السلام عليكم و رحمة الله و بركاته
كل سنة و حضراتكو طيبين :)

انا كان عندى مشكلة فى تيل الفرامل بيصفر باستمرار من وقت ما كانت العربية عاملة 2000 كيلو تقريبا
روحت صيانة ال5000 اشتكيت من الموضوع ده قالوا لى عادى ديه صفارة طبيعية
المهم فاجاة كده سمعت صوت احتكاك حديد فى حديد جاى من العجلة اليمين,,,عرفت ان التيل خلص..العربية عاملة 8500 كيلو روحت التوكيل تانى يوم...كان موجود واحد اسمو محمد بهجت,,كشف على العربية و قالى انت مش حاجز لية قولتولو انتك كاتبين ان لو العربية فيها مشكلة حيوية تروح على التوكيل على طول,,,قالى بس الفرامل مش حيوية دمى فار و اتنرفزت بس والدى هدانى و قالى هتعدد للساعة 4
المهم بعد نص ساعة قال اسمى و قالى,,,,,العربية هتغير تيل امامى و هيتكلف 350 جنية قولتلو ليه ؟ ديه العربية عاملة 8500كيلو ! ازاى اغير تيل يعنى ؟
المهم ماردتش ادفع و داخلنى على مدير الورشة و قالى ان تيل من النحيتين مناكل بتفس المقدار تقريبا يعنى مش عيب صناعة...عيب استخدام
قولتلو برضو ازاى تيل يخلص على 8500 ؟ هى توكتوك؟ المهم فى الاخر وصلنا انى هادفع 230 جنيه بس و دافعت و خدن العربية و مشيت

1-ازاى عربية مانوال مفيهاش abs التيل يخلص بسرعة ديه؟
2-لو هو عيب استخدام ليه وافقوا انى ادفع 230 جنية بدل 350 ؟
3-انا ماشى بحسس على الفرامل و الله ممكبش خالص و بقف من بدرى
ياريت حد يقولى ازاى احافظ على التيل يا جماعة؟
4-مش ممكن تكون الطنبورة بتاكل فى التيل و فيها مشكلة ؟

الف شكر مقدما يا رجالة :)
صحيح,,,,,,,,,,العربية ما شاء الله زى الفل محدش يفهم كلامى غلط الحمد لله راضى جدا و مرتاح :)