ماذا تفعل لو كنت مكانى؟؟ a5 إليجانس و لا ميجان؟.....

**Hany Saad** · 27-07-2011 04:27 AM

أعزائى الوحوش....أنا بشكركم مرة تانية على نصايحكم الغالية......النهارده جاتلى الفرصة إنى أسوق الA5 و أحكم عليها بنفسى و كانت إنطباعاتى كالأتى:

المسافة اللى سوقتها كانت حوالى 25 كم داخل المدينة....طبعا مش كبيرة لكن بالنسبة لى كنت مركز فى كل دقيقة فى هذه التجربة المثيرة....
-أول ما لفت إنتباهى و بدء التجربة بالنسبة لى بداية سيئة هو التقل الرهيب للدركسيون مقارنة بالميجان.....فعلا المقارنة بالظبط و كأنك بتقارن عربية باور بعربية مش باور...أنا فعلا كنت خلاص نسيت هذا التقل فى الدركسيون...لاحظ إنى كنت طالع من جراج ضيق جدا و محتاج مناورات كثيرة للأمام و للخلف.....
-التكييف كان أضعف قليلا من الميجان و لو إنه أتوماتيك و فيه مخرج خلفى و كل جنب على حده و لكن مقارنة بالميجان كان أخف قليلا...يعنى شعور بالراحة و لكن مش ساقع....أنا عارف إن تكييف الميجان مش جامد...لكن أنا لسه مغير فلتر و بغسل السربنتينة بالميه...فكفاءته بالنسبة لى فى الأسكندرية جيدة....
-طبعا المرايات الضم كانت بتمثل مشكلة بالنسبة لى كما أوضحت من قبل....
-العربية تقيلة و لكن بالنسبة لى مكنتش تمثل مشكلة ضخمة...يعنى كنت بقرص عليها و كانت بتقول معايا...يمكن مش صاحية زى ميجى لكن كمان مقدرش أقول إنها بطة كما يشاع عنها...على الأقل بالنسبة لسواقتى...أنا بشبع الغيار لكن مش بحرق و بحب قوى أحترم العربية....بجرى بس فى المفتوح و بعقل.....
-العربية كانت بتنقل على 3000 rpm و لما كنت بقرص كانت بتنقل عند 3500 rpm...العدادات مكنتش مريحة زى ميجى و ده ممكن علشان لسه مش متعود عليها أو علشان كم المعلومات و الشاشات اللى محطوطة فى مكان واحد....
-عجبنى جدا جدا الجيربوكس بتاع الA5....تحياتى ليهم....النقلات ناعمة جدا و متحسش بيها خالص و مريحة العربية بطريقة فظيعة...مفيش أى نتش و لا torque converter زى الميجان و كمان مفيش الkick down المميت بتاع الميجان فى حالة إستخدام الفرامل ثم الضغط مرة أخرى على البنزين....فعلا برافو A5.
-العفشة أنشف شوية من الميجان و العربية كلها بتترج فى حالة المطبات....الميجان أنعم و خاصة داخل البلد....
-الكرسى و مع إنه كان جلد طبيعى و العربية إليجانس و لكن كان ناشف و مش مريح...لاحظ أنا كمان بقارن بأول فئة من الميجان...نفس الكلام ده لاحظته مراتى و هى جنبى...علقت إن الكرسى مش مريح.....
-تجميع العربية أبطأ من الميجان و ده ملحوظ فى السواقة الرياضية و غير ملحوظ فى السواقة الهادية......
- أنا مسوقتش العربية على السرعات العالية و لكن أتوقع مع هذا الدركسيون الناشف و تقل العربية إنها تكون أثبت من الميجان على السرعات العالية......
-فرامل العربية ممتازه و لكن فرامل الميجان أكثر حساسية.....
-إضاءة الكشافات الأمامية أوضح قليلا من الميجان.....
-أبعاد العربية جيدة جدا فى السواقة علشان مفهاش التنافيخ اللى فوق الرفارف زى الموجودين فى الميجان.....

دى كانت إنطباعاتى عن الA5 فى ال25 كم اللى سوقتهم...

**kisho55555** · 27-07-2011 10:16 PM

حتى الان انا مصر على ان ال الاوكتافيا تستاهل افرق ... وده لسبب ان حسيت بيه علىطريق سفر.... وهو الثبات بينهم ...

ده حتى الميحان مع تشغيل التكييف هتلاقيها بردوا تقيلة فى الطلعة زى الاوكتافيا ,,,, لكن لو شفت الاوكتافيا على الطريق هتحس انها عربية المانى فعلا مش تشيكى ....

ده رائى ... مع احترام ياقى الاعضاء ...

**Hany Saad** · 29-07-2011 02:46 PM

لو حبينا نلخص الفرق بين العربيتين فى جمل قصيرة و ده الذى يطلق عليه الmarket image:

الA5 عربية ألمانى بكل ما تحمله الكلمة من معنى...قوة...إعتمادية عالية....فخامة....نقدر نشبهها بإمرأة فى الأربعينات.....شياكة كلاسيكية...رزينة...متزنة... واثقة من نفسها.....عملية إلى حد كبير....كل خطوة بتعملها مدروسة إلى أبعد الحدود و مفيش حاجة متسابة للظروف....

