الموضوع: ماذا تفعل لو كنت مكانى؟؟ a5 إليجانس و لا ميجان؟.....

علشان تشيل الأوكتافيا من تفكيرك...قضى معاها يوم و لا 2 ...هاتوحشك ميجى و ركوبتها ...و تبقى نزوة و عدت :)

أستاذ هانى....وحشنى فعلا أنت و كل وحوش الميجان الجدعان....إحنا فعلا عمرنا ما إتقابلنا....لكنكم فعلا أصدقاء بجد....أنا بشكركم كلكم جدا على روحكم الحلوة دى...و فعلا قسم رينو من أنشط الأقسام بيكم.....و على طول بلاقى الرد الأمين منكم...ربنا دايما يخليكم للمنتدى.....

أنا فعلا إمبارح بالليل إتسحبت من غير ما ميجى تحس و هى نايمة و أخدت مفتاح الA5 و قعدت أتكلم معاها شوية علشان أشوف هنقدر نفهم بعض فى المستقبل و لا لأ؟

طبعا هو مفتاح سوستة فيه فتح و قفل و فتح الشنطة....المرايات فيها كشافات علشان تشوف الباب و مكان العربية و كمان فيها إشارات و تسخين لكن للأسف مفهاش أهم حاجة بالنسبة لى و هو الضم...!!

الفرش الجلد البيج كان طول عمرى نفسى فيه و الكراسى كانت مريحة و لكن لاحظت إن الفرش الجلد متوسخ شوية و التعريجات بتاعته فيها سواد و عايز تنظيفه جامده و لكن حالته كانت جيدة جدا...على عكس الدركسيون اللى كان جلد أسود صناعى و كان متاكل شوية....طبعا لقيت فى الطارة البلوتوث و زرار إضاءة زراير الطارة و الvolume و الsource...

شاشة البيانات كانت حلوة و واضحة....المعلومات يمكن زى الميجان أو أكتر قليلا....كمان معدل إستهلاك البنزين لتر/ 100 كم شغال حتى و العربية ممورة غير الميجان هذه المعلومة لا تظهر غير بعد السرعة ما تعدى حوالى 30 كم/ساعة....

الإضاءة فى المصابيح كانت قوية جدا لكن ما أعتقدتش إنها زينون....العربية واسعة فعلا....فتحة السقف الكهرباء كانت ظريفة و فيها كل الحركات من الميل و الفتح البسيط و خلافه.....الشاشة اللى فى الوسط للكاسيت و الcd و التكييف.. الكاسيت ماركة skoda و كمان ظاهر درجة الحرارة مرة أخرى.....التكييف يوجد به مخرج خلفى......يمكن الوصول للشنطة من المسند فى الكنبة الخلفية.....الشنطة مهولة بما تحمله الكلمة من معنى.......الbuild quality بتاع العربية واضح جدا....و واضح إن الأجزاء مصنوعة علشان تعمر لفترة طويلة......لكن كان فيه cost reduction فى بعض الأماكن الغير واضحة و لكن الكابينة كانت جيدة جدا ككل.....كان فيه ستارة خلفية لكن مكنش فيه ستائر جانبية.....يوجد وصلة AUX...

كمان كان فيه ASR و يمكن تشغيله أو إلغاؤه و كمان كان فيه نظام مراقبة ضغط الإطارات و لكن مش لكل عجلة على حده...يوجد cruise control و speed limiter مع alarm مش زى اللى فى الميجان.....2 إيرباج فقط على ما أعتقد

فيه dimmer للتابلوه و التحكم فى إرتفاع الإضاءة و كمان فيه Parking light

مأعتقدتش إن فيه حساس مطر أو حساس إضاءة....

وأنا قاعد و أخد راحتى مع الA5 ميجى قلقت من النوم و ضربتلى flashers...روحت على طول نزلت من الA5 و إعتذرت لها إن مش هينفع نكمل مع بعض و مش هقدر أخون ميجى.....مش لأن الِA5 وحشة لا سمح الله بل بالعكس....لكن لأنى فعلا سوف أدفع حوالى 60000 جنيه علشان بعض الكماليات....طبعا كماليات رائعة لا أنكر و العربية رائعة و لو إنى مسوقتهاش لكن أنا عارف إنها كويسة و مدرسة مختلفة....لكن أنا إستهلاكى بسيط جدا للسيارات و بصراحة حسيت إن ظروف البلد حاليا مش مشجعة على التغيير....فقررت أحتفظ بميجى لفترة حوالى سنتين لو هى إستحملتنى....و نشوف إيه الظروف....يجددنا للأحسن و الأعلى....يا ربنا يسترها معانا......العربية الA5 على فكرة و للأمانة اللى أنا بتكلم عليها لقطة فعلا و أنا ضامنها زى عربيتى...قريبى مهاجر و قرر يبيع...علشان كده من نظافتها كنت مستخسرها تروح لحد تانى....لكن للأسف مش هقدر....لو حد مهتم أو يعرف حد مهتم العربية دى لقطة فعلا و على مسؤليتىالشخصية.......

المشاركة الأصلية كتبت بواسطة kisho55555

سوال اخير ... قريبك طالب كام فى الاوكتافيا ؟؟؟

مفيش سعر محدد....سعر السوق أو لأعلى سعر....لو عندك فكرة عن سعرها يا ريت تفدنى...إحنا سمعنا من 135000 لغاية 120000...مش عارف السعر كام بالظبط....أنا عملت موضوع فى قسم سكودا من كام يوم بسأل عن السعر...للأسف مفيش غير 27 واحد قراء الموضوع و مفيش حد رد عليا....و ده سبب أخر يخلينى أعتز بالرينو و بقسمها المتعاون الجميل.... يا...يعيش...أحلى وحوش.....