الموضوع: رينو....نفس مستوى خدمة العملاء فى كل مكان......هو لسه فيه كده ؟

السلام عليكم يا وحوش و كل سنة و أنتم طيبين.......و رمضان كريم.

الميجان كان فيها مشكلة بقالها فترة و وديتها التوكيل تتصلح مرتين و مفيش فايدة........عملت شكوى فى موقع رينو الشرق الأوسط.......و كلمنى مدير الورشة فى أحد فروع رينو فى دبى و قالى هات العربية وقت ما تحب و هتسيبها يومين أو تلاتة و هنديلك عربية بدالها.

طبعاً أنا ما صدقت.....وديت العربية السبت اللى فات و أدولى بدالها سافران..........بهدلتها فى ال 4 أيام دول :)

التشخيص المبدئى كان طرمبة بنزين.......و بعد الفحص و التمحيص غيروا الطرمبة و غيروا كمان حساس أسمه DTC sensor أنا مش عارف هل هو ده حساس الكرنك و لا حاجة تاينة.

نيجى بقى لساعة الحساب و أنا ركبى بتخبط على الجيران........
طرمبة البنزين.........على حسابهم ( سعرها 1300 تقريباً من غير تركيب )
حساس ال TDC ....على حسابى ( سعره 390 و عملولى عليه خصم بقى ب 202 من غير مصنيعة التركيب )

ملحوظة العربية مش فى الضمان.....خلصت عدد السنين و الكيلومتر كمان مش واحدة منهم بس :)

أول ما قلت لمراتى على الكلام ده قالتلى طبعاً أنت مش هتغير رينو طول عمرك :)



تحية لرينو على مجهودها المبذول للمحافظة على عملائها.