الموضوع: تجربتى مع بنزين 80 ونتائجها

أنا تجربتى مع بنزين 80 ماشية كويس ..
كان عندى سفر حوالى 1000 كيلو خلال الأسبوع اللى فات وقضيته كله ببنزين 80 والجرى تمام والتكيييف تمام ولم يكن هناك فرق يذكر عن 92.

المشاركة الأصلية كتبت بواسطة prince_bondok1st

بالنسبه للصيانات انا كنت في البدايه بروح التوكيل في الميعاد
وكنت لازم ادخل مع عربيتي اشوف بيتعمل فيها ايه حتي لو مارضيوش بس كنت برخم لحد ماادخل وفي كا مره كانت الصيانات عباره عن ولا حاجه وتشييك وكله تمام واتفضل ادفع ياباشا
بعد كده بقيت مابعملش الصيانات لان الحمد لله العربيه كويسه
بالنسبه للشد.. انا من النوع اللي بيجري بس علي طرق السفر مش جوه البلد اللا فيما ندر طبعا
لان جوه البلد شد وفرامل كل شويه مش عارف بحس انه بيهين العربيه
لكن علي طريق السفر مفيش مشكله وان كان بقالي مده طويله علي طريق السفر بمشي 100 -120 مش بزود لانها مش بتفرق كتير خصوصا بعد الجواز والاولاد
بس انا اقصد بالنسبه للاستعمال انك تاخد بالك من عربيتك وماتهينهاش يعني اعمل اللي انت عايزه بس من جواك بتكون عارف انك مش بتفتري عليها
وفيه نقطه تانيه ان ماتغيرش حاجه في العربيه اللا لما تخرب لاني لما كنت بروح الصيانه يقولك لا دا فلتر البنزين لازم يتغير كلي كام كيلو وطقم السيور وسير الكاتينه وكلام كتير انا بصراحه طنشته لان عربيتي زيرو وانا بعاملها كويس واهوه مفيش حاجه الحمد لله ومغيرتش فيها غير الزجاج الامامي بسبب لعب العيال
حط 80 براحتك واجري براحتك المهم انت عارف من جواك انت بتعامل عربيتك ازاي
وبالنسبه للتكييف بشغله علي طول يعني بتعامل طبيعي
بس عمري مابجري بيها في طريق مكسر ولو الطريق مكسر بمشي بيها علي سرعه30 ودايما اخد بالي من المطبات
مع اني ساعات بحمل فيها حاجات كتير ومره كنا راكبين 9 افراد فيها فوق بعض لان مكانش فيه عربيه تانيه يعني القصد اني بعمل بيها كل حاجه حتي لو قسيت عليها بقسي بس وانا محافظ عليها ومخلي بالي منها
دي تجربتي وكل سنه وانتوا طيبين ورمضان كريم ياجماعه

عربيتك عامله كام كيلو وغيرت طقم الكاتينه ولا لسه

المشاركة الأصلية كتبت بواسطة prince_bondok1st

عربيتي عامله 80 الف كيلو تقريبا
والحمد لله مغيرتش فيها حاجه ومفيش ميكانيكي مد ايده عليها الي الان
ربنا يديمها نعمه

الحمد لله والشكر لله على نعمه الكثيرة وآلائه العظيمة وربنا يديم عليك نعمه ويبعد عنك كل ميكانيكى ويكفيك شر كل سمكرى ويجنبك كل عفشجى ويرزقك دايما بمهندس محترم فى كل صيانة دورية .. اللهم آمييييييييييييين ورمضان كريم

المشاركة الأصلية كتبت بواسطة Egyzizo

أنا تجربتى مع بنزين 80 ماشية كويس ..
كان عندى سفر حوالى 1000 كيلو خلال الأسبوع اللى فات وقضيته كله ببنزين 80 والجرى تمام والتكيييف تمام ولم يكن هناك فرق يذكر عن 92.

بسم الله ماشاء الله ربنا يبارك لك فيها وانا سعيد بكلامك ده لانه بيأيد كلامى ووجهة نظرى بأصالة موتور اللوجان وكفائته العالية حتى مع بنزين 80 المنخفض الاوكتين