مؤشر البطاريه

**midonbtc** · 14-07-2011 05:20 PM

افيدونى بالله عليكم لان عندى مشكله مجننانى...مبدئيا انا عربيتى 2107 موديل 2008 عامله 30 الف كيلو اول ما بشغل العربيه وامشى بيها كدا حوالى ربع ساعه بتبقى زى الفل ومفيش اى مشاكل لكن بعد تقريبا الربع ساعه بلاقى العربيه تبدأ تبرجل لحد ما تكاد تكون هتطفى (والار بى ام بينزل على زيرو ) انا اعتقدت فى الاول انها مشكله كهرباء وجبت اسبراتير الكترونى وظبط الكربراتير ومفيش فايده المهم لاحظت ملاحظه من يومين انا ف اول ماشغل العربيه مؤشر البطاريه بيبقى على اول الاخضر ( بعيد عن الابيض ) لكن لما بمشى مده (حوالى ربع ساعه ) بلاقى مؤشر البطاريه فى النص (تقريبا على اول الابيض ) وعند النقطه دى تحديدا العربيه بتبرجل وتكاد تكون هتبطل لولا انى بلحقها...المهم انا قلت الدينامو يمكن يكون فيه مشكله قست شحن الدينامو لاقيته تقريبا 13 وداخل على 13 ونص ...عندى كمان لاحظت انى لما بدوس بنزين مؤشر البطارييه مش بيتحرك ( ناس قالولى المفروض لما تزود بنزين يتحرك لناحيه الامان )( مش عارف كل العربيات المفروض المؤشر يتحرك فيها ولا انا عندى مشكله فى عربيتى )ارجوكم افيدونى لانى هتجنن

**midonbtc** · 16-07-2011 09:38 PM

ايه ياجماعه هوه الموضوع صعب اوى كدا

**a7madramadan** · 17-07-2011 03:52 AM

انا هأقولك على مشكلة مشهورة ...... انت لو عربيتك بتعمل كده وانت مشغل التكييف فأنا مش هاقدر افيدك

أما لو بتعمل كده بدونه ... والله أعلم الموضوع متعلق بالدينامو لإن العربية من بعد ما بتشتغل بتعتمد على الدينامو للكهراء ...

أنا الصراحة مش عارف اييه رقم 13 ده ويدل على ايه تحديدا و الرقم السليم كام ...... بس أعتقد محتاج تقيسه عن حد مختص و اتأكد انه بيقيسه والبطارية مفصولة والله الموفق

**midonbtc** · 17-07-2011 10:09 AM

انا كنت متاكد انك انت اللى هترد عليا يا ديزل ...لانك ما شاء الله عليك مبتبخلش علىنا باى معلومه تعرفها ....مليون شكر ليك

**mrastra** · 17-07-2011 10:59 AM

السلام عليكم
شحن الدينامو فى جميع ظروف التشغيل وعلى اى ار بى ام يجب ان يكون حولين الـ 14 فولت
يعنى حضرتك الشحن بتاعك مظبوط جدا
لكن انا شاكك فى كتاوت الدينامو لانك بتقول بعد فترة بيلخبط العربية ومش بيتحول الى الامان لو هو كتاوت داخلى ( وانا متاكد من دة ) حاول تركب كتاوت خارجى بـ 18 جنية للتجربة مش اكتر وشوف الدنيا هاتعمل اية

**bassoma** · 17-07-2011 02:20 PM

باذن الله المشكلة فى كتاوت الدينامو لان كده الكهرباء بتخش عالية على البطارية وبتشحن بسرعة لازم تظبط الكتاوت وباذن الله الموضوع سهل (((( لازم تحل الموضوع بسرعه ))))

**a7madramadan** · 17-07-2011 04:45 PM

كلام الأستاذ mrastra منطقي جدا جدا و حاول تشوف الموضوع ده و يــارب تطلع مجرد كتاوت بس لإن تغييرها بسيط جدا ان شاء الله

**midonbtc** · 17-07-2011 05:11 PM

المشكله عندى ان الكتاوت داخلى لانى مغير الدينامو ومركب دينامو 90 امبير ....طيب لو اضطريت اغير الدينامو بواحد تانى 90 امبير برضوا ...دينامو اى نوع عربيه ويكون 90 امبير برضوا اللى يركب على الادا

**wolf2** · 17-07-2011 06:31 PM

يا سيدى ما تغيرش الدينامو ولا حاجه ده لو المشكله فى الكتاوت فعلا - بص اى كهربائى كويس يقدر يلغى الكتاوت الداخلى بتاعك و يحوله خارجى و ده حصل معايا شخصيا .

**SYD** · 17-07-2011 06:36 PM

المشاركة الأصلية كتبت بواسطة mrastra

السلام عليكم
شحن الدينامو فى جميع ظروف التشغيل وعلى اى ار بى ام يجب ان يكون حولين الـ 14 فولت
يعنى حضرتك الشحن بتاعك مظبوط جدا
لكن انا شاكك فى كتاوت الدينامو لانك بتقول بعد فترة بيلخبط العربية ومش بيتحول الى الامان لو هو كتاوت داخلى ( وانا متاكد من دة ) حاول تركب كتاوت خارجى بـ 18 جنية للتجربة مش اكتر وشوف الدنيا هاتعمل اية

1111111+

المشاركة الأصلية كتبت بواسطة midonbtc

المشكله عندى ان الكتاوت داخلى لانى مغير الدينامو ومركب دينامو 90 امبير ....طيب لو اضطريت اغير الدينامو بواحد تانى 90 امبير برضوا ...دينامو اى نوع عربيه ويكون 90 امبير برضوا اللى يركب على الادا

90 امبير كتيررررررررر اوي علي لادا
ال70 هيغرقها
دة المرسيدس يا راجل علي 70

المشاركة الأصلية كتبت بواسطة wolf2

يا سيدى ما تغيرش الدينامو ولا حاجه ده لو المشكله فى الكتاوت فعلا - بص اى كهربائى كويس يقدر يلغى الكتاوت الداخلى بتاعك و يحوله خارجى و ده حصل معايا شخصيا .

هات كتاوت خارجي وانشاء الله المشكلة هتتحل

والله المستعان
،
،