الموضوع: لصقور نيسان اخيرااا ... نتائج الاختبــارات الاولى لقيــادة نيـسان قاشقــاى

عقبال ما ابو حميد يجي ........ هههههههه
ربنا يعينه ... منفوخ في شغله حبتين تلاته :))))
العربية جميلة جدا واعتقد علي قد سعرها بالظبط والتكييف والسقف وكماليات كتير موجوده في عربيات نفس الفئة موضوع علوها عن الارض ده اول حسنه لعربية زي ديه .
بس موضوع الموتور عايزين نطمن عليه شويه ... لاني حاسس انها تقيلة عليه فعلا ... وممكن علي الظروف اللي قلنا عليها.
بس القعده فيها ممتعه والبانوراما فعلا ..... رااااائعه بجد :))

المشاركة الأصلية كتبت بواسطة mema75

عملوها الصقور ياريتني كنت معاهم
تسلم يا احمد باشا وربنا يجعله في ميزان حسناتك كل المجهود اللي بتعملوا علشان المنتدي ( مع اني عارف انك روحت المشوار بتاع القشقاى ده ليك اولا ولينا ثانيا )
كان نفسي اكون معاكم لكن الحمد لله
كام سوؤال علي الماشي
هو انت ايه انطباعك العام عن العربيه بعد لما ركبتها مقارنة بعربيات اخرى ؟
واخبار الماتور ايه لان سمعت ان صوته عالى ومش قوى
طبعا من حق أ\ حسين انه يجاوب هههههههههه
الف شكر لمجهودكم انتو الاثنين
مصطفي

والله ياريتك كنت معانا يا مصطفى فعلا .. كنت نورتنا بجد

والله سبب عمل التيست دريف فى الاول وفى الاخر عشانكم

انطباعى عن العربية

انا ذكرته فى التقييم .. وعن اقتناع جدا .. ومذكور فى التقييم فى اول الموضوع

لان العربية بالنسبالى ممتازة واعطيها جيد جدا..

وعمرى ما بحب اقارن عربية جديدة بركبها باى عربية تانية كنت سايقها
لان عارف ان كل عربية ليها ابعاد ومواصفات مختلفة

والعربية دى مينفعش اقارنها بعربية اخرى .. لان بسمع مقارنتها بعربيات تانية زى الاوكتفيا والجيتا والهوندا والشارك والصنى والسيراتو وحتى التيدا اللى نفس ماتورها

العربية دى مختلفة عن كل دول لاسباب

لانها عربية كروس اوفر .. ومرتفعة عن الارض .. واتقل منهم .. فمينفعش اقارن بينها وبين العربيات دول

غير كدا بردوا انا شايف ان فتحة السقف البانوراما ممكن تعجبنى وممكن مش تعجب غيرى .. لكن انا لما قولت انها حلوة .. بصيت بعين الشارى .. اللى حتكون معاه العربية لفترة كبيرة .. لانها جميلة فعلا وحينبسط منها

وتقفيل العربية ممتاز .. والخامات اللى فى الصالون اعطيها جيد جدا فى خاماتها .. وكلامى قصده على العربية اللى واقفها فى المعرض وحتتباع فى مصر .. لان العربية اللى فى التيست دريف وموجودة فى جراج كارفور مش هى دى اللى حتتباع لينا .. ماتورها اه زى اللى حتتباع فى مصر .. لكن خامتها افضل من اللى حتتباع هنا .. بس مش افضل اوى .. عشان انا عارف الناس حتمسك فى كلامى هههه ..
والحمد لله ان الواحد كان مركز جدا فى النقطة دى .. ويمكن مش اى حد ياخد باله منها ومن الفرق

وموضوع الماتور اللى اشارت عليه انا وحسين .. ده انا متاكد من ان العربية دى حتى لو عملت 2000 كيلو الا وانها لسه مدخلتش على مركز صيانة عشان تتظبط .. لانى متاكد وعلى يقين .. من المهندسين اللى سالتهم ان العربية اللى بتتجرب فى حاجة غلط فيها .. ومحتاجة تتظبط الحساسات فيها .. لان الاربى ام المرتفع فيها ده اكيد ناتج عن ان حساس الايدل والبوابة عاوزين يتظبطوا .. وتتظبط دواسة البنزين مع البوابة .. ده كان كلام مهندس ومدير الورشة فى السبع لما حكتله
وطمنى قالى العربية ناس اشتروها وبيشكروا فيها جدا ..

