الموضوع: مليونية 29 يوليو - ة الدفاع عن الهوية والإرادة الشعبية

الفرق مش فى اسباب الدعوه للمليونيه
الفرق فى من وجهوا الدعوه للمليونيه

المشاركة الأصلية كتبت بواسطة mik_t4

ااااااااة قولو كدا
انتو اترعبتم من الوثيقة الي هتحافظ علي حقوق كل المصريين وعايزين تستفردو بالدستور لوحدكم من غير اي حد ما يشاركم
مصر مش ليكم لوحدكم
مصر لكل المصريين مش للاسلاميين والاخوان والسلفيين بس
وبعدين اخر جملة الي انت قلتها دي تتطبق علي الاسلاميين
انتم عايزين ديمقراطية تمسكم الحكم وبعد\ كدا مفيش ديمقراطية
وزي ما قال محمد الشحات بالحرف كدا لا يوجد في الاسلام تداول للسلطة
وياريت تقولي الوثيقة دي هتضر مين غيركم؟؟؟؟؟
او اقصد مش من مصلحة مي غيركم
مش من مصلحتكم لانها هتخلي كل طوائف الشعب متساوية في لالحقوق
عكس ما انتم عايزين
عشان كدا عايزين مليونية

للاسف اسلوبك سئ في النقاش جدا بس هارد عليك

بالنسبه للوثيقه انا مش عارف جبت منين كلمه اترعبتم دي بس واضح ان عندك لبس في الموضوع
المجلس العسكري قال انه هايعمل لجنه حاكمه للجنه الدستور يعني مش للدستور ذات نفسه كون بقى العلمانين و الليبراليين يحوروا الكلام على مزاجهم عشان يعملوا بلبله و يزيدوا الطين بله فدي مشكلتهم هما

و بعدين يا محترم
الشريعه الاسلاميه هي الانسب لحكم المسلمين و غير المسلمين كمان صدق اولا تصدق

و يعدين مين محمد الشحات ده

و بعدين انت زعلان ليه هوه مش اللى عايز ينزل الميدان بينزل و يتظاهر و يعتصم حتى براحته ولا هوه وحش للمسلمين اللى هما تقريبا 95% من المصريين

المشاركة الأصلية كتبت بواسطة dreslam

ممكن حد يجاوبني يعني ايه مسلم مسلم؟؟؟

لم افهم السؤال ممكن توضح

المشاركة الأصلية كتبت بواسطة ashturbo

ياريت النقاش ياحضرات يبقى بصورة هادئة وحضارية علشان نستفاد كلنا والصورة تبقى واضحة لينا وللي بيقرأ كلامنا ....

السادة الأفاضل دجوار ( لو نطقته صح ) وأبو معاذ حضراتكم مردتوش على كلامي أنا بسأل سؤال: الجمعة اللي فاتت واللي قبلها واللي قبلها مكانش فيهم حاجة أسمها الدستور أولاً يعني مفيش حد نزل التحرير علشان يقول الدستور أولاً كل التيارات السياسية على مختلف أنتمائتها قالت مصر أولاً والثورة أولاُ بالأضافة الى التطهير ومحاكمة مبارك ومحاكمة الفاسدين وتغيير الحكومة لحكومة أفضل والحمد لله جزء من هذه المطالب دي في طريقها للتحقق بسبب ضغوط المصريين في ميدان التحرير .......

الجمعة اللي تم الدعوة أليها تدعو الى التطهير والدفاع عن الهوية والأرادة الشعبية ... طيب ماكل اللي في ميدان التحرير عاوزين تطهير ودفاع عن الأسلام والهوية الأسلامية ( بما فيهم المسيحيين ) يبقى ليه تشقوا الصف وتمتنعوا عن التظاهر زي ماحصل قبل كدة ثم تدعوا للحشد والتظاهر بمفردكم مش كلنا مصريين وكلنا في مركب واحد وعاوزين المركب ده يوصل لبر الأمان ولا كل واحد هيقول يلا نفسي ؟

اكيد الدعوه للتظاهرات دي مش خاصه بالاسلاميين بس دي لكل الشعب وبعدين اللى بيشق الصف اللى بيحاول يلتف على مطالب الشعب و اللى بيحاول يظهر فئه عريضه من الشعب على انهم البعبع اللى هايسرق الثوره و ده طبعا مش صحيح

ياسادة التيارات الأسلامية أختارت طريقاً منفصلاً تماماً يخدم مصالحها وأهدافها مهما كانت الطريقة والوسيلة التي سوف يتبعونها لتحقيق هذا الهدف وهو هدف واضح ومشروع ولكن بما أنهم يطالبون بحكم الأسلام وتطبيق شرع الله فالغاية هنا لا تبرر الوسيلة ولنا في ذلك قصص وحكايات وفيديوهات معروفة للجميع عن الكذب والأفتراء والتضليل الذي أستخدم بأسم الدين من أجل تحقيق مطالب سياسية ودنيوية .... وقبل أن يصنفني أحد بأني أخاف من تطبيق الشريعة الأسلامية أحب أوضح أني ممن يتمنون أن تطبق الشريعة الأسلامية في مصر فهي سبيل الأمن بأذن الله ولكن مايحدث الآن هو بعيد كل البعد عن الدين والشريعة الأسلامية وقريب الى لعبة السياسة القذرة التي تستحوذ على العقول والقلوب .

كلامك في ظاهره صحيح
لكن اللى حصل ان التيارات الاسلاميه كانت بتبتعد عن كل مافيه احتمالات للالتفاف على مطالب الشعب و الاستفتاء
بس بالرغم من ده محدش طلع قال محدش ينزل في اي يوم قبل كده

أمتنع عن النقاش لفترة لأن عندي مشوار وأستكمل الحديث مع حضراتكم لاحقاً ... دمتم بود .

المشاركة الأصلية كتبت بواسطة wesam_salom

الفرق مش فى اسباب الدعوه للمليونيه
الفرق فى من وجهوا الدعوه للمليونيه

ايه الفرق مش دول مصريين برضه