الموضوع: حاجة تفطر !!

السلام عليكم

انا امبارح حصل معايا موقف مخلانيش انام

بعد ماخلاصت شغل روحت عند واحد صاحبى خلف حديقة بدر - جسر السويس بالظبط فى شارع الاربعين
المهم ان الشارع فيه تصليح وخلافة وفى ناحية رايح وناحية جاى وجزيرة فى النص المهم

خلاصت مع صاحبى وتمام سلام سلام وماشى فى امان الله وهلف وارجع علشان اطلع جسر السويس وبدور على اول لفة ومشلاقيها لان فى ماسورة كبيرة موجودة بطول الشارع ومش لاقى نهايتها المهم الماسورة انتهت ولقيت اللفة وجيت الف لقيت اكثر من عربية واقفين واقفلين ال يو تيرن بصيت فى المرايا مفيش حد جاى من ورا جيت اكمل فى الشارع علشان اخد اول يو تيرن لقيت فى وشى موتوسيكل دوست فرامل وقفت فى مكانى والله لانى مكنتش اتحركت اصلا يادوب بوز العربية لف الناحية التانية لقيت الراجل بيزعق بصوت عالى (في ايه......فى ايه..... فى ايه) (الراجل يبدوا علية ميكانيكى ) وبيخبط الاكصدام الامامى بالموتوسيكل بكل بساطة قولتله فى اية ياعم لقيته بطل الموتوسيكل ونزل وطلع من شنطة بلاستك قدامه على الموتوسيكل منشاكوا عبارة عن قطعتين حديد يتوسطهم جنزير وجاى عليا وبيبرق وبيهلل وبيزعق
بينى وبينكم قولت ربنا يعدى اليوم دا على خير واطلع سليم المهم لقيتة جى حنبى وبيقلى رايح شمال ويمين ومش مخلينا نعرف نعدى فى ايه ..... وبصراحة عنية بتطق شرار على راى فردوس عبد الحميد
ابتديت بكل هدوء اشرحله ان كنت بالف ولما لقيت العربيات راكنة رجعت تانى وبرضه مش عاجبة وبيزعق
المهم الناس اتلمت وقاعدوا يهدوا فى الراجل بالرغم انه هو اللى غلطان وجاى عكس
العجيب ان بعد مركب الموتسيكل وهيمشى باقوله الموقف مش مستاهل اللى حصل دا كله وكل سنه وانت طيب
لقيته بيبراقلى قوى و مش عاجبة الكلام قمت مبراقله وفضلنا حوالى 1/2 دقيقه باصين لبعض وهو عنيه والله حاسس انها هتخرج بره ومش عاجبة وتدخل بعض الناس المارة ومشيت والحمد لله

بذمتك مش حاجة تفطر

المشاركة الأصلية كتبت بواسطة SYD

أزيك يا أحمد بيه

عامل أيه ؟؟ كل سنة وانت طيب ، وحشتني والله

الحمدلله
وحضرتك طيب وبخير

انت اللى واحشنى ان شاء الله بعد رمضان يكون فى مقابلة تانى

وازاي الباشمهندس ايهاب ؟؟ اختفي تماما ، لو بتقابله بعد الصلاة سلملي عليه كتير

يوصل ان شاء الله

انا عارف انت بتخاف علي عربيتك قد ايه ومقدر شعورك ان واحد الله يسامحه بلطجي يخبطلك الأكصدام

طبعا هي حاجة تفطر ، وتخوف كمان

بصراحة انا مكنتش خايف على العربية بس انا كنت خايف على نفسى الراجل ماعملتلوش حاجة وبيتكلم كدة امال لو كنت خبطة كان عمل ايه

انت كتر خيرك

الله يبارك لك

بس المشكلة ان في ناس مؤدبة عايشة مع ناس عربجية والأتنين مش مستريحين مع بعض لا وتلاقي ناس بتحقد علي ناس وفي غل طبقي

العملية معقدة

المهم ان انت بخير وانا سعيد اني شوفتك برة منتدي سيات

والله المستعان
،

الموضوع مش موضوع حقد ولا غل الناس عايشه مع بعضها من زمان محترم مع غير محترم ومفيش مشكله
لكن الموضوع ان غياب الشرطة مخلى كل واحد بيحاول ياخد حقة بنفسه ومخالى البلطجية يتصرفوا كما يحلو لهم اللى عايز يضرب يضرب واللى عاوز يسرق يسرق



،