وانا حاول ابلغ الناس فى التيست دريف .. يمكن يودوها مودرن جنبيهم .. ويظبطوا الامور دى .. ونجربها تانى ونتاكد
لان طبعا الناس لما بتجرب العربية لو لقت ان فى كرسى بيتحرك ومش مربوط بيخده انطباع سيئ على العربية وبيفتكروا ان العربية كدا

وبخصوص صوت الماتور .. زى ما وضحت والله .. بالنسبالى .. كان مسموع مع الحرق .. بس مش بازعاج ابدا .. وكنت طافى التكييف .. وجربت وانا مشغل التكيف .. وطبعا كنت قافل الزجاج .. عشان لما تختبر صوت الماتور لازم تكون قافل الزجاج وتشوف العزل والصوت وصلك ولالا مع صوت الطريق والدوشة بره .. وكل ده مكنتش سمعه فعلا

وصوت الطريق بردوا مكنتش سمعه .. وكنت كاشف السقف البانورما .. وكمان قفلته عشان اتاكد اكتر .. ولقيته تمام

ومسمعتش اى صوت صادر من العربية ابدا .. لانى كنت مركز جداااا

فده تقيمى ليها مع تقيمى اللى فى اول الصفحة

ولسه حجرب تانى الاسبوع الجديد ده بس لما اكلمهم على موضوع الماتور

المشاركة الأصلية كتبت بواسطة yassal

بينى وبينك كفاية فعلا عليها موضوع البانوراما ده وأنها عالية عالأرض يعنى أنا كنت ناوى فى الأول على الهوندا السيفيك أو الجيتا بس طبعا اللى خلانى أرجع فى كلامى أنهم واطيين عالأرض برغم ان مفيش فيهم عيب غير كده لاكن دلوقتى ربنا يخليلنا القاشقاى

---------------
الكتابة باللون الاحمر مخالف لقواعد المنتدى ,لانه مخصص للمداخلات الادارية

يرجى مراجعة قواعد وقوانين المنتدى

مشرف القسم

15ب

مينفعش اقارن القاشقاى بالعربيات اللى حضرتك قولت عليها .. لان كل عربية وليها مواصفات خاصة .. من حسيث الابعاد الوزن والارتفاع والتصميم

لان دى عربية كروس اوفر زى ما وضحت قبل كدا

وكمان البانوراما ممكن تعجبنى ومتعجبش غيرى .. بس اكيد حتعجب كل اللى عاوزين يقتنوا العربية على الاقل حتعجب حوالى 80% منهم

المشاركة الأصلية كتبت بواسطة khaled_afandy

هو قطع الغيار أخبارها أيه؟
العربية دى ممتازة و شوفتها فى أوروبا و أبنهرت بيها بس خايف ما تمشيش كويس فى سوقنا العظيم الممجد للكورى
هل يمكن طلب سيارة بها تجهيزات 6 ايرباج و الآ ده مش موجود اصلا حتى فى انجلترا؟

تجهيز العربية ب6 ايرباجز .. اولا حيكون تكلفة ازيد بكتير عن تمنها طبعا .. ثانيا ده لازم بالاتفاق مع نيسان طبعا

المشاركة الأصلية كتبت بواسطة yassal

أولا قطع الغيار من حقك تكون مقلق منها علشان العربية لسة جديدة فى السوق المصرى وده طبعا محتاج تطمينات من نيسان مصر
ثانيا بينى وبينك لو انت مقتنع بيها زيي ومش ناوى تبيع قريب هاتها على طول ولما تبقع العربية مش منتشرة كتير ده أعتقد تبقى ميزة مش عيب
ثالثا موضوع ال 6 اير باج ده محتاج ترجع فيه لنيسان مصر نفسها

قطع الغيار متقلقش عليها .. لانها نفس قطع غيار التيدا .. ومع الانتشار باذن الله حتتوافر فى الاسواق

بس نصيحة لاى عربية عاوز تحافظ عليها .. اشترى دايما الاصلى فى قطع الغيار وركبها .. لانها تفرق جدا فى المحافظة على عمر العربية وباقى قطع الغيار الاخرى المرتبطة بتغير القطعة اللى بتغيرها

ولو عايز توفر .. اشترى قطع الغيار الاصلية من منافذ البيع الاصلية .. وغيرها عند اى ميكانيكى