السلام عليكم ورحمة الله وبركاته

صاحب الفكرة الأساسية
الأستاذ kareembelal
فى موضوعه القيم
http://www.nilemotors.net/Nile/180380-a.html

ثم طورها
الأستاذ husseinsalah
فى موضوعه الرائع
http://www.nilemotors.net/Nile/186670-a.html

أنا إستنعت بالله ثم بالموضوعين السابقين
وحاولت أنفذ الفكره
بمساعده أحد أصدقائى المقربين
(جزاه الله خيرا على تعبه ومجهوده معايا)
حيث انى معنديش خبره
فى الإليكترونيات
ولكن وجدنا إختلافات عند التنفيذ

المشروعين السابقين
تم التنفيذ بإستخدام موبايل نوكيا 1100

المشكلة انه مش موجود فى السوق جديد
وأنا لا احبذ شراء موبايل مستعمل من المحلات

لذلك تمت تجربتى بإستخدام موبايل نوكيا 1208
موبايل أحدث نسبيا ومتواجد فى الأسواق
فى حدود 140 جنيه

الإختلاف بينهم أن موبايل 1208 زرار الخروج الأحمر
بيؤدى أكثر من وظيفه
- بيمسح الشاشة من أى أرقام
- بيغير أوضاع الموبايل من صامت الى عام وخلافه
- بيعمل إغلاق للموبايل
بخلاف موبايل 1100 بيؤدى وظيفه واحده فقط وهى مسح الشاشة
وكادت تفشل التجربه .......

ولكن وجدت ميزه رائعه فى موبايل 1208
وهى انه يمكن الضغط على زرار الإتصال السريع وليكن (7)
حتى وإن كان على الشاشة ميسد كول
أو رسائل جديده
بخلاف معظم الموبايلات القديمة ومعظم الموبايلات الحديثه أيضا
وبخلاف 1100 طبعا
أنا كده مش محتاج زرار الخروج

ووجدت انه يمكن تصميم دائرة أبسط بريلاى واحد فقط على
زرار الأتصال السريع (7) مثلاً
كما هوه موضح فى الصورة التالية



أثناء التجربة على أى مصدر للتيار الكهربائى مثل الأدابتور
أو بطارية السيارة
وجدنا أنه عند إهتزاز اليد لحظة التوصيل
أو عند التوصيل والفصل فى جزء من الثانية
الموبايل لا يتصل ولكن بيكتب رقم 7 على الشاشة
وفى هذه الحالة يجب الضغط على زرار الخروج لمسح الشاشة

كلنا عارفين فى أى موبايل لكى تجرى اتصال سريع مخزن
على رقم يجب ان تضغط على الرقم بضع ثوانى
وكانت مشكلة كبيره جدا
ووجدنا الحل فى توصيل مكثف ليحتفظ بالشحنه
فبمجرد لمسه من التيار الكهربائى ثم فصلها المكثف بياخد شحنته
ويحتفظ بيها وبيديها للريلاى
كده انا مش محتاج ان الباب يتفتح لفترة 2 ثانية أو ثلاثة
وديه ليها بعد أمنى هام جدا
بمجرد فتح الباب لجزء من الثانية بتتوصل الدائرة
 والحمد لله كان حل بسيط وفعال وممتاز

بدأت خطوات التجربة العملية على السيارة أمس
حبيت أوصل الدائرة بعيد عن إنذار السيارة
وبعيد عن السنتر

روحت للكهربائى وتم التوصيل على زرار أحد الأبواب
وتعمل هذه الدائرة مع نور الصالون داخل السيارة
وتم التوصيل فبمجرد فتح الباب ولو لجزء من الثانية
ومع نور الصالون بيوصل للريلاى 12 فولت
بيقفل الدائرة من السلكين الآخرين المتوصلين بالزرار رقم 7
ويبدأ الموبايل بالإتصال السريع على موبايلى الآخر
والحمد لله التجربة نجحت والموبايل اتصل بيا

ولكن ظهرت مشكلة أخرى ......