيش و الشعب؟؟
فين الناس بتاعت انا نزلت من اول يوم 25 لحد 11 بعد كدا شايف اللى نزلوا دول حماس و ايران و امريكا و اسرائيل؟؟؟

نايمين انهردة و لا تعبوا بعد ما رجعوا من مليونية تاييد المجلس العسكرى؟