حد يشاورنى عملت حادثة و الميكانيكي نصب على و مش عايز يخلص العربية من اكتر من شهرين لحد الان و اخذ الفلوس كلها تقريبا كنت متفق معاه على 6500 و هو يعمل كل حاجة و يجيب كل قطع الغيار لكن انا للاسف اعطيته 6000 طبعا راح طمع و قال الحكاية حتزيد 1500 قلت له ليه قال قطع الغيار رحت رايح و جبت له قطع الغيار برضوة مخلصهاش و عايز الف جنيه !
و انا مش عارف اعمل معاه ايه و العربية لسه مخلصتش سمكرة حتى بقالها من شهر 5 حتى اليوم عنده فكها كلها
لكن انا سجلت له فيديو و هو مش عارف طبعا و انا بقول له مش اتفقنا على كذا و كذا و انت رجعت فى كلامك و مسجل له و هو بيأكد كلامى و كله متسجل فهل ده يفدني فى شئ اعرف اعمل بيه حاجة؟
ولة ايه الحل مع النصاب ده !!
العربية صدت و هى واقفة
ارجوكم اللى يعرف ممكن اعمل ايه معاه يساعدنى لحسن انا بدفع اقساط للعربية و للاسف كنت شايل التأمين من على الاقساط و كل الفلوس دى من جيبي و العربية واقفة مش شغالة بقالها اكتر من شهرين حتى الان