الموضوع: لصقور نيسان اخيرااا ... نتائج الاختبــارات الاولى لقيــادة نيـسان قاشقــاى

المشاركة الأصلية كتبت بواسطة fbiahmed

اوعا تكون بتجيب زيت برده

ياراجل حرام عليك - دى سيارة المفروض بنت ناس ومحترمة (بنت عز يعنى)

المشاركة الأصلية كتبت بواسطة SonaSteel

السلام عليكم
صباح الفل يا احلي واحب صقور الي قلبي :))
بالنسبة للمارشيدير .... هو انا مركزتش معاه ... بس لو كان تقيل زي ماقلتكم نفس تقل نقل الغيار من التالت الي التاني ... اكيد كنت هاخد بالي
*انا مش عارف ليه بصراحة الحركة ديه ... بس أ/عبد الخالق قالي علشان عزم الفتيس
بس بصراحة ... هي اللي صبرتني علي سواقة المانيوال ... انا عرفت ازاي ان ممكن حد يشتري عربية بملايين مانيوال
اتار المانيوال بيختلف برده
يعني شوفوا الفتيس مفيش 5 سم وياخد الغيار التاني ... وغياراته سهله ... ده غير الدبرياج اللي لسه مش مصدقه لغاية دلقوتي
وبحاول اوصل للحل ده في الصني ... يمكن نوع الزيت المستخدم في الدبرياج مستورد ولا حاجة ومخفف الدبرياج كده .. كله ممكن.
بالنسبة للمرايات .... انا ملاحظتش انها بتميل .... يمكن علشان الركنة علي طريق مستوي ومحتاجتش انها تميل.
بس تصدقوا بالله انا اول مره اعرف الحركة ديه ههههههه .... والله انا بقيت اسمع العجب :))))
وبالنسبة للعربية اللي بنعمل عليها تيست درايف انها 1600 برده لما سمعت انها كانت في الفورميلا .. سألأت ا/عبد الخالق قالي مينفعش تجرب علي عربية غير اللي هاتشتريها .

ياباشا مش عارفين نودى جمايك دى فين؟ ربنا يجعله فى ميزان حسناتك - بس ياعم هوة انت لما روحت تجربها كنت مزوغ من الشغل ولا ايه؟ وبعدين سمعنا انك مسكت البنية فرمتها تحت ايدك - حرام عليك ياشيخ - ان معندكشى رحمة :)))) - عايز أسألك انت برضه حسيت ببطء سحب العربية ولا كانت كويسة بالنسبة خصوصا برضه ان حجمها كبير؟

المشاركة الأصلية كتبت بواسطة sedyrohy

مجهود رائع و جبار
في انتظار المزيد

و هل السعر مناسب للعربيه ولا لأأأأ

أعتقد فى رأيي المتواضع أنها كسعر أحسن من عربيات كتيييييييير فى نفس الفئة السعرية - انت بس أدعى انها متغلاش

المشاركة الأصلية كتبت بواسطة SonaSteel

ههههههههههههههههه ....... ساعتها كان عندي شغل في القرية الذكية ومكانش معايا العربية
وكان نفسي اخد القشقاي واورح ... او اطلع غلي في اي عربية وخلاااص :))))
بص هو بالنسبة للسحب في حاجة مش مريحاني .... يعني علي التالت مثلا الاقي الار بي ام وصل 4000 والعربية صوتها لسه مش باين برده .. بس ده مش سحب عربية 1600 علي الغيار الثالث
مش زي الصني مثلا .... الصني ..توصل بالتالت ده لغاية 100 مثلا والار بي ام يكون 4 او 4.5 ...مش فاكر والله
يمكن لانها لسه ملينتش او العربية ديه فار تجارب
بس كجري وكبس الماتور بيتأخر شويه وده كان رأي احمد برده
وهو فعلا حجمها كبير ... يعني وزنها زياده عن وزن التيدا بتاع 300 كجم ... ونفس ماتور التيدا
فا اكيد هايبقي في فرق.
وان شاء الله لما تنزل تلحق تعمل تيست درايف قبليها او علي الاقل تطلب منهم .... ده مبلغ مش قليل
وتستلم علي خير ان شاء الله.
بالنسبة لسؤالك علي الفرامل ... انا محاولتش اوقفها مرة واحده واجرب الاabs لان الدنيا كانت ليلت ... والطريق غبي اصلا والعربيات تريلات رايحة جاية ... انا كنت مقلق برده :)))

طبعا ياباشا ان شاء الله لازم الواحد يجربها قبل ما يشتريها - وأكيد ده مش مبلغ قليل - وطبيعى ان العربية تكون أتقل شوية فى السحب من التيدا أو الصنى - متنساش ان حجمها كبير وأكيد الشاسية أتقل - أنا نسيت أسألك ياباشا عن مفتحها - هوة مكتوب مفتاح ذكى وفيه بصمه - ده معناه انك مجرد متقرب من العربية والمفتاح فى جيبك تفتح لوحدها؟ طيب ولما تيجى تشغلها برضه بالمفتاح ولا فيها زرار تشغيل (من غير مفتاح)؟ والمهم طمنى على احساسك بالمطبات فيها؟ أنا متخيل علشان العربيى عالية عن الأرض فبتحس بالمطبات أكتر - هل ده صحيح لما جربتها ولا لأ؟ وجزاك الله كل خير على تعبك معانا - والحساب يجمع وكله عالنوتة