الموضوع: حد يشاورنى عملت حادثة و الميكانيكي نصب على و مش عايز يخلص العربية من اكتر من شهرين

المشاركة الأصلية كتبت بواسطة khaled_yassin

هو الراجل دة فين؟؟

فى الحى العاشر مدينة نصر عند حضانة الزهراء و قريبي اللى فى الجيش قال ان المنطقة دى عزبة الهجانة مع انها لازق فى عمارات الضباط!

المشاركة الأصلية كتبت بواسطة totie

بص يا معلم عايز الي يخلص انت تطلع علي القسم وتعمل محضر ان الراجل دا سرق من العربية الحاجات الي كانت جوها لما استلمها وتقول كان فيها ايه وايه الي اختفي وتاخد حد معاك من القسم يعمل معاينة للعربية وهيا فاضية بعد كده الراجل هيتشد علي القسم وهيخلصاك كل حاجة

تمام و اقول لهم العربية شدها عندها و فكها من اكتر من شهرين و هى على الوضع ده فاضية و انا شاكك انه باع محتويات العربية ؟
المشكلة هو شايل معظم حاجات العربية فى دكانة صغيرة جبن دكانته لكن مش كل حاجة متشالة فيها
طيب السؤال هنا لما يوريهم الحاجات بتاعت العربية حيغلس برضوة ولة حيحاول يخلص بسرعة ؟ ولة احاول اعمل مشكلة تانية ؟
و جزاك الله الجنة على الاهتمام

المشاركة الأصلية كتبت بواسطة beshomilan

انا رايي فعلا بلاش قسم او اى حاجة وخصوصا انه عارف بيتك وانك عندك اولاد وده بنى ادم شرير
انت زى ما اتقال تقوله ان فيه عربية واحد صاحبك عملت حادثة وهى عربية بى ام وتجيب فعلا حد من صحابك شكله هاى كلاس ويتكلم معاه ويوريله صورة لعربية بى ام عاملة حادثة المهم انه يملى عينه ويعرف هتتكلف كام وانه متفرقش معاه الفلوس بس اهم حاجة العربية لانها غاليه عليه جدا وطبعا هتتكلف ارقام اضعاف اللى خده منك فهتلاقيه فكر فدماغه وقالك انا نصبت خلاص على ده فاخلصله العربية بتاعته عشان انصب على صاحبه فمبلغ اكبر وان صاحبك مش لاقى شغل فعربيتك حصل عشان يقرر يجيبله عربيته ولا لا
وياريت تحاول تجرب وانت بتتكلم معاه تعمل انك بتتكلم فى التليفون وانك بتعمل شغل فى الداخلية او فى الجيش وترد على حد وتقول كلمت العميد كذا على كذا ووافق وحتى عزمنى افطر معاه وكان عايز يوصلنى فعربية الجيش بتاعته وانا مرضتش وحاجات من دى وافلام كده عشان يحس انك تعرف ناس جامده..وبرضه لما تشوفه مثلا قوله انا هجيلك بكره انا عندى شغل فى الداخلية هخلصه واجيلك وهكذا عشان يحس انك اه كويس ومحترم بس ممكن تقلب عليه
وميمنعش برضه لو تعرفه انك شغال فى الجيش فى ادارة المعلومات او المساحة بما انك حد محترم وكويس وهادى عشان ميشكش انك بتضحك عليه وبقول ازاى بتاع جيش وهادى ومحترم كده
يارب اكون افدتك وربنا يبعد عنك الشر والاشرار وربنا يجازيه على شره معاك بس خليك واثق ان ربنا مبيسيبش حد ابدا

هو للاسف عارف انه اتنصب على قبل كده فى شقة بعتها فبيستغل الحكاية دي و بيستعبطنى بقدر الامكان
لكن انا رحت فعلا بضابطين جيش اقارب زوجتى وواحد فيهم ساكن قريب منه بس حكاية انه طلع مسيحي دى خلته ميحاولش يهدده ولة حاجة لانه قال ممكن يعملوا الخناقة انها فتنة طائفية زي ما الاعلام بيروج دايما !
اما بخصوص الداخلية مش عارف هل لها اى شوكة الان عليهم ولة علشان بع د الثورة مش هيمهمه؟
و ححاول اشوف حكاية انى اعمل عليه فلم دي بخصوص عربية تانية
و جزاك الله الجنة على الاهتمام

حسبى الله فى كل ظالم ربنا معاك ويقدرك عليه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

المشاركة الأصلية كتبت بواسطة khpopo

حسبى الله فى كل ظالم ربنا معاك ويقدرك عليه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

اللهم آمين آمين آمين

المشاركة الأصلية كتبت بواسطة khpopo

حسبى الله فى كل ظالم ربنا معاك ويقدرك عليه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

جزاك الله الجنة لدعوتك لى بظهر الغيب ربنا يكرمك

طب فى حل بس غريب شويتين تلاتة اربعة كمان
مش هو مسيحى ؟؟
يبقى تشوف الكنيسة القريبة من محل سكن الصنايعى او ورشتو و تشوف قسيس او حد كبير هناك و احكيلو اللى حصل و خلية يجى معاك يوعظو و يفهمه ان اللى عملو ده غلط و كدة
لان المسيحين بيسمعو كلام رجال الكنيسة حاول و ان شاء الله تنجح