الموضوع: لصقور نيسان اخيرااا ... نتائج الاختبــارات الاولى لقيــادة نيـسان قاشقــاى

المشاركة الأصلية كتبت بواسطة samsong

الله ينور واحلي مافي التقرير انه من حبايبي الغالين احمد وحسين
متشكرررررررررررين ولو في فرصه لازم نجرب
بس حتة الموتور 7.5 علشان الاستجابه ولا السحب ولا التجميع
شكرا لكم

والله انت الغالى يا حاببنا .. وكان نفسنا تكون معانا يا كومندا .. ملحوقة .. لسه التيست لغاية اخر شهر 7 .. يمكن نلحق ناخد طلعة مع بعض

الماتور تجميعه محترم وعالى جدا والاستجابة بتعته وللفتيس كويسة .. لكن سحب العربية معجبنيش .. يمكن عشان اسباب كتير .. يمكن عشان مش متعود .. يمكن عشان العربية لسه الماتور متفتحش ومعداش الالف كيلو .. الله واعلم .. وده حيبان مع تجربة كذا مرة .. وحيبان مع الملاك اللى حيقتنوا العربية

المشاركة الأصلية كتبت بواسطة mohaismail

اخبار العزل بتاعها ايه ى جماعة
انتوا قلتوا لما تدور متسمعش صوت الماتور نهائى
ولكن
على الطريق العزل اخباره ايه ؟هل صوت الموتور مسموع على السرعات العالية؟
وهل صوت الطريق مسموع داخل الصالون ولا عزل الطريق بتاعها ظروفه ايه؟

احنا اتكلمنا فى موضوع العزل ده .. لما قولنا انك بتركب مش بتسمع دبة النملة بره .. ومش بتحس باى حاجة واكنك فى عالم اخر .. من الجمال ومن عزل الصوت .. فعلا رائع

وحسين بردوا اشار على موضوع صوت الماتور انه مش مزعج ابدا مع الحرق .. غير كدا مش حتسمعه وهادى

المشاركة الأصلية كتبت بواسطة darkmagician

اي الحلاوة دي يا احمد وانت يا بشمهندس حسن استفردتو بالبنت كده هي الصراحة مغرية

بجد تقرير حلو وفي بعض النقط عاوزة توضيح زي موضوع السحب والعفشة ياريت مثلا تقارنوه بعربية تانية تقولو مثلا السحب اقوى من كذا واقل من كذا

وسؤال ذكي معلش اللي كانت في معرض الفورميلا اللي هي 2000 سي سي حسب معلوماتي معقولة التست على 2000 سي سي ولا انا فاهم غلط

تسلم يا اوس اوس .. عقبال ما تستلم على خير يا حبيبى .. وتخلينى اجرب وافرتكها زى اللى فرتكناها فى الاختبار

موضوع مقارنتها بعربية اخرى .. بصراحة مش بحب ادخل فى المقارانات دى .. بحب اتكلم على العربية اللى راكبها .. عشان معملش مشكلة واعطى انطباع خاطى على عربية اخرى تزعل ملاكها منى

وكمان بردوا كل عربية وختلفة عن الاخرى .. وزن وماتور وعفشة وغيره وغيره من اعتبارات مهمة بتفرق من عربية الى عربية

بس فى الاجمالى العام .. اقدر اقولك ان الحاج حينبسط منها جدا
وسلام كبير جدا للحاج .. وان شاء الله اكون معاكم لما تيجوا تستلموا العربية .. عشان فى الاول اشوف الحاج واتعرف عليه .. وبعد كدا عشان اشوفك .. وبعد كدا عشان اشوف العروسة القاشقاى وانتوا بتستلموا .. واعملكم تقرير عنها

