نيو اكسنت هتجنني !!!

**Nanona2011** · 29-07-2011 01:23 AM

كلام صح الصح
بس انصحك بالعاديه لان ال rb سعرها مبالغ فيه دلوقتى زيادة عن اللزوم او اصبرى شويه لما ترخص
بس بصفه عامة الاكسنت سواء العاديه او rb عربيه محترمه ويعتمد عليها جدا جدا
وبلاش السبورت عشان شكلها عامل زى الكائن المهجن شكلها مش راكب على بعضه كده[/QUOTE]

والله دي هي الفكرة الي انا كونتها
العادية تكسب

**Nanona2011** · 29-07-2011 01:27 AM

المشاركة الأصلية كتبت بواسطة memo823000

النيو اكسنت والسبورت والجتس انتاجهم اتوقف خلاص ومعدوش موجودين فى التوكيل
يعنى معتش قدامك غير الار بى وهى عربيه محترمه ومحدش اشتكى منها رغم الانتشار الرهيب
وهى طبعا طبعا افضل من النيو اكسنت فى الموتور والفتيس والخامات الداخليه والصاج والتقفيل ونعومة العفشه وهدوء صوت الموتور والاوبشنز ووسع الصالون والشنطه والشكل الرياضى الحديث وكمان لسه العربيه جديده مش انتاجها اتوقف زى النيو اكسنت
مفيش حد اشتكى من العربيه فى المنتدى هنا غير حالتين ومشعارف اتحلت ولا لا

هل ده بجد؟ بس متهيالي في عربيات هنا كتير نيو اكسنت ؟؟
وكمان الي سمعته ان في طلبات وحجز جامد عليها
وسمعت الكلام من حضرتك ومن ناس تانية بس برضو كلام بين ناس في منتديات فمكنتش عارفة!!1

**Nanona2011** · 29-07-2011 01:30 AM

المشاركة الأصلية كتبت بواسطة Ghosts

العقل يقول جين 2 ....
بس العين و القلب يقولوا أكسنت rb وش ....
لو عايزة عربية صاجها قوى وفيها كل عوامل الأمان و شكلها روش يبقى جين 2 ....
ولو عايزة عربية شكل بس لكن مفيهاش عوامل أمان و صاجها ضعيف وبتحك فى المطبات يبقى ال rb ....

انا خلاص هشتري عجلة احسن

العقل فعلا بيقول جين تو
بلاش اقرا البوست بتاعك لحسن صوت الضمير ده بيفوقني للواقع الاليم الي هنا في مصررررررررر

**HOSSAM99** · 29-07-2011 01:33 AM

المشاركة الأصلية كتبت بواسطة nanona2011

ميرسي بجد على توضيح حضرتك الوافي للفروق بين ال3
انا اول مرة اعرف ان الاكسنت 2011 العادية شكلها عادي مفيهوش تجديد وان الهيكل الثوري ده هو للسبورت بس
ولو مش هناخد الشكل على محمل الجد اوي لان طبعا اهم شيء العربية العملية وطبعا اني محطش 6 ولا 7 الاف زيادة في كماليات انا مش محتاجاها

تـــاني حاجة انا شايفة ان كماليات السبورت مش هتفرق معايا اوي يعني العادية تكسب لانها اوفر
بس بالنسبة للار بي انا حاساها عربية عالية وفي نفس الوقت برضو مش الي انا مستنياه لاني كنت بقارن في بالي بين الجين تو و الاكسنت ولو الجين تو بتتفوق فهي بعوامل امانها ولو الاكسنت هتخيب هتخيب عشان مفيهاش لا اي بي اس ولا اير باج
اما عن قطع الغيار فده في صالح الاكسنت ومش الجين تو خالص

انا كمان حتى مش عارفة هلاقيلها قطع غيار هنا في بورسعيد ولا لا

بصرااااحه مش عارفة بقا!!!

أنا حاسس إني لغبط حضرتك
أو من كتر الكلام توهنا
النيو أكسنت دي أول شكلين فقط
أما الأكسنت أر بي 2011 هي اللي بالتصميم الجديد(الثوري )

و بالنسبه لقطع غيار الجين تو في بورسعيد أنا معرفش لكن اللي أنا أعرفه إنها غاليه (يعني لو حد هايحسبها ثمنها حلو علي كمالياتها ...هاقوله الثمن الحلو هايتعوض في قطع الغيار )

و للعلم فيه فئه في الrb فيها جميع الكماليات و وسائل أمان
و عليك بالإستخاره

**Ashraf_Ibrahim** · 29-07-2011 01:34 AM

المشاركة الأصلية كتبت بواسطة Nanona2011

لو قطع غيار الجين تو متوفرة وخصوصا اني من بورسعيد والله مش هتردد وهجيبها

والي مخليني افاضل بينها وبين الاكسنت موضوع قطع الغيار باعتبار الاكسنت مفيش اوفر من قطع غيارها ولا اكتر انتشار من صيانتها لانها بقت شيء دارج هنا

