مسلم
........................
بجد انا فعلا بحترم البرادعي ، في حين إن المُرشحين للرئاسة كلهم عمالين يطلعوا فى القنوات ويعرضوا جدولهم الإنتخابي ، كان هو الوحيد اللى بيشوف حل لأزمة الدستور أولا أم الإنتخابات أولا عن طريق التواصل لصيغة توافقية مبدأية لبعض المبادئ
فى حين إن الكل عمال يتناحر على الشاشات وكل واحد عايز يقفذ على الكرسي هو الوحيد اللى طالب بوقف الدعاية الإنتخابية علشان أوضاع البلد
لما كان مفيش قوة سياسية بترضى تتعامل مع الأخوان هو الوحيد اللى عمل تحالف (يضم الجميع)
لما بدأت أزمة السلفيين (هجوم الناس على السلفيين) برضوا الوحيد اللى قال لازم يبقى في تحاور
وده مش تفضل منة ولا منة ، ده واجب علية كفرد مؤثر فى المجتمع ، فحتى لو حد مُختلف معاه فى حاجه ، مش معنى كده الهجوم على أى موقف أو عمل وخلاص كده
يعني زيارة الإخوان سواء كانت للتوافق أو للتحالف أو بأى شكل كانت ، أكيد فيها مصلحة للطرفين ولمصر ، وفرصة لتقارب وجهات النظر والإتفاق على نقاط كتير تسهل على ناس كتير ، لية بقى الهجوم عليها وخلاص ، بجد أكبروا بقى شوية
بجد بحث إن فى ناس بتحاول تتصيد الأخطاء وبتحاول تشوة صورة مُرشح لحساب مُرشح آخر ، عموما ربنا يولي مصر الأصلح بس أفكركم بالآية الكريمة
{يا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ}
المفضلات