المشاركة الأصلية كتبت بواسطة yassal

ما شاء الله لاقوة الا بالله - طبعا مش عارف أشكركم ازاى؟ مفيش كلام ان أبو حميد كان أول من تأثرت بتقريره المثبت بالقسم عن القشقوشة - وطبعا بعد الشرح المستفيض اللى فى التقرير الأول والتانى وقرائتى لعدة تقارير عن تلك السيارة من خلال مواقع مختلفة عالانترنت وبعد الاستخارة طبعا قررت باذن الله حجز السيارة فى الأسبوع القادم خلال تواجدى فى مصر - وطبعا بعد شرح تجربة القيادة من خبراء النيسان سواء الأخ أحمد أو الأخ حسين تأكد لدى الأحساس بأن السيارة تعتبر فى فئتها السعرية الأفضل كسيارة عائلية مناسبة لشوارع مصر المحروسة ناهيك عن اتقان التقفيل الانجليزى وابداع اليابانيين فى صناعة السيارات - ولكن لى عدة استفسارات أرجو الاجابة عليها:
1- هل معنى أن تقييم الموتور 7.5 يعنى أن ماتور السيارة ضعيف بالنسبة لحجمها أم أن ذلك راجع الى كونها فى فترة التليين والتى عادة لاتعطى تقييما حقيقيا لعزم الموتور؟

بالظبط زى ما حضرتك قولت .. صعب احكم على عربية لسه جديدة بشوكها ..
وكمان العربية ماتورها قوى ورائع ..
بص انا بالنسبالى .. مش فارق معايا قصة السحب .. لانها بتجرى .. بس انا ذكرتها عشان الناس المجنونة فى السواقة والجرى والحرق .. اللى بيفرق معاها الثانية
وبعدين كمان متنساش التعود مهم جدا فى مع العربية .. وخصوصا لو كنت راكن عربيتك ونزلت غيرت لعربية تانية مختلفة .. فلازم بيكون فى تعود .. وروحوا الاختبار وقيموا .. واكيد حيكون مختلف عنا

2-هل مرايات السيارة الجانبية (يمين وشمال) تميل الى أسفل أثناء اعطاء الغيار الخلفى للرجوع بالسيارة لأعطاء السائق الفرصة كاملة لكشف الطريق أثناء الرجوع بالسيارة؟

اعتقد لا .. وبنسبة كبيرة .. وممكن حسين يقولك .. لانه هو اللى ركنها

3-هل السماعات المزودة فى السيارة ذات جودة نقاء عالية فى الصوت وما نوع وحدة تشغيل الكاسيت الموجودة بالسيارة؟

ممتازة السماعات وجودتها .. وموضوع الكاسيت والله ما دققت في ماركته .. والكاسيت اللى فى العربية وبيتعمل عليها التيست الكاسيت اللى مش حيكون فى العربية .. والكاسيت اللى بينزل فى العربية نفس كاسيت التيدا .. وكمان انا مصوره فى التقرير .. ومش مكتوب عليه ماركة
وكل كاسيت سيارات نيسان محترم جدا

4-هل الكنبة الخلفية بالسيارة قابلة للطى تماما؟ أم أنها قابلة للطى بزاوية معينة؟

بتتقسم تلت وتلتين

5-هل استبن السيارة مثبت داخل الشنطة الخلفية؟ أم أنه مثبت تحت السيارة من الخلف؟

مثبت داخل الشنطة

6-هل القفل الخاص بأبواب السيارة الأربعة (اللوك) يعمل تلقائيا بمجرد وصول سرعة السيارة لسرعة معينة؟ أم لابد من الضغط على المفتاح الخاص به من قبل سائق السيارة؟

انا ماشى بالعربية القفل المركزى قفل لوحده
بس مش فاكر قفل لوحده عشان وصلت الى سرعة 40 مثل ولا كنت ضربت فرامل

اصل اهتميت بحاجات اهم من كدا .. وكنت بضرب فرامل كتير وبجرب حاجات اهم لان كانت المسافة قصيرة اللى مشينا فيها

وطبعا لسة فيه أسئلة تانية كتير لأن فعلا السيارة تستحق الاهتمام - وأسف للاطالة - وأخيرا وليس آخرا - كل الاحترام والتقدير لأسود النيسان الأخ أحمد والأخ حسين - والسلام ختام