اعمل ايه بقاااااااااااا انا

انتي في بورسعيد يا فندم
يعني كل حاجة موجودة
عموما مش هتخسري حاجة لو تعبتي شوية وسألتي على قطع الغيار
وبعدين انتي مش هتحتاجي غير حجات الصيانة الدورية
يعني بوجيهات وفلاتر وتيل فرامل امامي
مش هتحتاجي حاجة تانية لفترة طويلة ان شاء الله
وكل دا بيركب عليها وموجود مش ناقص ولا حاجة
انا بصراحة استحرم اني ادقع مبلغ يتجاوز ال 80000 جنيه وفي الاخر مركبش عربية فيها اير باج او اي بي اس
اقل حاجة مقابل اللي هدفعه اني اخد عوامل امان جيدة
والجين تو رائعة في هذا المجال
وشكلها ممتاز جدا
عربية جمعت المعادلة الصعبة اصلا

**Screenplays** · 29-07-2011 02:05 AM

قطع غيار البروتون موجوده في بورسعيد بس في محلات معينه في الحرفيين و مفيش معارض بتبيع بروتون في بورسعيد

**meshmesh_egypt** · 29-07-2011 10:21 PM

المشاركة الأصلية كتبت بواسطة Nanona2011

المشكلة ان كلامك صح موضوع انها منتشرة اكتر
بس امكانيات وامان الجين تو بصراحه بتشدني
وكمان جين تو اوفر
ولو هجيب فهجيب الاكسنت العادي مش رياضي ولا اربي لاني لو هدور على كمااليات ادفع فيها هتكون اير باج و اي بي اس مش هيكل و شوية كماليات مش هتفيد احتياجاتي

كلامك صح و كلام المتحيزين للجين تو صححححح
مش عارفة بقا:b4_384:

والله انا شايف ان تقصير النيو اكسنت الوحيد هو وسائل الامان زى ما بتقولوا بس تعالو نتكلم كلام منطقى
اولا الاير باج
مين بيشترى عربيه فيها اير باج ومش بيفصل السينسور بتاعها لانها ساعات بيفتح من اقل تخيشه خفيفه
اغلب الناس بتفصله وكانه مش موجود
ثانيا ABS
انا مشوفتش ABS محترم الا فى العربيات الالمانى العاليه انما بتاع الكورى والماليزى ABS على ما تفرج يعنى اى كلام وانا جربته فى الجين 2 والعربيه بتزحلق برده وعادى كان مفيهاش ِABS على السرعات العاليه
ثالثا تقفيل Gen2 من جوه خامات مش قد كده وزرايرها مع العمر الكلام فيها بيتمسح وحصلت مع ناس كتير

**Nanona2011** · 30-07-2011 12:33 AM

المشاركة الأصلية كتبت بواسطة Screenplays

قطع غيار البروتون موجوده في بورسعيد بس في محلات معينه في الحرفيين و مفيش معارض بتبيع بروتون في بورسعيد

لو على شرائها مش هتيقا مشكلة انا ممكن ابعت اللي يجيبهالي من القاهرة مش مستحيل يعني
ولو قطع الغيار متوفرة في الحرفيين فعلا فده شيء كويس
انا فعلا هروح اسال بس كنت حابة اعرف من حضراتكم قبل ما اروح اسأل في مكان والناس تتريق عليا عشان معنديش فكرة وكده

خاصة ان جين تو وبروتون عامة مش متوفرة كتير هنا

**Nanona2011** · 30-07-2011 12:37 AM

المشاركة الأصلية كتبت بواسطة meshmesh_egypt

والله انا شايف ان تقصير النيو اكسنت الوحيد هو وسائل الامان زى ما بتقولوا بس تعالو نتكلم كلام منطقى
اولا الاير باج
مين بيشترى عربيه فيها اير باج ومش بيفصل السينسور بتاعها لانها ساعات بيفتح من اقل تخيشه خفيفه
اغلب الناس بتفصله وكانه مش موجود
ثانيا abs
انا مشوفتش abs محترم الا فى العربيات الالمانى العاليه انما بتاع الكورى والماليزى abs على ما تفرج يعنى اى كلام وانا جربته فى الجين 2 والعربيه بتزحلق برده وعادى كان مفيهاش ِabs على السرعات العاليه
ثالثا تقفيل gen2 من جوه خامات مش قد كده وزرايرها مع العمر الكلام فيها بيتمسح وحصلت مع ناس كتير

نقطة ان العربية برضو بتزحلق وان الاي بي اس و الايرباج فيها شيء نظري ده ممكن يخليني اميل تاني للنيو اكسنت!!
و الكلام الي بيتمسح ده ايه حكايته؟!