أما الميجان فهى تتبع المدرسة الفرنسية...رقى....إستايل....عط� �شيك....مشدودة دايما....نقدر نشبهها بإمرأة فى العشرينات....شقية... مرحة...جريئة إلى حد التهور...مغرورة.....الكل بيبص عليها بإنبهار و هى ماشية و نفسه يكلمها...

**tareksedra** · 29-07-2011 07:19 PM

المشاركة الأصلية كتبت بواسطة meggieboy

لو حبينا نلخص الفرق بين العربيتين فى جمل قصيرة و ده الذى يطلق عليه الmarket image:

الa5 عربية ألمانى بكل ما تحمله الكلمة من معنى...قوة...إعتمادية عالية....فخامة....نقدر نشبهها بإمرأة فى الأربعينات.....شياكة كلاسيكية...رزينة...متزنة... واثقة من نفسها.....عملية إلى حد كبير....كل خطوة بتعملها مدروسة إلى أبعد الحدود و مفيش حاجة متسابة للظروف....

أما الميجان فهى تتبع المدرسة الفرنسية...رقى....إستايل....عط� �شيك....مشدودة دايما....نقدر نشبهها بإمرأة فى العشرينات....شقية... مرحة...جريئة إلى حد التهور...مغرورة.....الكل بيبص عليها بإنبهار و هى ماشية و نفسه يكلمها...

الف مبروك عليك ميجى صدقنى اختيارك صحيح جدا فرق الفلوس كبير لان السيارتين يعتبروا فئه واحده لاتوجد بينهم فروق جوهريه او فئه اعلى من اخرى مع احترامى للاوكتافيا انا جربتها فتره مش قصيره ولا خلاف انها سياره ممتازه و اعتماديه انا شخصيا كنت مستمتع بها لكن للاسف سلوكيات المستهلك المصرى خصوصا مع الميجان مش طبيعيه سعر بيع المستعمل من الميجان غير منطقى اطلاقا

**tareksedra** · 29-07-2011 07:34 PM

المشاركة الأصلية كتبت بواسطة kisho55555

مع احترامى لكلام حضرتك ...

الفلوانس لم تثبت جدارتها حتى الان .... مع انى مقتنع بيها وكل حاجة ... لكن التعقيد الكامل فى تكنولوجيا رينو ده خلانى اتعقد من كل موديلاتها ...

مع احترامى لمداخله حضرتك الفلونس معايا من ابريل 2010 انا من أوائل مشترى العربيه و بعد عشرين الف كيلو العربيه اعتماديه لاقصى درجه و بدون اى مشاكل مع احترامى لاعجابك بالاؤكتافيا و انا معاك فيه انا شخصيا كان عندى اوكتافيا a5 لفتره مش قصيره صدقنى انت محتاج تسوق الفلوينس و تجربها اذا كانت الاوكتافيا سياره رائعه فالفلوينس ممتعه جدا فى سواقتها احيانا بشعر انى مش بسوق عربيه لا بلعب بلاى ستيشن من دقه دركسيون العربيه و خفته مع احساس مختلف بنظام فرامل ادائه يخليك دائما شاعر بثقه فى العربيه جرب تعمل تست درايف هتفهم قصدى كويس

**tamerosman** · 29-07-2011 07:48 PM

الميجان ميزاتها الوحيدة عن الاوكتافيا الشياكة من جوه و التابلوه و ستايرالفابريكة و شوية الحركات ديه و شكلها عدادتها احلى من الاوكتافيا

طبعا الاوكتافيا و حش و محدش قدر يقول كلمة واحدة عليها

بس لو الميجان مريحاك حرام تغيرها

لان سعر اعادة بيعها واقع و كمان دى متربية على ايدك و الى تعرفوا احسن من المتعرفوش

**scraper2012** · 30-07-2011 07:17 AM

حمايا عنده Octavia أوتوماتيك و أنا عندي ميجان 2005 أعلى فئة,

أنا بركب الإتنين دايماً و الإتنين كوييسين جدا ً بس الميجان تكسب في :-

الشكل الخارجي ذو الطابع الشبابي العصري و أناقة التابلوه

الإمكانيات الكثيرة و المثيرة

رخص قطع الغيار عن الألماني

النعومة و الراحة في العفشة

و الموتور أفضل في السحب و الشد

الأمان وأكيد كله عارف إنها واخده 5/5 في الEuroncap

و الثبات العالي على الطريق بشهادة جميع خبراء النقاد

الميجان 2 في رأيي لن يأتي مثلها مرة أخرى.

**kisho55555** · 30-07-2011 11:00 AM

انا هنزل اركب الميجان يتاعت صاحيى ده كتير.... ويعدها هأجر اوكتافيا .....

وهشوف الكلام ده .... ورينا يسهل ....

يس كلامكوا شجعنى على الميجان اوى .....