الموضوع: تجربتى لتوصيل موبايل فى السيارة لحمايتها من السرقة(محتاج مشورة خبراء الإلكترونيات)

المشاركة الأصلية كتبت بواسطة dr_tamer_sh

السلام عليكم استاذ احمد ياترى ايه اخبار التوصيله دى شغالة كويس معاك ولا ايه الاخبار؟
انا كنت عاوز اخد رأيك فى كذا نقطة
انا المشكلة ان عندى عامل الوصله بجهاز نوكيا 1100 فياترى انت مستخدم جهاز نوعه ايه؟
المشكله ان ساعات الجهاز لوحده الاقيه كتب رقم على الشاشه من غير اى فتح للابواب وده تانى جهاز عندى وبيحصل فيه نفس المشكله والاتنين 1100 فمش عارف هل من موديل الموبيل وطبعا انا تاكدت من التوصيلات وكلها سليمه مفيش اى تلميس
انا كان عندى جهاز 3310 عملت نفس الفكره عليه بس مشكلته انه بيعمل وظيفه واحده بس لو ضغطت على اكتر من زرار بمعنى انى لو فتحت الباب مثلا هيفضل ضاغط على رقم الاتصال بس ومهما وصلت سلك الكانسيل مش هيأثر الا ام اقفل الباب الاول عشان يحصل كأنى شيلت أيدى من على زرار الاتصال وطبعا مش هعرف اقفل الباب وبعدين اكنسل فهل ممكن اوصل ريلاى بس مش عارف ان كان على سلك الاتصال ولا الكانسيل بحيت انها تعتبر ضغطه واحده بس مش مستمره يعنى بحيث انى اقدر افضى الشاشه قبل ام انزل
اتمنى ان يكون كلامى واضح ف انتظار ردك

إزيك يادكتور تامر
الحمد لله
شغاله كويس وبتؤدى دورها تمام


انا مغيرتش الموبايل نوكيا 1208
لو انا فاتح الباب بقدر اضغط على كانسل وامسح الشاشة عادى
بس مش بيستجيب من أول ضغطه بضغط كذا ضغطه على ما بييستجيب ويمسح الشاشة
لو الباب مغلق بيمسح الشاشه من أول لمسة

بالنسبة لمشكلة كتابة رقم على الشاشة بدون فتح أبواب
ده معناه ان الريلاى بيلمس أو بايظ
بلاش تشترى ريلاى جديد متهيألى الجديد مضروب
هات ريلاى 12 فولت من بتوع تصليح الشاشات والكمبيوتر
يفكهالك من شاشات بايظة
وبتكون انواع اصلية وكويسه

فيه واحد قالى ممكن تركب بدل الريلاى ده
كتاوت كبير زى اللى راكب فى العربية